Geehhoeemaá 18:19 - Biblía Axweesantá Hhohho' ar Mungú 2004

¹⁹ Hhape kari kwakwaáhh gawaá sager'ín i aleeró, tari /aa/amín ar afór ur nee tari tsuunqumiís, tari oín, «Gixsadá' ur hhiintluuwós ku gawít. Asma muu sleémeero oo miringér koóm ar baraá tlawtá wa hi'iimiit, inooín tana daqaari'iít ar daqaari'iimár gixsarí. Ala hamí ar qoomár niinawe daqaari'iimarós sleémeero aa qwát.»

Ya/abtór hho' 1977

¹⁹ Hhape kari kwakwaáhh gawaá sager'ín i aleeró, tari /aa/amín ar afór ur nee tari tsuunqumiís, tari oín, “Gixsadá' ur hhiintluuwós ku gawít. Asma muu sleémeero oo miringér koóm ar baraá tlawtá wa hi'iimiit, inooín tana daqaari'iít ar daqaari'iimár gixsarí. Ala hamí daqaari'iimarós sleémeero aa qwát gawaá looár wák i alé.”

Geehhoeemaá 18:19 Iomraidhean Croise

2 SAMUELI 13:19

Naagáy, Tamari da/ara gari slík gawaá sagós, hiyaywós kudá' guri feehhís, dabaawós giri qás gawaá saga, iri tleér i haratseeamiín /aa/eewo.

NEHEMIA 9:1

Bál slahhangwduú kilá' tawa mibeeri tsár nee tsiyáhh, múk Israeli tari burumburiít as tawa gwaawin gunaydu ngaa tsiitiyé' nee sage kari hhapeérár slikín.

YOBU 2:12

Nguwa amooqá' saáwá ariyé' ngwa tsaahhi'iiká, nina /aa/iyé' ar afór ur, tlabaaín ngiri feehhamisiyé', nee hhape ngiri gáwtí kwakwahhiyé', nee gawaá sager'ín, as gurhaamír ur.

ISAYA 13:19

Nee waawuti'iimár Babuloni tidár xirfuú waawuti'iima. Waawiti'iimadá' daara/ango iia tleer ar xoorór Kaldayo, Bál Mungú birnga qwaareés, tari adór Sodoma nee Gomora.

WA/AA/I 2:10

Bariisér Siyóni aa yaamií iwít iri qartlamít, sager'ín ngay hhapér i kwakwaahhiyé', gunaydu ngiri tsiitiyé'. /Amatliitér Yerusalemu sager'ín ngay xupu'usiyé' ay yaamu.

ESEKIELI 27:30

Inooín tari ló'wa tsuunqumiis ar slahh'amaayér ur as kiíng, tari ló'wa /aa/amín ar afór úr, tiri sage teerír i qaminá', tari gwangwaraa'amiit baraá da/arár wa alé.

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.

Geehhoeemaá 17:16

Nee xareemidá' mibaangw awa taa aán, nee makiito'oodá', kuká' /ameenidár tsaatuso'o ngi aahhiyá'. Inooín /ameenidá' ka liitlakuso'o tleehh nee kari /aankweetsiis, fu'unaywós kiri /aay, nee kari xaawúy ar asla.

Geehhoeemaá 18:10

Inooín tari amór saáw i sihhiit as tawa da'ayumiiti slahh'eemisuuwós kudae. Tari ooi, «Gixsadá' ur ar Babuloni, gixsadá' /uuruú koom, hhiintluuwók ku gawít, asma ar qoomár niinawe sakwasleemarók ina i hardát.»

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»

Geehhoeemaá 18:8

Ala as inós iwa adoorí kat, muxtaarós i baraá looár wák i hardát, pu/i nee gurhaami nee giyeé. Inós kari xaawúy kángw kilá' wa aleeró ar asla. Asma Aakoó Mungú kudá' inós gaa sakwasleemuut, inós i /uuruú kón.»

1 SAMUELI 4:12

Heeko wák oo tlahhoó Benyamini ina tiaaín baraá tla/ángw slawtadár slaqwarár wa ale, iri ti'iíngwár hardáh ay Shilo baalaadár kilae, inqwaruuwós naa feehhamamiít, nee sagós aa teerumamiít.