Geehhoeemaá 2:22 - Biblía Axweesantá Hhohho' ar Mungú 2004

²² Qaytsiít, aníng inós a qaatiís ar tiqti, nee mukdá' nee inós alfuquusá' u slahh'amuú yaariír i haniís, inooín barnaxes ta hhu'u'unká nee tlehhema'aá /ameenidá' birka mayká.

Ya/abtór hho' 1977

²² Qaytsiít, aníng inós a qaatiís ar tiqti, nee mukdá' nee inós alfuquusá' u slahha'amkwaá yaariír i haniís, inooín barnaxes ta hhu'u'unká nee tlehhema'aá /ameenidá' birkaa mayká.

Geehhoeemaá 2:22 Iomraidhean Croise

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

ESEKIELI 23:29

As adoodá' kiíng iwa slaiaaká, mamaá gadiyér dabaawók ngin hayoohiyá', tlabaawók kiri hayoh iri /aankwetsisiyá', /aankwetsuú tsaatu'uumarók gár kur lu/ iri qwát. Kaangwí gár kusa sleér a as tsaatu'uumarók nee fuqtók.

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

SEFANIA 3:7

Aníng niri oó', ‹Ar ló', gixsarí aníng i ilaiwá/, nee gan'aasa gari ya/aán. Nee i gunqarutká muxtadá' sleémeero ngira muxi.› Ala inooín nari ak buhhiyé' ilatleeriro. Nee tlehhma'aá tlakw sleémeero tlehhtuwo.»

Luka 13:3

Aasla'áy, án a kah, ala kuungá' bar hhu'u'uunda'aaká, a qwadá' adoosír kilár alé.

Luka 13:5

Aasla'áy, án a kah, ala kuungá' bar hhu'u'uunda'aaká, a qwadá' adoodár kilár alé.»

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

Geehhoeemaá 17:2

Waawituú baraá yaamu aa fuquús nee inós. Nee mukduú baraá yaamaá hoót kwaa oonitimís ar difaáír tsaatu'uumarós.»

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»

Geehhoeemaá 18:9

Nee waawituú baraá yaamu, kudá' aa fuquus nee inós, nee kudá' nee inós diihhooa kaa al/aay, inooín tari tsuunqumiis qoomár quuír asltá inós gaa xaawuur bar kaa ár.

Geehhoeemaá 2:5

Gawaá adoorihe, inslaweek didá' kuúng tawa hú', hhu'u'uúm, nee tlehhemi'iiwók kudá' geera ta tlehhahhit ki tléhh. Ala adoorí barnaxes aga tlehhiká, aníng niqo hardáh amoorók, nee aníng daqaní kitaangók kudá' tsaa'astá koóm u hingeés dirós tidá' i dirii'i, bar kuúng aga hhu'u'uundiiká.