Geehhoeemaá 2:23 - Biblía Axweesantá Hhohho' ar Mungú 2004

²³ Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

Ya/abtór hho' 1977

²³ Nee aníng na/'iiwós i faák tsu/utaaro. Nee múk Kríshaanáy sleémeero gari xuu' gídaabá aníng an kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.’”

Geehhoeemaá 2:23 Iomraidhean Croise

1 QOM'I 17:18

Aá AAKOÓ MUNGÚ, Mungú, gár anuú Daudi hamí ni dook a milá, as sagadiyusmoowók kuwa adoorír xirfayés, kuúng anuú sagadiyusmoowók i xú'.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

2 QOM'I 6:30

kuúng inooín iiárií qaaseek iimír gawaá doorí wa alé nee gurtlaweek. Kuúng kilók iinslawoó muunuú umuúqo hee un xú'. Kuúng tleehheek tidá' hariim dír heewo,

YOBU 24:23

Inós gina amohhooárí haniís nari ak diihhe'eesiyá'. Ala inós lohduuín gi ga/áy.

WARA'AMI 139:1

AAKOÓ MUNGÚ, aníng kuúng iga tsee/ariín iri xú'.

WARA'AMI 26:2

AAKOÓ MUNGÚ, án alqaytáng nee xuuxuáng, muunaáeé' nee fuqurangw'eé' tsee/ariimeek.

WARA'AMI 44:21

ahaá geeraawo Mungú gaa tsaáhhiíke? Asma inós sufuú baraá mune gun xuu'.

WARA'AMI 62:12

Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

WARA'AMI 7:9

Tlakweemaá múk tlákw mindiwa kumiitiyé', heé hotaawós ganaa'á' gawdeeseek baraá gan'amu. Kuúng, Aakoó Mungú, kudá' gan'amuú koóm, kuúng an kudá' naaqór baraá mune nee inslawoó muu gu tsee/ariím.

YEREMIA 11:20

Ala aá AAKOÓ MUNGÚ Aleesleemusmo, kudá' sakwasleema ga adór ganaá'ár tleéhh. Kuúng munér muu nee fuqureeri'ine in tsee/aariín. Aníng masók an ár adór kuúng li/aywí ugwa bú', asma aníng umuú gaaro ngaa gawaá dabaawógií qaás.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 20:12

Aá AAKOÓ MUNGÚ Aleesleemusámo, kuúng múk gan'amuú koóm un iiaraa'át, kuúng muruú baraá munér muu nee oo baraá inslawaywo u ga/eér. Aníng masók an ár wakuuser'eé' kawa li/áy bu'. Asma tí aníng nga máw gawaá dabaawók i aleeró.

SEFANIA 1:11

Aá yaamuloouusér Makteshi tsuunqumisé', asma halanuuse sleémeero aa hhaán, nee mukdá' peésár qoomeemeés kwaa hhaamiís.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Yohana 4:16

Yesu gari báy, «Tláw, hhawaatuuwók ateetang, ni diirí hardatá' nee inós.»

Tlehhema'aá ya/Abuuse 1:24

Mungú kuri firín, tari oó', «Aáko, kuúng munér muu sleémeero a xú', dír mukwí tsare heé kuúng taa tsawát laqaamang,

Rumi 14:12

Gawaá adoorihe umuúqo heewo baraá tla/angwrene kángw slafiingós gu dír geeraá Mungú i alki/iit.

Rumi 8:27

Nee Mungú kudá' munér muu ga xuuxu'uúm, inós gár Qeeru i slai ga tsaahh adór tar milá. Asma muruudá' Qeeru i firiirin as múk hhohhó' oo Mungú, ti slasláyá' nee sla'aarír Mungú.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

Galatia 6:5

Asma umuúqo heewo gár kuwa hariím aqo huwaarós gan kilós gagaar.

DABE 13:11

Gawaá adoorihe, múk Israeli sleémeero kaangwí guri axaas, tari da'ayuut, nee tlakweemaá adór kuká' tleehharo tari baloó ki/iiká.

DABE 17:13

Muu sleémeero kaangwí guri axaas, tari da'ayuut, nee hhaslo wasle ngiri mayá'.

DABE 19:20

Múk hatlá' adoorí birnga axaás tari da'ayuut, nee tlakweemaá adór kuká' kiri male tleehhiiká tla/angwhunge.

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.

Geehhoeemaá 20:13

Tlawi múk aa qaatl nguri dúx baraawós wa ale. Gwa'ara nee gi'i múk aa qaatl nguri baraaín wa duxuné'. Mukwí kuri sakwasleemuút umuúqo heewo ar har qoomoó tlehhemi'iiwós.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.

Geehhoeemaá 6:8

Aníng niri qaytsiít, faraásír hatlá' ngiri ár ar baabahay. Heé faraásirí gaa i tsa/an umuuwós a Gwa'ara, gi'i nee inós tina al koomakoné'. Inooín kiri aleesleemuú i haniís baraá yaamuwo daanduú barakár wák baraá baduudá' tsiyahhawo, as muu kuwa tsu/i ar paánga, nee ar giyeé nee ar pu/i, nee ar makaá xaraaslá' awa baraaká' yaamu.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»