Geehhoeemaá 16:21 - Biblía Axweesantá Hhohho' ar Mungú 2004

²¹ Tluwoó tlaa/e oo ló'wa úr oo gawaá dooraá daáhh, iri tluúw gawaá múk i alé. Tlaa/aá tluwaywí umuúqo tlaa/anoowo iiloeemaawo a adór kílo mibeeri kooán. Muu Mungú guri /oosliislín asma muxtaadár tluwoó tlaa/e, asma muxtaarós tí ka ló'wa ur.

Ya/abtór hho' 1977

²¹ Tluwoó tlaa/e oo úr ló'wa ale oo gawaá dooraá daáhh, iri tluúw gawaá múk i alé. Tlaa/aá tluwaywí iiloeemaawo a adór kilór mibeeraá kooán. Muu Mungú guri /oosliislín asma muxtaadár tluwoó tlaa/e, asma muxtaarós tí ka ló'wa ur kángw kilá' wa ale.

Geehhoeemaá 16:21 Iomraidhean Croise

YOBU 38:22

«Kuúng looár wake aga dáti baraá kuuntír tlaa/aá tluwaay, laqaá baraá kuuntír tlaa/aá tluwaay,

YOBU 38:23

qaasidá' naa amoohhe'eés as deelór tlaahhi, an deelór slaqwara nee ni gilár daamaraam.

TI'INAANGW 9:18

Ga/aaweek, matlo qoomár adór tihe tluwoó hhamhhám oo tlaa/e ngu huúw, oo aa baloó tluwiiká baraá yaamaá Misriro iimír aange.

TI'INAANGW 9:22

AAKOÓ MUNGÚ Mose guri báy, «Dakók gáwtí tleeseek as tluwoó tlaa/e niwa hardihi baraá yaamu sleémeero awa Misri, gawaá daanduú muu nee makaywo, nee gawaá balaangw sleémeero oo baraá qamaá yaamaá Misri.»

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 8:21

Muu baraá yaamuwo tan tawo tambeeruus, taa ló'wa amoqwaár, slamí qwariitiyá'. Slám bir qwariitiyá' mune gaa farkiín amór waawutmooín nee munguine. Tan gawaá doorí qaytsiit,

ESEKIELI 13:11

Hám daxta aaruuseerí koo/ír /awakeemiis baweek, tluwoó yaariír oo tlaa/e nee oo dukitá koóm ngu huúw, koo/isíng gari yaamií daahh.

ESEKIELI 13:13

«Gawaá adoorihe, anuú Aakoó MUNGÚ a kah, ‹Asma daanduú buhhtaeene aníng bambaao nee tluwoó tlaa/e oo úr ngu huúw, nee koo/i kari yaamií daahh.

YOSHUA 10:11

Qoomár múk Amori tawa ta'aaín geetuú Bet-horoni as tawa waaraahhi dír slaqwaruusér Israeliwo, AAKOÓ MUNGÚ tluwoó tlaa/e guri huúw, inooín tluwaay giri i tlubaabín ay Aseka. Tluwoó tlaa/e múk yaariír gway tsuú/ ta kudá' taa tsu/i nee slaqwaruusér Israeli.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

Geehhoeemaá 16:11

Munguú gawaá doori kuri /ooslislín as slahh'amuuín kudá', nee as um'idá' ngaa ohine', slám tlehhemi'ii'ín kudá' kaa hhu'u'unká.

Geehhoeemaá 16:9

Muu kuri ló'wa da/aa/án, ala tam adoorihe inooín umuú Mungú nguri /ooslisliné', kudá' aleesleemuú koóm daanduú muxtaarihe, nee slám taa hhu'u'unká, nee Mungú kwa xirfayeesiiká.

Geehhoeemaá 8:7

Malaykamoó geera tarumbeéta gari ufaáhh. Tluwoó tlaa/e iri tluúw, nee asltá taa aleedoók nee tseere, muruuwí kuri kwaáhh baraá yaamu. Bartaka wák baraá baduudá' tame awa yaamu asla gari /ák. Bartá wák ar xaai baraá baduudá' tame sleeme asla gari /ák. Nee gitsór naa/ sleémeero asla gari /ák sleeme.