Geehhoeemaá 2:7 - Biblía Axweesantá Hhohho' ar Mungú 2004

⁷ «Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Ya/abtór hho' 1977

⁷ “Heé iaá koóm, axweesantí ngi axaasi, tí Qeeru i kaahi dír múk Kríshaanáy, “‘Heedaádá' arba/ati ga sláw, aníng u ya/aámár i haniís ar mamaá xa'anooduú slafiingw ngiwa /ayi, kudá' baraá asalmoó Mungú i dirií'.’”

Geehhoeemaá 2:7 Iomraidhean Croise

IIMU/UUNGW 2:9

AAKOÓ Mungú xaa'aá daa'aweemaá dimbadimbé giri baraá hhapér wa titi'iís, xaa'aá hhohho' nee awa /aymár ya/aamá'. Nee baraá tla/ángw asalmoowo Mungú xa'anoó mamuuwós slafíngw hanmiisá' guri qaás. Nee xa'anoó mamuuwós xu'utír muruú hhó' nee oo tlákw laqaaqamá' guri malé qaás.

AXWEESANOÓ SAGALOOA 11:30

Hotaá ganaa'á' a mamaá xa'anoó slafiingw. Heé sagaloó' ga aleesláy muu nguwa afa/asli.

AXWEESANOÓ SAGALOOA 13:12

Gár taa harahhíf bira tlík i slahh'eemís. Ala gár ta sla' bara sleér a adór xa'aanoó slafiingw.

AXWEESANOÓ SAGALOOA 15:4

Axweesanoó hhó' a adór xa'aanoó slafiingw, Ala afaatli/a i múk hhititiín.

AXWEESANOÓ SAGALOOA 3:18

Sagalooa a adór xa'anoó slafiingw dír múk gaa /atleesi. Heé amohhoó' a kudá' nee inós taa dabe oohiye'.

ESEKIELI 28:13

Ana Edenír wa hót, dír asalmoó Mungú, tuna qaalín ar tlaa/aá tlaxo uren, awa akiíki, nee topaási, nee yáspi, nee sabarajaádi, nee beriíli, nee sardoniíki, nee yakuúti-sirboo/, nee miisli, nee sumariídi. Tuna qaalín ar sahaábu hhohhó'. Muruuwí sleémeero kuna amohhe'eés as kuúng, iimír bál tuwa tleéhh.

ESEKIELI 31:8

Dír sahhtár baraá asalmoó Munguhe ar ta inósár alqoomeesi i káhh. Tam /aantsí nee haleemiiwós ta qonká. Tam xa'anoó ta babay miamoóri haleemi gi konká adór inós ar alé. Tam nee xa'anoó hhohhoaariro slaqmís baraá asalmoó Munguhe i kaahh.

Matayo 11:15

Heé iaá axamis gi koóm i axaasi.

Matayo 13:43

Mukdá' hota ganaá' qoomaadae baraá waawuti'iimár Baabuúine tan gwa/aat adór tsee/amá. Heé iaá axamis gi koóm, i axaasi.»

Matayo 13:9

«Heé iaá axamis gi koóm, i axaasi.»

Marko 4:9

Yesu giri báy, «Heé iaá axamis gi koóm, i axaasi.»

Marko 7:15

Gár hee i /ayi, gu meetagaská, ala tidá' baraá muunuú heé daahh, an tidá' gu meetagaas. [

Marko 7:16

Barnaxes hee iaá axamiis gi kón i axaasi.]»

Luka 23:43

Yesu iri oó', «Án a kah, laarír kilá' án nee kuúng a al dinkwa didár amohhooaro.»

Luka 8:8

Oo hatlá' iri paáhh baraá hhapér hho', niri ti'iít iri laqwaál oo wák tsiiru.» Kaangwí nguwa dir'ín i kaahi, ina tseé' iri oó', «Heé iaá axamis gi koóm, i axaasi.»

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

1 Korinto 2:10

Muruuwí an kudá' Mungú naa dirénií geehhooatís ar loohír Qeeruuwós. Asma Qeeruú Mungú mura' sleémeero gu xuuxu'ún, tam muruudá' taa luú/ oo baraá muunuú Mungú i dirií'.

2 korinto 12:4

Aníng a xuú' adór inós kura ar tláy ay didá' amohhoo'. Axweesanoó ooaro ta aleeslayká guri axamiís, axweesanaydá' tawa ya/anká hee nguwa axweesi.

1 Yohana 2:13

Kuungá' ín baabá kaangwí nguna dirhúngií gooiím, asma kudá' daadáw iimír iimu/uungo ugwa xué'. Kuungá' masoómba, kaangwí nguna dirhúngií gooiím asma kudá' tlaákw ugwa ar ba/é'.

Geehhoeemaá 13:9

Heé iiaá koóm i axaasi.

Geehhoeemaá 14:13

Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»

Geehhoeemaá 15:2

Aluuwo garka ngiri ár, a adór tlawtá gwa/aat adór looár wa ale, ar taa aleedoók nee asla. Mukdá' makiito'oodá' gara baa/, nee murslaaqatuuwós kudae, nee faarór umuuwós kudá', mukwí sleeme una ár. Inooín taa sihhiít gawaá tlawtadá' gwa/aat ar adór looár wa ale. Inooín ta marímbár Mungú kón.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.

Geehhoeemaá 22:2

nee iri waaráhh ar baraá tla/ángw loohír gixsa. Nee dír afaá yaaeero, bihhaá bartaqá' nee bihhaá bartihe xa'anoó slafiingw i deer. Xa'anoowí i laqwalín sagaáwa mibaá nee tsár gawaá kurkú wake. Mamuuwós giri hamaareemiis umuúqo slahhaango. Nee loo/ór xa'anoowí múk xoordu gun hungu/uumís.