Geehhoeemaá 16:15 - Biblía Axweesantá Hhohho' ar Mungú 2004

¹⁵ «Qaytsiít, aníng ni hardáh adór fisusmo. Heé amohhoó' a kudá' dalaá' nee oo tsitaywós gu amohhe'eemiís as miwa hi'iimiít ar /aankwets, tam muu alsi'imuuwós munguwa ár.»

Ya/abtór hho' 1977

¹⁵ “Qaytsiít, aníng ni hardáh adór fisusmoó ar alé. Heé amohhoó' a kudá' dalaá' nee oo tsitaywós gu amohhe'eemiís as miwa hi'iimiít ar /aankwets, tam muu alsi'imuuwós munguwa ár.”

Geehhoeemaá 16:15 Iomraidhean Croise

TI'INAANGW 32:25

Nee Mose ngiwa qo ár adór mukwí ira dee/anuút, asma Aroni muu gwa máy iwa dee/aanuuti adoodá' i slaiya' ngiwa tlehhiitiya', tiri kilooín mureekeesáy huwiyé' dír wakuuser'ine,

ISAYA 47:3

Muu /ankwetsuuwók gu ar, alsi'imuuwók kuri ar. Aníng li/aay u buú', aníng heé ni gurtlaw i kaahh.

ESEKIELI 16:37

Naagáy aníng mulqeerók tidá' sleémeero nee kiíng aga alqwalala/e' ngi burumbuúr, kudá' sleémeero ta sla' nee kudá' ta sla'akahe, ngi burumbuúr bihhe sleémeero as kiíng iwa i haratlaya', aníng kiíng iri /aankwetsiís dír ilaaín wa ale, /aankwetsuuwók nguri ariyá'.

HOSEA 2:3

Bir axamiská aníng a tlaba' hingeés, gwe'eedo gay tsee/áy tsát, ngiri ki/ís adoodár bál kingiwa laqwaál, inós ngiri adór xaanxaay tleéhh iri mét ar pakáy, ngiri gaás ar waxe.

HABAKUKI 2:15

«A tsaxwaawók kuúngudá' inslaawmoowók ugwa wahas ar gár oonitimis nee qara kuwa qamiin baraá difaái as kahhó' /aankwetsuín kuwa aan.

Matayo 25:13

Naagáy Yesu iri oó', «Dalaaé', asma baala a xua'aaká laqaá siiwa.»

Matayo 26:41

Dalaaé', firiiriimé', mutunduwa ar baá/ iiara'aduuwo. Muuná ga mak slaa' ala slaqwa kan daqatlaakw.»

Marko 14:38

Dalaaé', firiiriimé', as iiaraa'at mutunduwa arbaá/. Muuná ga mak slaa', ala slaqwa kan daqatlaakw.»

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

Tlehhema'aá ya/Abuuse 20:31

Gawaá adoorihe, kuungá' dalaaé'. Ma gunqaruutara' adór aníng kuungá' sleémeero nura hara'ayiyiím ar hhirhheeri, xweera nee tlaatla/aango, baraá kureeraá tame, slám naa baloó mawiiká.

2 korinto 5:3

Ala bar slaqoorén kudá' uuntsuusaro kaa hhe'eés, atén daqaní ti ariiká tawa /aankwets.

1 Tesalonike 5:4

Ala kuungá' hháe, kuungá' a baraá giwtirooká. Gawaá adoorihe a hariímaarooká deeloodá' kuungá' nuwa ar sleer adór fisusmór alé.

1 Tesalonike 5:6

Gawaá adoorihe atén gár tiwa hariím masók an guanaaká adoodár múk hatlá' sleémeero wa ale, ala masók an dalaa'aán nee múk qoomoó koóm.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

2 Petro 3:10

Ala deelór Aako i hardát adór fisusmoó ar alé. Baldá' doori ni ilaá wa qwaariyá' ar kududuhoó úr, nee tsatse/ asla gu ót nee iri weeq. Yaamu nee muruú baraawós i dirií' sleémeero niri qwaariyá'.

Geehhoeemaá 22:7

«Ga/aaweek, aníng ni hardáh ar gaanslaay. Múk amohhoó' a kudá' axweesanoó aaru'uuma gwa oh, kudá' baraá kitaábuuwí i dirií'.»

Geehhoeemaá 3:11

Aníng ni hardáh ar gaanslaay. Tidá' ta koon ooha hhe'eeseek, as kahhó' hee slamaangók munguwa hayóh.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.