Geehhoeemaá 19:15 - Biblía Axweesantá Hhohho' ar Mungú 2004

¹⁵ Nee paángár xaraasl i baraá afkós wa ti'imít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú mamaá sabiíbu kiwa tsoo/iti gu kala/án, kuduú buhhtaá Munguú Aleesleemusmo.

Ya/abtór hho' 1977

¹⁵ Nee paángár xaraasl i baraá afkós wa ti'iimít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú na/'aá sabiíbu kiwa tsoo/iti gu adarah, bohongwduú wahángw buhhtaá Mungú Aleesleemusmoó mura' sleémeero gu koóm.

Geehhoeemaá 19:15 Iomraidhean Croise

WARA'AMI 2:9

In naasuúr ar hhartá muqsli, kiri parhhamís adór xooslmoó tleei.› »

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

Yoeli 3:13

Gimsé', tsati'i amohhe'eesaak, asma bu'uungw aa hamaár. Qwalaasé', dahé', tsoo/aak, asma xooslmoodá' ta sabiíbií tsoo/iti aa haáts nee daraami'iiwo, asma tlakweemá xoordu ki ló' wa ur, adór daraámu aa waa/.

MALAKI 4:6

Nee inós xwayliité nee na/ii'ín gin dinkwaárií ki/is. Bar adooriheeká, án geera naa qaroó hardáh as kuungá' nuwa qwaarees, nee yaamuuhunge.»

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

Geehhoeemaá 1:16

Nee baraá dakós oo doó /iyayhe i tsatse/uú faánqw kón, nee paángár afa xaraasl badu tsaraawo i baraá afkós wa ti'iimít. Slám gitsee/aawós i gwa/aatiyá' adór tsee/amuú qoomár siiree/i.

Geehhoeemaá 12:5

/Ameenidá' na/oó garma guri xwayluúr. Na/aywí an kudá' xoordu sleémeero gi de'eém ar hhartá muqsli. Na/aywós kurir tláy hamtidár kilae ay amór Mungú, ay amór kitaangós kuduú aleesleemu.

Geehhoeemaá 14:10

heé adoorí difaáidár buhhtaá Mungú ga wah, tidá' taa baraá xooslmoó buhhtaawós i tleéhh, slám kaa aleedoogiiká nee ma'aay. Nee slám heé adoorí ku slahh'eemiis ar asla nee ar asltadá' xaraasl ar kiberiíti dír geeraá malaykeedá' hhohhó' wa ale, nee dír geeraá Deelmoó bee/i.

Geehhoeemaá 19:21

Nee mukdá' aa meet kuri tsuú/ ar paángár kudá' aa iwiit gawaá daanduú faraási. Paángarí dír i dahh a baraá afkós. Nee tsir/o sleémeero iri áx fu'unay'ine.

Geehhoeemaá 2:12

«Kaangwí gooiimeek amór malaykamooduú múk kríshaanáy oo baraá Pergámó i dirií', «Axweesantí dír i dahh a dír kudá' paángadá' afa xaraasl badu tsaraawo ga koóm.

Geehhoeemaá 2:16

Gawaá adoorihe, hhu'u'uúm. Nee bar hhu'u'uundaaká, aníng ni gaanslár hardáh amoorók, nee aníng niri slaáqw nee inooín ar paángár gawaá afkueé' daahh.

Geehhoeemaá 2:27

Nee inós múk xoordu guri sawaawuti'ii'ín ar hhartá muqsli, nee guri parhhamiis adór qaambeesamá wa ale. Asma tam aníng waawuti'iimarí ana sláw dír Baabuúeé' wa ale.