Geehhoeemaá 2:26 - Biblía Axweesantá Hhohho' ar Mungú 2004

²⁶ Heedaádá' arba/ati gaa slay, nee adoodá' aníng ni slaa' gari tlehhahhiit ay alhhe'eesaay, aníng heewí u waawutmoó wa qaás daanduú múk xoorduwo.

Ya/abtór hho' 1977

²⁶ Heedaádá' arba/ati gaa slay, nee adoodá' aníng ni slaa' gari tlehhahhiit ay alhhe'eesaay, aníng heewí u waawutmoó wa qaás daanduú múk xoorduwo.

Geehhoeemaá 2:26 Iomraidhean Croise

WARA'AMI 2:8

Án firiimáng, daqaní aníng xoordu ngi kuúngí haniís. Nee yaamu sleémeero ngi kuúngí haniís tawa daqaari'iimaarók.

WARA'AMI 2:9

In naasuúr ar hhartá muqsli, kiri parhhamís adór xooslmoó tleei.› »

WARA'AMI 49:14

Inooín kaa amohhe'eés adór bee/aangw, kiwa /aytisi ay baraá gi'i. Gwa'ara tari de'eemusmooín. Tari /eet baraá /aantí ale, gari qomtír wa ar tseewa alé. Slaqooín niri tsatitiyé' baraá /aantí ale, hotangw'ín tay baraá gi'i.

DANIELI 7:18

Ala mukdá' hhohhó' oo Munguú Gawa, inooín waawuti'iima ngi ilaoohiyá', inooín waawuti'iima ngiri aaliyá' ay alhhe'eesay wasle.›

DANIELI 7:22

Ala aakoodá' daadáw kureerisleém iri sihhiít, mukdá' hhohhó' oo Munguúduú Gawa guri hariímar'ín i haniís, nee qooma iwa xeér, mukdá' waawuti'iima gari ilaaóh.

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

Matayo 10:22

Kuungá' muu sleémeero nu aahh as aníng. Ala heedaádá' aa qiitl ay alhhe'eesaay, an kudá' ba/ám.

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Matayo 24:13

Ala heé ba/ám a kudá' aa qiitl ay alhhe'eesaay.

Yohana 6:29

Yesu iri oó', «Gadiyér Mungú a tí, ‹Kudá' inós naa ya/aáw, haratlintiaak.› »

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

1 Tesalonike 3:5

Gaarí an gár aníng Timoteo ngusa ya/aáw, asma aníng qitla una harslaaqaát, ana xu'utír wa slaá', xáda xáy haratlintaaorhúng Neetlaangw gura bá/i, kudá' kuungá' nu iiara'ár, laqaá gadiyeédá' atén taa tleehhaán sleémeero aa gadiyér tawo tleehhít.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Yakobo 2:20

Kuúng a daktani. Kuúng a xu'ukáhe adór haratlintaaór tlehhema'aá koomaaká, gár i bu' ir káhh.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

1 Yohana 3:23

Hara'ayaarós a tí, Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.

1 Yohana 5:5

Heé yaamu gir baá/ a heemá, aqo har kudá' aa haratlintí'iíke adór Yesu tar Garmoó Mungú.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.