Geehhoeemaá 18:3 - Biblía Axweesantá Hhohho' ar Mungú 2004

³ Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»

Ya/abtór hho' 1977

³ Asma múk xoordu sleémeero wahangwduú tsaatu'uumarós gwa wáh. Wahangwdá' i buhhtaá Mungú huwahuuw. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuuwo, aa daqaari'iít ar daqaari'iimarós tidá' ur ar har qoomay wasl.”

Geehhoeemaá 18:3 Iomraidhean Croise

ISAYA 47:15

Mukdá' taa harahhíf ador'ín a tí, kudá' taa sagedawiimít, kudá' nee kiíng aga alhi'iimite' iimír masoombi'iimaroge. Inooín tambeera gin áy, umuú heewo iri amoorós xuu', tam oo kiíng i ba/amís i kaahh.»

YEREMIA 51:34

Waawutmo Nebukadnesa oo Babuloni gixsár Yerusalemu gana hhitín nee gari naasúy, gari adór hutloó kaahaár tleéhh, gana guú/ adór dayshamo. Guruuwós guna hatsiís muruú tsuua nee gari waá/ amór saaw.

YEREMIA 51:7

Aáng Babuloni dír AAKOÓ MUNGUHE a adór xooslmoó sahaábu, kudá' aa yaamu sleémeerór wahaás, xoordu sleémeero gina difaáirós ar wahaás gawaá adoorihe xoordu niri slarhhamuumutiyé'.

WA/AA/I 4:5

Mukdá' muruú /aymár diihhooa gwaa /aay, hám daxta qwarko taa qaátl baraá lohdií alé. Kudá' taa umín kiri tsitamiís ar tlabaá sirda/aten, daxta naa baraá ufér xwaansláy watliyé'.

NAHUMU 3:4

Asma ar yaaremá sli'imár sli'imuso'odae, aamár hhoohhoo' ar kángw da/ari gu baal, xoordu gina geewaagát ar sli'imarós tidá' nee tlahh'aá muu giri sageeqwaarés ar da/ariiwós.

Luka 7:25

Bar gitsorooká, ala a milá? A heé inqwaruú hhohhó' gu tsitaatíta? Ala baré múk inqwaruú hhohhó' gu tsitaatiít, nee kudá' diihhooár /aáy i baraá maraá waawitá.

1 Timoteo 5:11

Ala /ameenár kwaeeli ar ninakw ma ya/aamaar gooiro. Asma ilatleerir'ín ar slaqwa bira tláhh, ta quutl dír Kristowo, tari duuxór áy.

Geehhoeemaá 14:8

Aluuwo malaykamoó hatlá', oo tsár, aluudá' ngiri haár, iri oó', «Gixsadá' ur ar Babuloni aa hú'. Gixsarí an tidá' xoordu sleémeero gaa oonitimis ar tsaatu'uumarós, tidá' xaraasl, adór difaáír aa hamat.»

Geehhoeemaá 17:2

Waawituú baraá yaamu aa fuquús nee inós. Nee mukduú baraá yaamaá hoót kwaa oonitimís ar difaáír tsaatu'uumarós.»

Geehhoeemaá 18:19

Hhape kari kwakwaáhh gawaá sager'ín i aleeró, tari /aa/amín ar afór ur nee tari tsuunqumiís, tari oín, «Gixsadá' ur hhiintluuwós ku gawít. Asma muu sleémeero oo miringér koóm ar baraá tlawtá wa hi'iimiit, inooín tana daqaari'iít ar daqaari'iimár gixsarí. Ala hamí ar qoomár niinawe daqaari'iimarós sleémeero aa qwát.»

Geehhoeemaá 18:23

Nee slám gwa/aateemaá tsaa'asi ki baloó ariiká baraawoge. Nee afór garmoó duuxuxuúm nee ar dasír ta duxuuti ka baloó axaasiiká baraawoge malé alé. Asma mukók kudá' halaanu'uumár tleéhh, inooín a múk aleesleemuú koóm baraá yaamuwo, nee xoordu sleémeero kina al/agín ar da/ariwók.»

Geehhoeemaá 18:7

Slahh'ámu nee gurhaami dirós i haniisaak ar adoodá' inós tira xirfayeemís, nee ira hót ar slafíngw diihhooa. Asma inós i baraá muunaáwósí kat, ‹Aníng a waawuto'o, slám a kwaalo'orooká. Aníng gurhaami a baloó araaká.›

Geehhoeemaá 18:9

Nee waawituú baraá yaamu, kudá' aa fuquus nee inós, nee kudá' nee inós diihhooa kaa al/aay, inooín tari tsuunqumiis qoomár quuír asltá inós gaa xaawuur bar kaa ár.