Geehhoeemaá 19:6 - Biblía Axweesantá Hhohho' ar Mungú 2004

⁶ Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.

Ya/abtór hho' 1977

⁶ Afoo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', “Haleluya. Asma Aakoó Mungúrén, Aleesleemusmoó mura' sleémeero, inós waawuti'iima gaa sláy.

Geehhoeemaá 19:6 Iomraidhean Croise

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

WARA'AMI 47:2

Asma AAKOÓ MUNGÚ kuduú Aleesleemusmo, kudá' Gáwtí dirií', an kudá' dae tlaáq. Inós a waawutmoó úr oo yaamu sleémeero.

WARA'AMI 47:7

Asma Mungú an waawutmoó yaamu sleémeero. Xirfuuwós daa'aak ar wara'ami!

WARA'AMI 77:18

Kwarara/a i harweeririín, mankari yaamu gay tsaa'ás, yaamu nay daaraxaatiyé' nari diingitiyé'.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

WARA'AMI 97:1

AAKOÓ MUNGÚ i waawuti'ii'ín, yaamu i qwalaala/iye', yaamudaá baraá tla/eeraá tlabeemo i qwalaa/iye'!

WARA'AMI 97:12

Kuungaásingaá hota ganaa'á', AAKOÓ MUNGÚ saqwalala/aak, nee umuuwós kudá' hhoohhoó' sluufmamisaak.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

ISAYA 52:7

Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

YEREMIA 51:48

Naagáy doori nee yaamu, nee umuúqo gár baraaínií diriia, tari daa' ar qwala/ as Babuloni, asma hhituusér /iikú daahh aa amor'ínií haratleér. Anuú AAKOÓ MUNGÚ tí ngina oó'.

ESEKIELI 1:24

Qoomár tawa tláy afór hhaampe'eeri'ín ana axaás. Xuuraír hhampe'eeri'ín a adór afór ma'aá yaariir awa hhaahheelimá', a adór afór /orootlo ar Munguú Aleesleemusmo nee adór tsimaahhír slaqwaruusér ur. Niwa sihhiitiyé' hhampe'eeri'ín ngina waageeqayé'.

ESEKIELI 43:2

Ga/aawaak, xirfuú Munguú múk Israeli niri da/aáw wa hardáh, afoorós adór kududuhoó úr oo xuraaír ma'aá yaariir, yaamu niri gwa/aatiyé' xirfuuwose.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Geehhoeemaá 1:15

Nee ya'aawós a adór muqslír sirdaa/aat, ar taa hamaatla hhe'eés ar baraá asla. Nee afoorós a adór ma'aá yaariir awa wa/amiimá' baraá wa/ángw i alé.

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.

Geehhoeemaá 14:2

Aníng afo ngiri axaás ar gawaá dooraá daahh. Afoodá' a adór afór ma'aá yaariir awa wa/amiimá' baraá wa/ángw i alé, nee a adór afór kududuhár ur. Afoorí naa axaás a adór afór múk marímbár muúx, qoomár inooín marímbar'ín ngiwa muxiya'.

Geehhoeemaá 19:1

Alaá muruuwihe afór ur ngiri axaás ar adór afór boo/oó yaariír oo gawaá doori. Afoorí iri ó', «Mungú i xirfuuti!» Ba/ama ar Munguúrén, nee xirif nee /uuru.

Geehhoeemaá 19:4

Bariiseedá' mibeeri tsár nee tsiyáhh, nee muruudá' slaáf oo tsiyáhh tari tumbarara'amiít dír geeraá Mungú, kudá' aa iwiit gawaá kitángw aleesleemu. Mungú kuri sluufmiís, tari oín, «Mungú i xirfuuti!»

Geehhoeemaá 21:22

Ala Doó Mungú oo naa ár baraá gixsadae i kaahh. Asma Aakoó Munguú Aleesleemusmoó mura' sleémeero, nee Deelmoó bee/i, an Doó Mungú oo gixsadá'.

Geehhoeemaá 4:5

Nee gawaá kitangwduú aleesleemuwo gár ti'imiit a mankari nee xuuraai nee kududuhaay. Nee dír geeraá kitangwduú aleesleemuwo tsaa'asór faanqw i dír geeraadá' wa ót. Tsaa'asoorí a Qeereemaá faanqw awa Mungú.

Geehhoeemaá 6:1

Aluudae Deelmoó bee/i nguri ár qoomár inós dugnooduú geera nguwa gweér baraá dugeenidá' faanqwe. Nee gár wák baraá muruudá' tsiyáhh oo slafa ana axaás i axwés ar afór adór kududuhaay, i kat, «Qwaláng.»

Geehhoeemaá 8:5

Nee malaykamo xooslmooduáu ilahhooa ka i da/a/an guri taataáhh, guri dalaá/ aslto, tidá' gawaá kitángw ilahhooár i dirii'. Xooslmoodá' guri kwaáhh gawaá daanduú yaamu. Qoomaadár kilae kududuha niri hardát, nee afo nee mankari nee kunseeli.