Geehhoeemaá 18:20 - Biblía Axweesantá Hhohho' ar Mungú 2004

²⁰ Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Ya/abtór hho' 1977

²⁰ Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 18:20 Iomraidhean Croise

WARA'AMI 107:42

Múk hota ganaá' adoorí gan tsatsahhán, nee i qwalalaa/, ala múk tlákw sleémeero kwa xasltís.

WARA'AMI 109:28

Muu maweek i lu'umisi, ala kuúng aníng na tsuuqáng, kudá' amor'eéni slaqwá' ki mureekeesi. Anuú sagadiyusmoowók ni qwalaá/.

WARA'AMI 18:47

Inós an kudá' arba/ati ngi hanmiís dír wakuuser'eene, xoordu ngina baráy qaás dir'eene.

WARA'AMI 48:11

Tloomár Siyoni i qwalaala/, múk Yuda ta baraa/i asma sakwasleemarók tidá' ganaa'.

WARA'AMI 58:10

Heé hota ganaá' i qwalalaa/ bar ngaa ár wakuuse kaa li/áy buú'. Ya'aawós gin hamaatl ar tseerér múk hota ganaa'aaká.

WARA'AMI 94:1

AAKOÓ MUNGÚ, Munguú li/oó bu'uúm, kuúngudá' li/oó bu'uúm ti laqaan.

AXWEESANOÓ SAGALOOA 11:10

Múk hotaaín ganaa'á' bira diihhe'eés gixsa in qwalá/, nee qoomár múk tlákw bira qwaár muu in tseeamín ar bara/.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

SEFANIA 3:15

AAKOÓ MUNGÚ sakwasleemarhúng gaa hingeés, wakuuserhúng gaa tsee/áy kwaáhh. AAKOÓ MUNGÚ waawutmoó Israeli, inós i baraá tla/angwhúng, gár tlaakw ar ta da'ayuta' in sangw káhh.

Efeso 2:20

Kuungá' tunduna tleéhh gawaá iihhafiiridá' taa qaás nee ya/abuuse nee aaruuse, nee Kristo Yesu inósuú kilá' an tlaa/adá' ur ar do' ir gawduy.

Efeso 3:5

Qoomár aa waarahhi lu/aaráywí kwa laqaniká dír muu. Ala daxta Qeeru gwa geehhooatís dír ya/abuuseerós ar hhohho' nee dír aaruuse.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

DABE 32:42

Maheerieé' in xufitiís ar tseere, paángar'eé' fu'unaay giri /ák, tseerér mukdá' taa tsuú/ nee kudá' taa hayóh, tam geeraharuusér wakuuse sleeme.»

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

Yuda 1:17

Ala kuungá' sla'aaruúse, /ayma'aá aáng taa káh aáng nee Ya/abuusér Aakoorén Yesu Kristo inslawaak.

Geehhoeemaá 12:12

Gawaá adoorihe, kuungá' doóri, bara/é', nee kuungaásingá' sleémeero awa baraasíng wa hootá' sleeme. Kuungá' yaámu nee tláwi, a tsaxwaahúng. Asma Neetlaangw, inós naa amorhúng i aweér. Inós i ló'wa xaraasl, asma gaa xuú' adór deeloorós ar aa met kar ureeká.»

Geehhoeemaá 18:6

Kuungá' inós buaak ar adoodá' inós ira bu'uún. Ka sagaáwa tsár wa buá' ar tlehhemi'iiwós kudá'. Inós wahaasaak ar wahaangw oo adór kudá' inós muu ngura wahamís, ala dirose sagaáwa tsár wa doogaak.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.