Geehhoeemaá 17:14 - Biblía Axweesantá Hhohho' ar Mungú 2004

¹⁴ Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Ya/abtór hho' 1977

¹⁴ Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariisee, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhimuú koóm, inooín baali ngi slayá' dinkwa nee inós.”

Geehhoeemaá 17:14 Iomraidhean Croise

WARA'AMI 110:5

Aako hanoos, kuduú waawutmo, i bihhiwók awa doó /iyáy, bira buúhh, waawitá gu faak.

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

YEREMIA 50:44

Ga/aaweek, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Babuloni ngur guus baraá yaamuuín wa ale. Aníng geeraharusmooeé' oo ni slaa' un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlampa'aás a gaalá?

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 7:21

«Qoomár ngiwa adoorí wa ga/aw, xarmoodá' nee mukdá' hhohhó' oo Mungú tina muxiyé', inós mukdá' guri baál.

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

Matayo 22:14

«Asma múk taa ateét ku úr, ala kudá' taa tsawaár ku niiná.»

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Rumi 1:6

Baraá tla/angw'ine kuungá' sleeme a deer, kuungaásingá' taa ateét as tawa múk Yesu Kristo.

Rumi 8:30

Nee kudá' iimír aange aa qaroó tsawaár, giri ateét, nee kudá' aa qaroó ateét, giri gan'amuú i harafaár. Nee kudá' aa gan'amuú i harafaár, giri xirfayeés.

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

1 Korinto 15:24

Daqaní alhhe'eesaay nay hardah. An qoomár Kristo waawuti'iima ngiwa amór Mungú Baabá i haniisi, alaá waawuti'iima sleémeero binga hhaamiís, nee aleesleemu sleémeero, nee /uuruuwo.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

1 Timoteo 6:15

Asma qooma bira bó/, inós kungu geehhooees nee Mungú. Mungú a baalusmo, kudá' ta xirfayeemisi, inós kilós an baalusmo, Waawutmoó waawitá nee Aakoó bariise.

2 Timoteo 2:4

Askaarmoó baraá slaqwarár i dirií', i dahiiká baraá daawitimér muruú hatlae, asma gár i slai a geeraharusmoowós kudá' úr kilós gun sla'atimis.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 11:7

Ala inooín lamabu'ungw'ín bar ngwa hhe'eesiyé', makiito'oodá' baraá bohóngw aa tsarere'eét daahh, iri sláqw nee inooín, nee inooín giri arbá/ giri tsú/.

Geehhoeemaá 16:14

Qeeruuwí a qeeruú neetlaame, kudá' layár tlehhiít. Inooín tan tlatláy amór waawitá sleémeero oo baraá yaamu, as nguwa dinkwár i haragaasi as slaqwara. Slaqwararí i tleehharut a baalaadá' ur ar Munguú Aleesleemusmoó mura' sleémeero.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.