Geehhoeemaá 17:3 - Biblía Axweesantá Hhohho' ar Mungú 2004

³ Malaykamoodá' aníng iri ar tláy ar baraá qeeru ay baraá xaanxaay. /Ameeni ngiri ár aa iwít gawaá makiito'ór ló'wa daa/aat. Makiito'oorí i háts umér /ooslisliingo. Sagér faanqw ga koón nee xareemaá mibaango.

Ya/abtór hho' 1977

³ Malaykamoodá' aníng iri ar tláy ar baraá qeeru ay baraá xanxaay. /Ameeni ngiri ár aa iwít gawaá makito'ór daa/aat ló'wa ale. Makito'oorí i háts umér /ooslisliingo. Sagér faanqw ga koón nee xareemi mibaangw.

Geehhoeemaá 17:3 Iomraidhean Croise

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

2 WAAWITÁ 2:16

Tari oó', «Atén sagadiyuuseerók, múk miguuse oo mibeeri kooán u koomaán, pa/aángwí haniseek aakoowók ngu leeleehhtuú aye', barnaxes qeeruú AAKOÓ MUNGÚ guna ar tláy gway kwaáhh gawaá tlom'i laqaá baraá xatsa.» Elisha iri oó', «Aasla'áy, mi ya/aawara'.»

DAA'AANGW 8:5

A heemá heewí baraá darmuú daáhh? Slám aa tlintií' gawaá sla'aaruso'oorós. Dír gamuú xa'anoó tofá'aro, aníng kuúng una tleés, didá' handá' aayoorók asltá xwayla ngiwa eér. Eeít, didá' handá' aayoorók uwa laqwál.

ESEKIELI 11:24

Qoomár niwa baraá iigu'utuuwí dirii', qeeruú Mungú ina gáwtí tleés, iri huúw ay yaamaá Babuloni dír mukdá' baraá looháy dirií'. Naagáy iigu'utuuwí iri faák.

ESEKIELI 3:12

Aluuwo qeeru iri gáwtí tleés, afór adór kunselír ur ana aluueé' axaás, i kat, «I xirfuuti xirfuú AAKOÓ MUNGÚ oo gawaá doori.»

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 7:20

Aníng sleeme ana slaá' kángw niiná kunguwa alki/iiti daanduú xareemidaá mibaango, daanduú xarmoó naa aluúwaá ti'iit, slám dír nira ti'iitiká xareemaá tám nina tu/umitiyé'. Xarmoodá' ilaá koóm nee afko, kuduú axweesanoó daara/aangw gwa axwees, nee handá' ku ak úr dír xareemaá hatlae.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

DANIELI 7:8

Qoomár niwa xareemiwós aldakuut, naxés xarmoó wák oo niiná i ti'imiit baraá tla/ángw xareemidá' mibángw wa alé. As xarmoodá' pa/aangw nguwa slay xareemidá' awa tám kina dee/aruuín altu/ún. Ilaá makiito'oodá' a adór kuqaá hee, nee afkose /ayma'aá taqanaa/i ginar axwés.»

Matayo 27:28

Inqwaruuwós kuri duúx, kuri tsiitiís ar inqwaarír sirdaa/aat.

Tlehhema'aá ya/Abuuse 8:39

Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i hara qwalalaa/.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.

Geehhoeemaá 12:14

Ala /ameenidá' kari hhampe'eeraá tsár i haniís awa gwareesidá' ur, as inós iwa /akut ay baraá xaanxaay, ay dirós tidá' inós kawa /aymaamisi qoomár kureeraá tám nee tlaqi. Didá' ka saaw dír dayshamoodae.

Geehhoeemaá 12:3

Layár hatlá' iri geehhouúr gawaá doorí wa ale. Layaarí a dayshamoó yangaariír oo daa/aát. Dayshamoowí sage ngi kon a faanqw nee xareemi a mibaangw. Nee gawaá sageerose gár i kon a slam'aá faanqw.

Geehhoeemaá 12:6

/Ameenidá' iri góp ay baraá xaanxaay. Amoodae dirós kaa amohhe'eés nee Mungú as kawa amoodá' wa /aymiisi deelo kumuú wák nee tsiire tsár nee mibeeri lahhoó'.

Geehhoeemaá 17:18

«Nee /ameenidá' taa aán a gixsadá' ur, tidá' waawituú baraaká' yaamu gu sawaawuti'ii'iim.»

Geehhoeemaá 17:4

Nee slám /ameenidá' kaa tsiitiís inqwaruú sirda/atene nee oo da/atén. Inós kaa parootuús ar sahaábu nee ar tlaa/edá' tlaxo uren, nee ar kwaslaá hhohho'. Inós i xooslmoó sahaábu koón baraá dakose. Xooslmoowí aa haáts muruú tlakwe nee umuúqo slasla/aruú tsaatu'uumarose.

Geehhoeemaá 18:12

Muruuín kudá' ta tlaxwaaxun a kwí, sahaábu nee peésa nee tlaa/eedá' tlaxo uren nee kwasluudá' tlaxo uren, inqwaruudá' /awák taa tleéhh ar kitaánír hhohho' nee kudá' sirda/atén, nee inqwaruudá' natsaatsaá' nee kudá' da/atén, nee umuúqo xa'anoó mooyaangw tsuua, nee umuúqo xooslmoó taa tleéhh ar xareemaá daawe, nee umuúqo xooslmoó taa tleéhh ar xa'anoó tlaxo úr, nee kudá' taa tleéhh ar muqslár sirda/aten, laqaá ar muqslár da/aten, laqaá ar tlaa/eedá' ta bay marumaru.

Geehhoeemaá 18:16

Tari oín, «Hhiintluuwós ku gawít, Gixsadá' ur, tidá' taa tsiitiís ar inqwaruú /awák oo taa tleéhh ar kitaánír hhohho', nee inqwaruú sirda/atén nee oo da/atén, tidá' taa parootuús ar sahaábu nee ar tlaa/edá' tlaxo uren nee ar kwaslaá hhohho'.

Geehhoeemaá 21:10

Inós aníng iri ar tláy ar baraá Qeeru ay gawaá tloomár ur ar tleerantleer. Gixsár Yerusalemu ngiri laqán, gixsadá' hhoohhoo', i awdít gawaá doorí wa ale amór Mungú.

Geehhoeemaá 4:2

Qoomaadár kilae Qeeru aníng iri i hardáh. Nee gawaá dooriiwo Kitángw aleesleemu kwaa qaás, heé wák naxés aa iwiít gawaá kitangwdií aleeró.