Geehhoeemaá 19:11 - Biblía Axweesantá Hhohho' ar Mungú 2004

¹¹ Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Ya/abtór hho' 1977

¹¹ Aluuwo doori ngiri ár naa gweeriitiyé'. Nee faraasír /awaak ngiri baraadá' wa ár. Nee heé faraasidá' gaa i tsa/an ku babay Inkihhimusmo nee Loousmo. Inós sakwasleema ga tleehh nee slaqwara ar gan'amu.

Geehhoeemaá 19:11 Iomraidhean Croise

WARA'AMI 50:6

Doori gan'amuuwós ngu alki/iitiyá'. Asma Mungú inós an sakwasleemusmo.

WARA'AMI 96:13

dír geeraá AAKOÓ MUNGÚ, kudá' hardáh. Asma inós ni hardah as yaamu ngiwa sakwasleemuuti. Yaamu gin sakwasleemuut ar gan'amu, xoordu sleeme gin sakwasleemuut ar adór qoom dirose.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

WARA'AMI 99:4

Kuúng, waawutmoó aleesleemuú koóm, kuúng barqaanti aga hiingés, slám sakwasleemár ganaa' ana tléhh, nee hotángw ganaá' nguna húp dír múk Israeli.

TI'INAANGW 15:3

AAKOÓ MUNGÚ an migusmoó slaqwara, umuuwós an AAKOÓ MUNGÚ.

ISAYA 32:1

Ga/aawaak, waawutmooko i waawuti'ín ar adór ganaa', nee geeraharuuse muu guri geeraharahát ar loohír ganaa'.

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

YEREMIA 33:15

Deeloodae nee qoomaadae aníng halmír hota ganaa' an baraá xwaylár Daudi wá harma/atís. Inós giri geerahaar ar sakwasleemár ganaa' nee ar hotaá ganaa'á' baraá yaamuwo.

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

SEKARIA 1:8

Qoomár xweeraawo malaykamo una ár aa tsa/án gawaá faraásír daa/aat. Malaykamoodá' aa sihhiít baraá xatsa tla/ángw xaa'aá ta bay hadaási. Nee aluuwose farsú hatlá' i deer, oo da/atén nee oo kal'aá bahayen nee oo /awák.

Yohana 1:51

Yesu Natanaeli guri báy, «Án a kah, doori iqo aandá' adór nir gweeritiya', nee malaykér Mungú iwa tsa/a/aan nee iwa awdit gawaá Garmoó Hee.»

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

Geehhoeemaá 19:19

Aluuwo makiito'oodá' ana ár, nee waawituú baraá yaamu nee askaárir'ín. Inooín tana burumburiít as tawa slaqwi nee kudá' gawaá daanduú faraásír i dirií' nee askaárirose.

Geehhoeemaá 19:21

Nee mukdá' aa meet kuri tsuú/ ar paángár kudá' aa iwiit gawaá daanduú faraási. Paángarí dír i dahh a baraá afkós. Nee tsir/o sleémeero iri áx fu'unay'ine.

Geehhoeemaá 3:14

«Kaangwí gooiimeek amór malaykamooduú múk kríshaanáy oo baraá Laodikeár i dirií', «Axweesantí dír i dahh a dír kudá' ta bay Amin. Inós an lamabu'usmoodá' inkihhím nee oo looeemaá axweés. Inós an iimu/úngw muruudá' sleémeero Mungú aa tleéhh.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

Geehhoeemaá 4:1

Alaá muruuwí sleémeerowo aníng niri malé qaytsiít, nee ga/aaweek, afkú doó taa gweér una ár gawaá dooriiwo. Nee afoodá' aa axwes nee aníng qoomaadár geeraawo, tidár adór tarumbeéta, aníng iri beér, «Amoorí tsa/amang, nee muruudá' aluú wa hardáh, aníng ngu dirógií laqaám.»

Geehhoeemaá 6:2

Aníng niri qaytsiít, faraásír /awaak ana ár. Heé faraásidá' gaa i tsa/an i ga/alér kón. Nee inós kuri slamángw i haniís. Iri ti'iít ar baali, nee iri baalír áy.