Geehhoeemaá 18:10 - Biblía Axweesantá Hhohho' ar Mungú 2004

¹⁰ Inooín tari amór saáw i sihhiit as tawa da'ayumiiti slahh'eemisuuwós kudae. Tari ooi, «Gixsadá' ur ar Babuloni, gixsadá' /uuruú koom, hhiintluuwók ku gawít, asma ar qoomár niinawe sakwasleemarók ina i hardát.»

Ya/abtór hho' 1977

¹⁰ Inooín tari amór saáw i sihhiit as tawa da'ayumiiti slahhe'eemisuuwós kudae. Tari ooi, “Gixsadá' ur ar Babeli, gixsadá' /uuruú koom, hhiintluuwók ku gawít, asma gawaá looár wake sakwasleemarók naa hardát.”

Geehhoeemaá 18:10 Iomraidhean Croise

ISAYA 21:9

Qaytsiít, múk faras ngwaa i tsa/an i hi'iit, ti tsadér wa koomakoná'!» Ta kaahi, «Babuloni aa hú', nee slaqsi'iiwós kudaá mungui, kin yaamúr slaáhh kiri giqaaqáy.»

ISAYA 47:9

Muruuwí tsár kiíng i gaanslár i harati'iit baraá looár wák i aleeró, qatlór na/iiwók nee kwaali'iitaro i sleér. Handá' kiíng tam da/aluso'ooro, tam /uuruú úr oo qwaslaari'iima u koonda.

YEREMIA 30:7

Tsaxwa, deelór slahh'amaaye i hi'ít, deelór ta adór tír qoomeesi i káhh, an qoomár slahh'amuú yaariír dír muk'eé' oo Yakobowo. Tam adoorihe inooín baraadae ki ba/amis.

ESEKIELI 32:9

«Munér múk yaariír i slahhá' qoomár bar kaa axaás kuúng taa suqúy, qoomár bura lawaalmo tleéhh baraá xoordaá hatlá', yaamaá kuúng ta xu'ká.

Yoeli 1:15

Tsaxwaarén! Asma deelór AAKOÓ MUNGÚ naa naká/, ala ni hardát ar hhitár amór kuduú Aleesleemusmoó daahh.

AMOS 5:16

Gawaá adoorihe, AAKOÓ MUNGÚ, inósuuduú Munguú Aleesleemusmo i kaahi, «Tsuunqusmoó úr i deeruut umuúqo diiro baraá gixsaro, nee baraá luhaá urene, muu in /aa/amín as gurhaami, tawa kaahi, ‹Oóyeéy, aángwayteéy, tí mara /imiisaán?› Tam doosluusér baraá tla/ángw aya kari ateet as tawa al/aa/amin, nee mukdá' tsuunqusmo gu baál kuri ateet as tsuunqumis.

FAARO 16:34

Múk Israeli sleémeero kudá' didií tsewén /aa/eeín ngiwa axaasiyé' tarí goów tawa kaahi, «Atén yaamu mitiwa gu/iyé' sleeme.»

Geehhoeemaá 11:8

Nee tu'uuín kiri geexáy baraá loohidár gixsár ur. Gixsadá' baraá qeeruuwo umuuwós ta babay Sodoma nee Misri. Nee slám gixsarí an tidá' Aakooín kwi kikií' gawaá msalaába.

Geehhoeemaá 14:8

Aluuwo malaykamoó hatlá', oo tsár, aluudá' ngiri haár, iri oó', «Gixsadá' ur ar Babuloni aa hú'. Gixsarí an tidá' xoordu sleémeero gaa oonitimis ar tsaatu'uumarós, tidá' xaraasl, adór difaáír aa hamat.»

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

Geehhoeemaá 17:12

«Xareemidá' mibaangw awa taa aán a waawituú mibaangw. Inooín waawuti'iima kaa slayká. Ala inooín waawuti'iima ka sláy tawa adór waawitá ar har qoomár looár wák dinkwa nee makiito'oodá'.

Geehhoeemaá 18:18

Mukwí iri ló'wa /aa/amín qoomár quui kawa ár ar gixsár Babuloni asla ngiwa al ót. Tari oó', «Gixsár ur ar adór tí i deéro?»

Geehhoeemaá 18:19

Hhape kari kwakwaáhh gawaá sager'ín i aleeró, tari /aa/amín ar afór ur nee tari tsuunqumiís, tari oín, «Gixsadá' ur hhiintluuwós ku gawít. Asma muu sleémeero oo miringér koóm ar baraá tlawtá wa hi'iimiit, inooín tana daqaari'iít ar daqaari'iimár gixsarí. Ala hamí ar qoomár niinawe daqaari'iimarós sleémeero aa qwát.»

Geehhoeemaá 18:21

Malaykamoó wák oo /uuruú koóm tlaa/ano guri taataáhh oo adór tlaa/ár xoosliingw. Tlaa/anoowí guri kwaáhh baraá tlawtí alé, iri oó', «Gixsár ur ar Babuloni, kiíng ti kwaahh ar /uuru adór tlaa/anoowí ar alé, nee slám ti ariiká baloó alé.

Geehhoeemaá 18:8

Ala as inós iwa adoorí kat, muxtaarós i baraá looár wák i hardát, pu/i nee gurhaami nee giyeé. Inós kari xaawúy kángw kilá' wa aleeró ar asla. Asma Aakoó Mungú kudá' inós gaa sakwasleemuut, inós i /uuruú kón.»