Geehhoeemaá 14:4 - Biblía Axweesantá Hhohho' ar Mungú 2004

⁴ Mukwí an kudá' taa slasla/aareemisiiká ar /ameena. Inooín taa duuxuxunká. Inooín Deelmoó bee/i kun eeharahaar amór inós iqo kaya. Inooín kaa tlaáxw baraá múk wa ale as tawa bu'úngw geera oo Mungú nee oo Deelmoó bee/i.

Ya/abtór hho' 1977

⁴ Mukwí an kudá' taa slasla/aareemisiiká dír /ameenaaro. Inooín taa duuxuxunká. Inooín Deelmoó bee/i kun eeharahaar amór inós iqo kaya. Inooín kaa tlaáxw baraá múk wa ale as tawa bu'úngw geera oo Mungú nee oo Deelmoó bee/i.

Geehhoeemaá 14:4 Iomraidhean Croise

WARA'AMI 45:14

Kay huuw amór waawutmo ar tlabaawós kudá' taa parootuús. Nee /amaatliitedár mulqeerós iri eehariín aluuwós wa ale.

WARA'AMI 74:2

Inslaweek mukdá' taa iimír aáng wa tsawát, xooroodá' taa ba/amís as tawa aalirók. Inslaweek tloomár Siyoni, tidá' taa dír hotaawók tléhh.

DAA'AANGW 1:3

Mooyángw di/tók tidár slikiingw naa tláy, Umuuwók a adór mooyángw taa tsipipi'iís, an gár /ameena kuúng us sla'.

DAA'AANGW 6:8

/Ameenár waawitá ka koon a mibeeri lahhoó', /ameenár quturmo waslen a mibeeri dakaát, nee dasu faarooro ku aleeslayká.

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

Matayo 19:12

Asma muu i deer oo duuxo ga aleeslawaaká, asma kuna adoodár tleéhh iimír kuwa laqwaali. Múk hatlá' i deer oo duuxo ga aleeslawaaká asma kuna adoodár tleéhh ar dabér muu. Kooko sleeme duuxo ga máy asma waawuti'iimár doori. Múk intsaahhastí ilaooharo ga aleesláw ngi ilaoohi.»

Matayo 25:1

«Qoomaadae waawuti'iimár doori a slaqas nee dasuú mibaangw oo taa'aduuín gaa oh, tari tláy as heé duuxuuxuúm kuwa al'ay.

Matayo 8:19

Intsaahhatusmooko wák oo hara'ayár Mose guri i daqáy guri báy, «Intsaahhatusámo, án kuúng u eehár umuúqo dír ta keera.»

Yohana 10:27

Bee/angw'eé' afor'eé' ga iiárií qamín. Aníng u xuú', nee inós aníng i eeharahaar.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 13:37

Petro iri oó', «Aáko, asma milá án kuúng eeharto mus aleeslawaaká hamí? Aníng slafingw'eé' u haniís as daanduuwók.»

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

1 Korinto 6:20

Asma inós kuungá' nuna tlaáxw ar tlaxór ur. Gawaá adoorihe, kuungá' Mungú xirfayeemisaak ar slaqoohúng.

1 Korinto 7:28

Ala bar aga duuxuún sleeme, tlakweema iga tlehhiká. Nee dasi bar kana duúx, tlakweema gaa tlehhiká. Tam adoorihe múk adór kwí slahh'amaaye ga sláy baraá slafingw'ine, nee aníng gár ni slaa' a kuungá' slahh'amaayeerí masók a sleera'aaká.

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

Efeso 1:14

Qeeruuwí an arhaánír aalirén. Inós ngin xu'utimis dirén i aleeró adór ateédaá mukós tir gweeri. Gawaá adoorihe inós kuri xirfayees.

Efeso 5:27

Asma inós gár i slai a múk hhohhó' gun sláy, oo dakuús wásl, kudá' gár slasla/aar ga koomaaká, laqaá muruú tlákw oo dimbadimbé oo adór kwí, masók an múk hhohhó' oo xaslxaanslír koomaaká.

1 Timoteo 4:3

Mukwí in intsaahhatimis iwa kaahi, «Duuxo ka tlaakw.» Slám ta kaahi, «Muruú /aymarka ku tlaákw /aymaaro.» Ala Mungú muruú /ayma sleémeero guna tleéhh as kuwa /ayi ar sluufaay nee mukdá' aa haratlintii', kudá' looeema gaa tsaahh.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 21:22

Ala Doó Mungú oo naa ár baraá gixsadae i kaahh. Asma Aakoó Munguú Aleesleemusmoó mura' sleémeero, nee Deelmoó bee/i, an Doó Mungú oo gixsadá'.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.

Geehhoeemaá 3:4

Ala kuúng múk niiná u koón baraá Sardero, oo tlabaaín gaa slasla/areemisiiká. Inooín ta al hi'iimiit nee aníng, tlabaaín awa /awak kaa dahaás, asma inooín i hariná'.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.