Geehhoeemaá 18:8 - Biblía Axweesantá Hhohho' ar Mungú 2004

⁸ Ala as inós iwa adoorí kat, muxtaarós i baraá looár wák i hardát, pu/i nee gurhaami nee giyeé. Inós kari xaawúy kángw kilá' wa aleeró ar asla. Asma Aakoó Mungú kudá' inós gaa sakwasleemuut, inós i /uuruú kón.»

Ya/abtór hho' 1977

⁸ Ala as inós iwa adoorí kat, muxtaarós i baraá looár wák i hardát, pu/i nee gurhaami nee giyeét. Inós kari xaawúy kángw kilá' wa aleeró ar asla. Asma Aakoó Mungú oo inós gaa sakwasleemuut, inós i /uuruú kón.”

Geehhoeemaá 18:8 Iomraidhean Croise

YOBU 9:19

Bar har qwaatlooro inós i ló'wa /uuruú kón, bar gan'amu leelehhtuuwo heé inós baraá kwasleemárí huwto gu qiítl a heemá?

WARA'AMI 62:11

Wa'aá wake Mungú ina axweés, ki/imaá tsare tí ana axamiís, adór /uuru tar oo Mungú.

ISAYA 27:1

Baalaadae AAKOÓ MUNGÚ makiito'odá' ur ta bay Lewiatani gan muux ar paángarós tidá' yaangariir xaraasl. Inós i ni/iín baraá tlawtá wa ale, a dayshamoó úr oo baraá tlawtá hoót.

ISAYA 9:14

Asma AAKOÓ MUNGÚ baraá guruú looár wake, múk Israeli gun sage nee hhayshe tlaaq, halmír slaansli nee gitsooro.

YEREMIA 50:31

Aako, MUNGÚ Aleesleemusmo, i kaahi, «Ga/aawaak, kuungásingá' daara/aamá', ti araán, asma baalarhúng naa hardát ar án kuungá' nuwa muux.

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

YEREMIA 51:58

«Anuú AAKOÓ MUNGÚ Aleesleemusmo a kah, koo/idá' yangaariit ar Babuloni ka yaamií daahh kari hhapeérár alqoomees, nee afeerós tidá' urén kari daa/ ar asla. Muu ina tawo gadiyumaamiís, xoordu tina tawo gadiyédár faakiyé' ala alhhe'eesay'ín a asla.»

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

Yoeli 2:11

AAKOÓ MUNGÚ in tsee' ar afór ur dír geeraá slawtá slaqwaruuseerós wa alé. Asma slaqwaruuseerós ka ló'wa yaariir. Heé axweesantós ga boo/eemiís a pihhusmo. Deelór AAKOÓ MUNGÚ ka ur, slám i dae tláq. Heé deeloorí ga qiítl a heemá?

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?

Geehhoeemaá 11:17

tari oín, «Atén kuúng u sluufmiisaán, Aakoó Munguú Aleesleemusmoó mura' sleémeero. Kuúng a kudá' dáw nee kudá' qaroó daadáw iimír aange sleeme. Asma kuúng aleesleemuuwók kudá' úr ugwa ót nee aga waawuti'iín.

Geehhoeemaá 17:16

Nee xareemidá' mibaangw awa taa aán, nee makiito'oodá', kuká' /ameenidár tsaatuso'o ngi aahhiyá'. Inooín /ameenidá' ka liitlakuso'o tleehh nee kari /aankweetsiis, fu'unaywós kiri /aay, nee kari xaawúy ar asla.

Geehhoeemaá 17:18

«Nee /ameenidá' taa aán a gixsadá' ur, tidá' waawituú baraaká' yaamu gu sawaawuti'ii'iim.»

Geehhoeemaá 18:17

Asma daqaari'iimarí sleémeero aa qwát gawaá looár wák i alé.» Nee umuúqo heewo oo miringér gan'aamiís baraá tlawto, iri sihhiit amorqá' saáw i ale, nee mukdá' sleémeero oo aa'aá káw ar baraá tlawi ar miringe, nee tam kudá' sleémeero baraá miringér wa gadiyuús, kuká' sleémeero tari sihhiit amór saáw i alé.

Geehhoeemaá 18:19

Hhape kari kwakwaáhh gawaá sager'ín i aleeró, tari /aa/amín ar afór ur nee tari tsuunqumiís, tari oín, «Gixsadá' ur hhiintluuwós ku gawít. Asma muu sleémeero oo miringér koóm ar baraá tlawtá wa hi'iimiit, inooín tana daqaari'iít ar daqaari'iimár gixsarí. Ala hamí ar qoomár niinawe daqaari'iimarós sleémeero aa qwát.»

Geehhoeemaá 19:3

Tari malé oó', «Mungú i xirfuuti! Quui i gawaawós wa sihhmaamít ay alhhe'eesay wasle.»