Geehhoeemaá 16:9 - Biblía Axweesantá Hhohho' ar Mungú 2004

⁹ Muu kuri ló'wa da/aa/án, ala tam adoorihe inooín umuú Mungú nguri /ooslisliné', kudá' aleesleemuú koóm daanduú muxtaarihe, nee slám taa hhu'u'unká, nee Mungú kwa xirfayeesiiká.

Ya/abtór hho' 1977

⁹ Muu kuri da/a/án ar da/a/ángw urén, ala tam adoorihe inooín umuú Mungú nguri /oslisliné', kudá' aleesleemuú koóm daanduú muxtaarihe, nee slám taa hhu'u'unká, nee Mungú kwa xirfuú i haniisiiká.

Geehhoeemaá 16:9 Iomraidhean Croise

2 WAAWITÁ 6:33

Tidá' ooaro gaa hhe'eesiiká, heedaádá' tinda ya/aáw nee waawutmo naa hardáh, i kaahi, «Slahh'amuuwí amór i dahhi a amór AAKOÓ MUNGÚ, án gár ni daamaraam a milá ar ni aniíngí tleehhi?»

2 QOM'I 28:22

Qoomár waawutmo Ahasi iwa baraá slahh'amuú i dirii'i, ina ló'wa dee/anuút dír AAKOÓ MUNGUHE.

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

ISAYA 8:21

Muu baraá yaamuwo tan tawo tambeeruus, taa ló'wa amoqwaár, slamí qwariitiyá'. Slám bir qwariitiyá' mune gaa farkiín amór waawutmooín nee munguine. Tan gawaá doorí qaytsiit,

YEREMIA 13:6

Aluuwo alaá deelór yaariir iwa waaráhh, AAKOÓ MUNGÚ iri oó', «Tláw amooqár yaaér Eufrate, inqwaaridár siinootaay leehheek, tidá' uwa báw lu/eek.»

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

ESEKIELI 24:13

Kuútuudá' an slasla/aruú fuqtók, ala tam aníng kiíng iga iiari hheehhe'eesaro, kiíng ana kilók met baraá slasla/aruuwók, kiíng aqo sangw baloó hhoohhouuraaká malé alé ay dír buhhtaaeé' ngay boo/ees daanduuwoge.

Luka 13:3

Aasla'áy, án a kah, ala kuungá' bar hhu'u'uunda'aaká, a qwadá' adoosír kilár alé.

Luka 13:5

Aasla'áy, án a kah, ala kuungá' bar hhu'u'uunda'aaká, a qwadá' adoodár kilár alé.»

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

YOSHUA 7:19

Yoshua Akani guri báy, «Garmaaeé', na'ás, AAKOÓ MUNGÚ, Munguú Israeli, xirfayeeseek, lama ma tsataar. Daxta gadaádá' taa tléhh na ooang dir'eéní ale. Nee ma gaa lu/aar tam ar wák dir'eene.»

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 16:21

Tluwoó tlaa/e oo ló'wa úr oo gawaá dooraá daáhh, iri tluúw gawaá múk i alé. Tlaa/aá tluwaywí umuúqo tlaa/anoowo iiloeemaawo a adór kílo mibeeri kooán. Muu Mungú guri /oosliislín asma muxtaadár tluwoó tlaa/e, asma muxtaarós tí ka ló'wa ur.

Geehhoeemaá 2:21

Aníng pa/aangw una haniís dirós i alé as iwa hhu'u'uun. Ala fuqtós tidá' gaa sí' hhu'u'uungo.

Geehhoeemaá 9:20

Nee múk aa meet, oo taa tsu/iiká ar muxtaarí, gadiyeédár dabaaín kaa hhu'u'unká, neetlaame kaa mayká sluufmisuuwo, nee munguaá muqslaaqatuuwo, kudá' taa tleéhh ar sahaábu nee ar peésa nee ar muqsla nee ar tlaa/e nee xaai. Munguiiká' i xumisiiaaká nee i axamisiiaaká, slám i hi'iimitiiaaká.