Geehhoeemaá 19:7 - Biblía Axweesantá Hhohho' ar Mungú 2004

⁷ Gimsé', qwalaa/aré', baraa/aré', Mungú u xirfayeemisaán. Asma qoomár duuxór Deelmoó bee/i aa xeér, nee dasidár duuxo taa qaroó amohhe'és.

Ya/abtór hho' 1977

⁷ Gimsé', qwalaa/aré', baraa/aré', Mungú u xirfuú i haniisaán. Asma qoomár duuxór Deelmoó bee/i aa xeér, nee dasidár duuxo taa qaró amohhe'és.

Geehhoeemaá 19:7 Iomraidhean Croise

WARA'AMI 107:42

Múk hota ganaá' adoorí gan tsatsahhán, nee i qwalalaa/, ala múk tlákw sleémeero kwa xasltís.

WARA'AMI 48:11

Tloomár Siyoni i qwalaala/, múk Yuda ta baraa/i asma sakwasleemarók tidá' ganaa'.

WARA'AMI 9:14

Asma xirfuuwók sleémeero nguwa alki/iit, dír afér gixsár Yerusalemuwo. Ba/amarók an sa qwalaalaá/.

AXWEESANOÓ SAGALOOA 29:2

Heé hota ganaá' bira waawuti'ín muu in qwalaa/, Ala múk tlákw bar geeraharuuse muu in /iif.

DAA'AANGW 3:11

Áx gimsé', qwalaasé', kuungá' awa /ameenár Siyoni! Waawutmo Solomon qaytár awaare'! Slamángw aayoorós aa tléhh ngwa dahaás bál deelór duuxoorose, deelór muunaáwós qwal/uwo iwa haáts.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 62:5

Asma adoodá' masoomo dasír /amaatliito'o ngir duxaxiti, an adór mukók yaamuuwók ngir aali, adór hhawaata dasiidá' aa duúx ngir saqwalaala/i, an adór MUNGÚ kiíng ir saqwalaala/i.

ISAYA 66:10

Qwalala/é' dinkwa nee Yerusalemu, baraa/é' as inós kuungá' sleémeero awa inós ngi sla'á'. Qwalala/é' dinkwa nee inós kuungádá' aáng aga tsuunqumise' as inós.

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 22:2

«Waawuti'iimár doori slaqsaywós a adór waawutmooko wák oo muruú /aymár úr gwa qaas as garmaawós oo duuxuuxuúm.

Luka 12:36

Nee kuungá' masók a adór múk aakooín daamaaraám oo ni amór doó aakoó duuxór wa kií/. Nee qoomár binda hardáh nee bir ateetín, inooín piindo kawa adaá duuxi.

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

Efeso 5:23

Asma hhawaata a ságw hare, adoodár Kristo tar ságw mukós. Nee inós a Ba/amusmooín sleeme, nee inooín an slaqwtós.

Efeso 5:32

Lu/aaráywí ku úr. Ala án gár ni axwees a kángw Kristo nee mukós.

DABE 32:43

Kuungá' xoorúdu, mukós xirfayeemisaak, kuungá' mungúi, inós sluufmisaak, asma inós li/oó tseerdaá sagadiyuuseerós gu buu', li/aay gun buu' dír wakuuseerós nee mukdá' inós gu ahhiít gu sakwasleemuut, inós mukós nee yaamuwose gi gi hheehhee'ees.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.

Geehhoeemaá 21:9

Malaykamoó wák aníng iri i hardáh. Inós an malaykamoó wák baraá malaykeedár faanqwe, tidá' slooqa'aá faanqw gi koom. Slooqi'iidá' i hatsiyá' muxtaadá' faanqw ar alhhe'eesaywo. Malaykamoowí aníng iri báy, «Qwaláng amoorí, aníng dasiidár duuxo ngi laqaám, harér Deelmoó bee/i.»

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.