Geehhoeemaá 19:8 - Biblía Axweesantá Hhohho' ar Mungú 2004

⁸ Nee slám Mungú dasidá' gaa aleesleemií haniís kawa tsiitisi ar inqwaruú /awák oo taa tleéhh ar kitaánír hhohho'.» Inqwaruudá' /awák oo hhohhó' a tlehhemi'iidá' ganaa'á' awa múk hhohhó' oo Mungú.

Ya/abtór hho' 1977

⁸ Nee slám Mungú dasidá' gaa ya/aámár i haniís kawa tsiitisi ar inqwaruú /awák oo hhohhó', kudá' ló'wa gwa/aát.” Inqwaruudá' /awák oo hhohhó' a tlehhemi'iidá' ganaa'á' awa múk hhohhó' oo Mungú.

Geehhoeemaá 19:8 Iomraidhean Croise

WARA'AMI 132:9

Kaahamuuseerók ka tuuntuuki ar gan'amu. Mukók kudá' hhohhó' i baraa/ ar qwala/.

AXWEESANOÓ SAGALOOA 31:22

Tlabaá gu'uteerós gin tléhh Tlabaá tsitaywós ki sirda/aten, awa taa tleéhh ar kitaánír hhohho'.

ISAYA 3:23

nee tlabaá /aankwetsuú laqaaqama'a, nee tlabaá taa kitaánír tleehhi, nee warqamaá sageero, nee sheélaro.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ESEKIELI 16:10

Iri tsiitiís ar tlawuú taa qaalín nee ya/ataá xurfaaro, iri tsiitiís ar warqamoó taa tleéhh ar neewór kitaánír hhohho' nee inqwaarír qwiirii/ ar hariíri.

ESEKIELI 44:17

Ala barnaxes ta darah baraá afeenidár guruú baraá do', tlabaá hhohho' awa neewór kitaáni ki tsiit, ala tlabaá se'éngw bee/aangw mikiwa tsiít qoomár bir gadiyusiyá' dír afeenidár guruú do' nee baraá do'o.

Matayo 17:2

Kalaywós iri geeraaín wa warqáy. Gitsee/awós niri gwa/aatiyé' adór tsee/amá. Inqwaruuwós iri ló'wa /awkuukúy, iri mirarií/.

Matayo 22:12

Guri báy, ‹Mulqumooeé', adór tara baraá do'wí dát? Baré tlabaá duuxo i koondaaká.› Inós iri xasliít.

Marko 9:3

Tlabaawós nay /awakukuyé' ló'wa ale, niri mirari/iyé' adoodá' hee baraá yaamuwo ngir aleeslayká /awakeesaro tam ngi hhuúnts.

Luka 24:4

Tari amoqwaqwadín as tidá' taa ár. Naxés múk tsár aa dír bihhaaín i sihhiít oo tlabaá miirii/á' gaa tsiit.

Tlehhema'aá ya/Abuuse 1:10

Qoomár Yesu iwa gáwtí tláy, muu ilaaín giri kiririhhín gawaá doori. Múk tsár iri bihhaíní sihhiít oo inqwar /awák.

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 15:6

Malaykeedá' faanqw, tidá' muxtaadá' faánqw koom, niri ti'ít baraá Doó Mungú wa ale. Inooín kaa tsiitimiís ar inqwaruú /awák oo taa tleéhh ar kitaánír hhohho'. Nee slám him'ér sahaábu ngaa da/eewer'ínií tsegiitiyé'.

Geehhoeemaá 19:14

Nee boo/oó gawaá doorí dirií' guri eehár, taa tsa/án gawaá farsuú /awák. Inooín inqwaruú kaa i tsiitimiís a inqwaruudá' /awák taa tleéhh ar kitaánír hhohho'.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.