Geehhoeemaá 14:3 - Biblía Axweesantá Hhohho' ar Mungú 2004

³ Inooín daa'ángw /abén kuna daá' dír geeraá kitangwduú aleesleemuú wa ale, nee dír geeraá muruudá' slaáf oo tsiyáhh, nee dír geeraá bariiseedá'. Ala heé daa'angwdá' intsaahharo gwa aleeslay i kaahh, aqo har mukduú kume tsiiruú wák nee mibeeri tsiyáhh nee tsiyáhh, kudá' taa tlaáxw baraá yaamuú wa ale.

Ya/abtór hho' 1977

³ Inooín daa'ángw /abén kuna daá' dír geerá kitangwduú aleesleemuú wa ale, nee dír geerá muruudá' slaáf oo tsiyáhh, nee dír geerá bariiseedá'. Ala heé daa'angwdá' intsaahharo gwa aleeslay i kaahh, aqo har mukdá' kume tsiiruú wák nee mibeeri tsiyáhh nee tsiyáhh, kudá' taa tlaáxw baraá yaamuú wa ale.

Geehhoeemaá 14:3 Iomraidhean Croise

WARA'AMI 144:9

Mungú waáy, án kuúng u daa'ángw /abén i daá', nguri daá' ar seésér hhutleemaá mibaangw.

WARA'AMI 149:1

AAKOÓ MUNGÚ xirfayeesaak! AAKOÓ MUNGÚ daa'ángw /abén i daa'aak, Xirfuuwós i baraá dinku'uumár múk inkihhím dír Munguhe.

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

WARA'AMI 33:3

i daa'aak ar daa'ángw /abén, baraa/é', daa'aangw tsu'usaak ar seése.

WARA'AMI 40:3

Daa'ángw /abén nguna intsaahhatís dir'eéni alé, oo xirfuú Munguúrén, múk yaariír adoorí gari ar, nee tay da'ayuut, naagáy AAKOÓ MUNGÚ kway harahhiif.

WARA'AMI 96:1

AAKOÓ MUNGÚ daa'ángw /abén i daa'aak, yaamu sleémeero AAKOÓ MUNGÚ i daa'aak.

WARA'AMI 98:1

AAKOÓ MUNGÚ i daa'aak ar daa'ángw /abén, asma muruú waa/oo/amo guna tleéhh, ar dakós oo doó /iyayhe nee kudá' hhohhooe, inós iri baalín.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

1 Korinto 1:18

Asma kángw msalaába dír mukdá' qwaqwadiima a dakti'iima, ala dír ateéká' ta ba/amiimisi a /uuruú Mungú.

1 Korinto 2:14

Heé Qeeruú Mungú gu koomaaká, muruuduú Qeeruú Mungú gu ilaoohiiká. Asma muruudá' dirose a adór daktu'uuma nee slám tsaahharo gu aleeslayká. Asma muruudá' gár kur tsatsahhan a Qeeruú Mungú.

Geehhoeemaá 14:1

Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.

Geehhoeemaá 7:4

Mukdá' taa layár i qamín aníng faaror'ín ana axamiís. Faaror'ín a múk kume tsiiruú wák nee mibeeraá tsiyáhh nee tsiyáhh oo taa layár i qamín baraá tlahhi'iidaá múk Israeliwo.