Geehhoeemaá 18:11 - Biblía Axweesantá Hhohho' ar Mungú 2004

¹¹ Nee mukdá' halaanu'uumár tlehhiít baraá yaamuwo, inooín sleeme ta /aa/amín nee ta tsuunqumiis as inós. Asma heé muruuín kudá' gu tlaxuúm i kaahh daxta.

Ya/abtór hho' 1977

¹¹ Nee mukdá' halaanu'uumár tlehhiít baraá yaamuuwo, inooín sleeme ta /aa/amín nee ta tsuunqumiis as inós. Asma heé muruuín kudá' gu tlaxuúm i kaahh daxta.

Geehhoeemaá 18:11 Iomraidhean Croise

AXWEESANOÓ SAGALOOA 3:14

Asma sagalooa ka afhhamít ta peésaaro, slám slaasláwaarós ka yaariir ta ar sahaábuú hhohhoe.

ISAYA 13:19

Nee waawuti'iimár Babuloni tidár xirfuú waawuti'iima. Waawiti'iimadá' daara/ango iia tleer ar xoorór Kaldayo, Bál Mungú birnga qwaareés, tari adór Sodoma nee Gomora.

ISAYA 47:15

Mukdá' taa harahhíf ador'ín a tí, kudá' taa sagedawiimít, kudá' nee kiíng aga alhi'iimite' iimír masoombi'iimaroge. Inooín tambeera gin áy, umuú heewo iri amoorós xuu', tam oo kiíng i ba/amís i kaahh.»

ESEKIELI 27:9

Bariisér Gebali nee muk'ín oo fuquruuse ta baraawók as fox'i kiwa nootsi. Múk miringér madiít nina dirók ar waaraáhh, halaanu'uuma ngina tleehhiyé' nee kiíng.

SEFANIA 1:11

Aá yaamuloouusér Makteshi tsuunqumisé', asma halanuuse sleémeero aa hhaán, nee mukdá' peésár qoomeemeés kwaa hhaamiís.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

Matayo 22:5

Ala inooín kaa gaárií xuiiká. Tana tlatláy, kooko ina baraá qaymoorósí tláy, kooko ina baraá halaanu'uumarósí tláy.

Yohana 2:16

Mukdá' hhookár weerimiís guri báy, «Muruusíng sleémeero hingeesaak. Doó Baabuúeé' mu doó halaanu'uuma tleehhara'.»

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

Geehhoeemaá 18:15

Mukdá' halaanu'uumár tleéhh ar muruuwí, kudá' daqaari'iima gaa slay ar Babuloni, tari amór saáw i sihhiit as slahh'eemisuuwós kuwa da'ayuumiti, tari /aa/amín nee tari tsuunqumiís.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 18:23

Nee slám gwa/aateemaá tsaa'asi ki baloó ariiká baraawoge. Nee afór garmoó duuxuxuúm nee ar dasír ta duxuuti ka baloó axaasiiká baraawoge malé alé. Asma mukók kudá' halaanu'uumár tleéhh, inooín a múk aleesleemuú koóm baraá yaamuwo, nee xoordu sleémeero kina al/agín ar da/ariwók.»

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»

Geehhoeemaá 18:9

Nee waawituú baraá yaamu, kudá' aa fuquus nee inós, nee kudá' nee inós diihhooa kaa al/aay, inooín tari tsuunqumiis qoomár quuír asltá inós gaa xaawuur bar kaa ár.