Geehhoeemaá 19:1 - Biblía Axweesantá Hhohho' ar Mungú 2004

¹ Alaá muruuwihe afór ur ngiri axaás ar adór afór boo/oó yaariír oo gawaá doori. Afoorí iri ó', «Mungú i xirfuuti!» Ba/ama ar Munguúrén, nee xirif nee /uuru.

Ya/abtór hho' 1977

¹ Alaá muruuwihe afór ur ngiri axaás ar adór afór boo/oó yaariír oo gawaá doori. Afoorí iri ó', “Haleluya. Ba/ama a ar Mungúrén, nee xirif nee /uuru.

Geehhoeemaá 19:1 Iomraidhean Croise

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

WARA'AMI 104:35

Tlakuuse sleémeero ka hhaamisi baraá yaamuwo. Nee tlakuuse miwa male hót. Hhiintluueé', AAKOÓ MUNGÚ diidi'iimiseek! AAKOÓ MUNGÚ xirfayeemiseek!

WARA'AMI 106:1

AAKOÓ MUNGÚ xirfayeemisaak! AAKOÓ MUNGÚ sluufmisaak asma ku hhoó', asma sla'aarirós ar warqawaaká i baloó fakká!

WARA'AMI 111:1

AAKOÓ MUNGÚ xirfayeemisaak! AAKOÓ MUNGÚ un sluufmiís ar muunaáeé' sleémeero. An haragwaá' dír múk slafingw'ín hhohhó' baraá alqaatír wa ale.

WARA'AMI 115:18

Ala atén AAKOÓ MUNGÚ un diidi'iimisaán, iimír hamí ay kureeraá kureér. AAKOÓ MUNGÚ xirfayeemisaak!

WARA'AMI 146:1

AAKOÓ MUNGÚ xirfayeemisaak! Aá hhiintlueé', AAKOÓ MUNGÚ xirfayeeseek!

WARA'AMI 148:1

AAKOÓ MUNGÚ xirfayeemisaak! Iimír gawaá dooriwo xirfayeemisaak! Baraá gáwtá saawe inós xirfayeesaak!

WARA'AMI 149:1

AAKOÓ MUNGÚ xirfayeesaak! AAKOÓ MUNGÚ daa'ángw /abén i daa'aak, Xirfuuwós i baraá dinku'uumár múk inkihhím dír Munguhe.

WARA'AMI 150:1

AAKOÓ MUNGÚ xirfayeemisaak! Mungú xirfayeemisaak dirós tidá' hhoohhooe, inós xirfayeemisaak gawaá doorií wa ale.

WARA'AMI 3:8

Ba/ama dír ni dahh a amór AAKOÓ MUNGÚ, tsuuqaawók masók i gawaá mukók.

WARA'AMI 62:11

Wa'aá wake Mungú ina axweés, ki/imaá tsare tí ana axamiís, adór /uuru tar oo Mungú.

YEREMIA 51:48

Naagáy doori nee yaamu, nee umuúqo gár baraaínií diriia, tari daa' ar qwala/ as Babuloni, asma hhituusér /iikú daahh aa amor'ínií haratleér. Anuú AAKOÓ MUNGÚ tí ngina oó'.

YONA 2:9

Ala aníng ilahhooár muruú ta tsu/i ngi kuúngií haniís ar afór sluufaay, nee al'axweesante'eé' a boo/eés, asma ba/ama amór i dahh a amór AAKOÓ MUNGÚ!»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.