Geehhoeemaá 18:13 - Biblía Axweesantá Hhohho' ar Mungú 2004

¹³ Nee slám qafoodá' tsuuá' awa xa'anoodá' ta bay dalasini, nee muruudá' mooyaangw tsuú' oo ta baraá di/tá i qamaamin, nee xwatsoodá' ta da/a/an awa mooyaangw tsuuá', nee di/itadá' mooyaangw tsuu', nee di/tá na/amo, tidá' mooyaangw tsuu'. Nee difaái nee di/tá seituúni, nee puuruú /awák nee angaáno, nee hikwa nee bee/aangw, nee faras nee gaardu, nee lawaale nee tam múk hatlá' sleeme.

Ya/abtór hho' 1977

¹³ Nee slám qafoodá' xa'ano awa xaraangw tsuuá', xa'anoodá' ta babay mdalasini, nee muruudá' xaraangw tsuú' oo ta baraá di/itá i qamaamin, xwatsoodá' ta da/a/an awa xaraangw tsuuá', nee di/itadá' xaraangw tsuu', nee di/itadá' na/amo, tidá' xaraangw tsuu'. Nee slám difaái nee di/itá xa'anoodá' ta babay miseituni, puuruú /awák nee balángw angaáno, hikwa nee bee/aangw, faras nee gaardu, lawaale nee tam múk hatlá' sleeme.

Geehhoeemaá 18:13 Iomraidhean Croise

1 WAAWITÁ 10:10

Naagáy waawutmo guri talaántár tsiiru nee mibeeraá tsár i hanís, ar sahaábu, nee mooyángw yaariír ló'wa alé, nee tlaa/eedá' tlaxo urene. Iimír baalaadá' mooyángw adór kuduú waawuto'ór Sheba aa hanís, waawutmo Solomon gwaa baloó slayká malé ale.

1 WAAWITÁ 10:15

Tí i dinkwaarooká nee sahaábuú aa sláy baraá weeramisuú wa alé, nee kuduú mukdá' halaanu'uumár tleéhh, nee oo waawituú Arabia, nee amór ga/aawuusér ayeemaá yaamaá Israeli.

1 WAAWITÁ 10:25

Umuú heewo qeemu nguri huúw oo xooslár taa tleéhh ar peésa nee sahaábu nee tlaba' nee manemáne nee mooyaangw nee faras nee wayshama', umuú kurko Solomon qeemuuwí guna ilaaohín.

1 QOM'I 5:21

Inooín muruú naa haasaángú wa ar tlayé' a kwí: Angamía kume mibeeri kooán, nee bee/aangw kume tsiire tsár nee mibeeri kooán, nee daqwaaye kume tsár, nee múk tara tláy a kume tsiruú wák.

2 QOM'I 9:9

Solomon gway qeemu i hanís oo har kílór kume tsiyáhh ar sahaábu, nee mooyángw yaariír nee tlaa/aá yaariir awa tlaxo gawde. Mooyángw adór kudá' aa waawutmoó i hanís i kakaahh.

NEHEMIA 5:8

Ngiri báw, «Ar aleesleemuú ta koomana hhaeerén awa Yahudi in tlaxumaán kudá' taa weerimiís dír múk xoordaá hatlá'. Ala mis sla'á' kiwa malé weeramisa', bar atén in tlaxumaán?» Ala inooín tari qartlamiít, tam /aymuú taa oó' i kaahh.

TI'INAANGW 21:16

«Heé hee gwaa fiis as nguwa weerisi, laqaá nguwa lawaalmoowós wa oohi aqo kun gaas.

AXWEESANOÓ SAGALOOA 7:17

Mooyángw ta babay manemane, ugwa qaás, nee oo uúdi nee oo dalasiíniro sleeme.

DAA'AANGW 1:3

Mooyángw di/tók tidár slikiingw naa tláy, Umuuwók a adór mooyángw taa tsipipi'iís, an gár /ameena kuúng us sla'.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

DAA'AANGW 5:5

Ana sihhiít, sla'aarusmooeé' nguri afkú do' i gweér. Dabaaeé' nina hatsiyé' mooyángw manemanero, nee gawaá ditsaeene mooyángw manemane i taxán. Qoomár niwa afkú doó bura duxuum.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

ESEKIELI 27:13

Múk Yafani, nee oo Tubali nee oo Mesheki halaanu'uuma ngina tleehhiyé' nee kiíng, inooín tiri muk'ín i weerimiís as kahhó' xooslaarók tidár muqslár sirda/aten kawa slay.

AMOS 2:6

AAKOÓ MUNGÚ i kaahi, «Aníng múk Israeli muxtaaro u mawaaká, as tlakweema ngiwa tlehhaahhitiyé'. Asma inooín múk gan'amuú koóm nguna weeramiisiyé' ar peésa, nee narkuutmoó iinár niina gaa harslaaqaat bu'utuwo kuna weeriís ar ya/atá tsár.

AMOS 6:6

Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

AMOS 8:6

As daqaní atén múk narkuute kurí tlaxwaán ar peésa, nee múk aleeleém kuri tlaxuumaán ar tlaxór ya/ata', nee angaáno kuri muundoó al weerisaán.»

DABE 24:7

«Hee barnaxes hhiyaawós oo Israeli gwaa fiís, nee guri lawaalmoowós tleéhh, laqaá burgwa weeriís amór lawaali'iima, heé adór kwí a fisusmo, i harín kuwa gaasi. Adoorí an adoodá' tlakweema kir hingeesa' baraá tla/angwhunge.

DABE 28:68

AAKOÓ MUNGÚ, kuungá' nu yaamaá Misrírí ki/is ar miringamoó baraá ma'aay, aa'aá aáng niwa oó', kuungá' i male keera'aaká. Amoodae kuungá' tin mak kiloohúng weerisá' dír wakuuserhúng as tawa lawaaler'ín ar hhawaate nee ar /ameenaaro, ala heé kuungá' nu tlaáxw i kaahh.»

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

Geehhoeemaá 18:14

Án kiíng i baw, «Mamaá xaai kudá' muunaáwók i slai naa ilaawók wa qwaariyé'. Muruuwók sleémeero kudá' tlaxo urén nee kudá' xirfuú koóm, aa ilaawók wa qwaár sleeme. Nee slám muruuwí muu gu baloó ariiká.»

Geehhoeemaá 18:15

Mukdá' halaanu'uumár tleéhh ar muruuwí, kudá' daqaari'iima gaa slay ar Babuloni, tari amór saáw i sihhiit as slahh'eemisuuwós kuwa da'ayuumiti, tari /aa/amín nee tari tsuunqumiís.