Geehhoeemaá 2:18 - Biblía Axweesantá Hhohho' ar Mungú 2004

¹⁸ «Kaangwí gooiimeek amór malaykamooduú múk kríshaanáy oo baraá Tiatírár i dirií', «Axweesantí dír i dahh a dír Garmoó Mungú, kudá' ilaawós gwa/aatá' adór tsángw asla, nee ya'aawós a adór muqslír sirdaa/aat ar taa ló'wa hhohhoeés ar asla.

Ya/abtór hho' 1977

¹⁸ “Gooiimeek amór malaykamooduú múk Kríshaanáy oo baraá Tiatírár i dirií', “‘Axweesantí dír i dahh a dír Garmoó Mungú, kudá' ilaawós gwa/aatá' adór tsángw asla, nee ya'aawós a adór muqslír tlaxo ur, tidá' ló'wa gwa/aat.

Geehhoeemaá 2:18 Iomraidhean Croise

WARA'AMI 2:7

Waawutmo i kaahi, «Aníng hara'ayaadá' AAKOÓ MUNGÚ naa oó' an alki/iít. Inós ina báy, ‹Kuúng an garmaaeé', án laarí kuúng ugwa laqwaál.

DANIELI 10:6

Slaqwtós in gwa/át adór sabarajadír hhoohhoo'. Gitse/aawós a adór mankari, nee ilaawós i gwa/aatiyá' adór tsángw asla. Ya'aawós nee dabaawose i mitsiihhiyá' adór muqslír sirdaa/aat ar taa ló'wa duúq. Afoorós a adór afór kwaara/ír múk yaariír.

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 27:54

Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 3:18

«Heé Garma gwa haratlintii' ku sakwasleemuutiiká. Ala heé Garma gwa haratlintii'iiká, kwa hhe'eés sakwasleemaro, asma Garmaaduú kilós oo Mungú gwa haratlintii'iiká.

Yohana 5:25

Án a kah, qooma ni hardát, nee hám naa hardát, ar tu'u afór Garmoó Hee ngiwa axaasiya', nee kudá' afo ngaa axaasiye' tari slaaf.

Tlehhema'aá ya/Abuuse 16:14

/Ameenirka ta bay Lidia didae i deer. Inós inqwaruú sirda/atén gun weermaamís. Inós ar baraá yaamaá Tiatira. Inós i Munguú ilaiwaawá/. Atén tiri iiárií qás, nee Aako muunaáwós guri gweér, axweesantadá' Paulo aa axweés gari ót.

Tlehhema'aá ya/Abuuse 8:36

Tari kumiít loohiro, tari hardáh dír ma'aay i dirii'iya'. Heedaádá' iri oó', «Qaytsiít, ma'aay diirihe i dayá'. Gár aníng i il/aam a milá, ar tis baatisiiká?» [

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 2:1

«Kaangwí gooiimeek amór malaykamooduú múk kríshaanáy oo baraá Efesór i dirií', «Axweesantí dír i dahh an dír kudá' tsatse/uú faanqw gwa oh ar dakós oo doó /iyáy, kudá' hi'iimiít baraá tla/ángw kiteeridá' faanqw awa sahaábu awa tsaa'asór koomá'.

Geehhoeemaá 2:24

«Ala kuungaásingá' aga mete' dír Tiatira, kuungá' intsaahhatimisuuwí tlákw ugwa eehadi'iiká. Kuungá' muruudá' ugwa xui'iiká, kudá' inooín tawa kaahi a lu/aaroó muruú Neetlaangw. Án kuungá' nu baw, án huwár hatlá' ngi qaasaaká daandeemoohúng i aleeró.