Geehhoeemaá 14:6 - Biblía Axweesantá Hhohho' ar Mungú 2004

⁶ Malaykamoó hatlá' nguri malé ár, i gáwtí dirii' baraá tla/ángw doori. Malaykamoowí i Ya/abtór hhó' kón ar alhhe'eesay wasl, ar i alki/ituú ay dír múk baraá yaamuú wa hoót, dír umuúqo xoorooro nee tlahhaywo nee umuúqo tsifriro nee muko.

Ya/abtór hho' 1977

⁶ Malaykamoó hatlá' nguri malé ár, i gawtí dirii' baraá tla/ángw doori. Malaykamoowí i Ya/abtór hhó' kón ar alhhe'eesay wasl, ar i alki/ituú ay dír múk baraá yaamuú wa hoót, dír umuúqo xoorooro nee tlahhaywo nee umuúqo tsifriro nee muko.

Geehhoeemaá 14:6 Iomraidhean Croise

IIMU/UUNGW 1:6

Mungú iri oó', «Kaandaftá gawit i tleehharut baraá tla/ángw ma'aay, as ma'aay ngiwa paratl.»

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

WARA'AMI 119:142

Gan'amuuwók an gan'amuú alhhe'eesay wásl, nee dabeerók ar ló'.

WARA'AMI 139:24

Áx tsee/aarimáng baraaeene, adór nir hoot i qoónda? Aníng geerahaaráng amór loohidá' amoorók kaw.

WARA'AMI 145:13

Waawuti'iimarók i alhhe'eesoó koondaaká, nee baalirók in kumít qari sleémeero. AAKOÓ MUNGÚ ar aa oó' sleémeero ga hardahaas. Nee ku gurhhoó' baraá tidaádá' sleémeero i tlehhiiti.

ISAYA 40:8

Gitso in kát, nee /ayo iri /óts, ala axweesantá Munguúrén in hotaatiín ay alhhe'eesay wasle.»

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 51:6

Gawaá doori i qaytsitaak, daanduú yaamu xuxuaak, asma doori i waaraahhiyá' adór quui, yaamu i feehhamiitiyá' adór inqwaarír qaren awa baraadá' hootá' i qatliyá' adór naanaga. Ala ba/amar'eé' in kumaamít ay kureeraá kureér, nee gweeramor'eé' i alhhe'eesoó koondaaká.

ISAYA 51:8

Inooín ki /aay nee sisibú adór tlawuú qarén, tlusá gi /aay adór kaahari. Ala ba/amar'eé' in kumaamít ay kureeraá kureér, nee ba/amar'eé' ar ni huuw ar qari sleémeero.

ISAYA 6:2

Sagadiyuusér Mungú ar ta bay Seraáfi i gáwtií dirí' dír kitangwdae, umuú seraáfamoowo hhampe'eeri ngi koon lahhoó', hhampe'eeraá tsare gitsee/aawós gina tuuntuúk, nee awa tsare ya'aawós gina tuuntuúk, nee awa tsár gin ar gáwtí /akumiit.

ESEKIELI 1:14

Muruuwí slaáf ina amoorí nee taqá' xuaxuú' adór mankartá wer'eeliim.

DANIELI 4:1

«Anuú waawutmo Nebukadnesa kuungá' xoordu sleémeero nee tlahh'i sleémeero nee tsifri sleémeero ar gawaá daanduú yaamu sleémeero gooír naa gooiím ngi ya/aáw amorhúng. Aníng kuungá' nun waydú yaariír i slaá'.

DANIELI 9:21

heedaádá' ta bay Gabrieli, kudá' aáng naa geerií ár baraá iigu'utuwo, niri gaanslár /eét ay didá' aníng nay dirii'. Qoomaadá' an qoomár ilahhooár muruú ta tsu/i ar tsiindo kawa hanmaamisi.

Matayo 10:27

Tidá' án naa dirhúng i axweés baraá giwtír wa ale, kuungá' na dír gwa/aát wa ooaak. Nee tidá' tinda saasaáhh ooaro, kuungá' gawaá daandeemaá maraay tiwa alki/ite'.

Marko 16:15

Aluuwo Yesu giri báy, «Tlawsé' baraá yaamu sleémeero, Ya/abtór hho' alki/iitaak dír muu sleémeero.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

1 Petro 1:25

Ala axweesantá Aako in hotaatiín ay alhhe'eesay wasle.» Axweesantí an Ya/abtór hho', tidá' tinda dirhúngií alki/iít.

Geehhoeemaá 10:11

Aluudae aníng tiri báy, «Gár kuúng tuwa hariím an malé aariín daanduú múk yaariire, nee daanduú xoordaá yaariire nee slám daanduú tsifrír yaariire nee waawitú yaariire.»

Geehhoeemaá 10:7

Ala de'emaá malaykamooduú faanqw tarumbeétarós ngiwa ufahhan naaqór Mungú i bó/, tidá' taa alki/iít nee sagadiyuuseerós tidár aaruuse.»

Geehhoeemaá 13:7

Slám kari ya/án as iwa slaqw nee múk hhohhó' oo Mungú nee nguwa ar ba/. Aleesleemu guri sleér gawaá umuúqo tlahhaywo nee umuúqo muko nee tsifriro nee umuúqo xoorooro.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.

Geehhoeemaá 8:13

Aníng gwareesi ngiri ár ar tlatlaw baraá tla/ángw doorír alé, ngiri axaás i tseeamiín ar afór ur, i kat, «Múk baraá yaamuú wa hoót, a tsaxwaaín, a tsaxwaaín, a tsaxwaaín, qoomár malaykeedá' tám aa meti tarumbeetaduuín binga ufáhh. Asma malaykeedá' taa amohhe'és kiwa ufaahhi.»