Geehhoeemaá 14:15 - Biblía Axweesantá Hhohho' ar Mungú 2004

¹⁵ Malaykamoó hatlá' niri baraá Doó Mungú wa ti'iít, iri tseeamín ar afór ur amór kudá' aa iwiit gawaá huunkidá' guri báy, «Tsataywók taataahheek, ar bu'uumeek, asma qoomár bu'uungw aa xeér, asma balángw baraá yaamu aa ló'wa hamaár.»

Ya/abtór hho' 1977

¹⁵ Malaykamoó hatlá' niri ti'iít baraá Doó Mungú wa ale, iri tseeamín ar afór ur amór kudá' aa iwiit gawaá hunkidá' i alé iri oó', “Tsataywók taataahheek, ar bu'uumeek, asma qoomár bu'uungw aa xeér, asma balángw baraá yaamu aa hamaár.”

Geehhoeemaá 14:15 Iomraidhean Croise

IIMU/UUNGW 15:6

Abramu AAKOÓ MUNGÚ guri haratlintií', Mungú Abramu guri gan'amií harafaár as haratlintaaoorí.

ISAYA 62:1

Har daanduú Siyoniro a baloó xaslitaaká, nee daanduú Yerusalemuro a baloó hungu/usaaká, ay dír gan'amuuwós nay geehhoouy adór gwa/aateemaá wa ale, nee ay dír ba/amarós i mitsihh adór tsaa'astá wa alé

YEREMIA 51:33

AAKOÓ MUNGÚ Aleesleemusmo, Munguú Israeli, i kaahi, «Babuloni a adór afeenír balaangw muxta, qoomár barta balángw muux. Ala deelór niiná i sí', nee qoomár bu'uungw ni hardát.

Yoeli 3:13

Gimsé', tsati'i amohhe'eesaak, asma bu'uungw aa hamaár. Qwalaasé', dahé', tsoo/aak, asma xooslmoodá' ta sabiíbií tsoo/iti aa haáts nee daraami'iiwo, asma tlakweemá xoordu ki ló' wa ur, adór daraámu aa waa/.

Matayo 13:30

Mawaagáy sleémeero ay dír i uraaraya' nee dír qoomár bu'uungw ni xeer. Daqaní qoomár bu'uungo aníng mukdá' bu'uúm un baw, «Sla/a ala tu/aak, daqaní ka dinkwárií tsegá', nee ka kwahhá' baraá asla. Daqaní angaáno ku baraá meewér'eéní burumbudá'.› »

Matayo 13:39

Wakusmoodá' aa dahaasin a Neetlaangw. Bu'uungw a alhhe'eesoó yaamu. Nee mukdá' bu'uúm a malayke.

Matayo 23:32

Gimsé', qoomayduú baabi'iihúng naa iimu/uné' hatsiisaak.

Marko 4:29

Balaangw iwa haamaár, tsataay guri óh, asma bu'uungw aa xáy.»

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

Geehhoeemaá 13:12

Makiito'oorí aleesleemuudá' sleémeero oo makiito'oodár geera gun ar gadiyús dír geeraá makiito'oodár geeraá wa ale. Makiito'oorí yaamu gina harakeemís, nee múk baraá yaamuú wa hoót sleémeero, as makiito'oodár geera kawa i tumbarara'ati. Tidá' tliqsantá gwa'ara gaa sleer, iri hungú/.

Geehhoeemaá 14:14

Aluuwo aníng niri qaytsiít, huunkír /awaak ngiri ár. Nee gawaá huunkirihe oo wák aa iwiít. Inós a adór Garmoó hee. Gawaá sagose gár i kon a slamángw sahaábu, nee baraá dakose gár i kon a tsatoó xaraásl oo tsaaráy.

Geehhoeemaá 14:16

Nee kudá' aa iwiit gawaá huunki, tsataywós guri ya/aáw baraá yaamu, yaamu kiri bu'ún.

Geehhoeemaá 14:17

Malaykamoó hatlá' niri baraá Doó Mungú wa ti'iít, do'duú gawaá doorií dirií'. Malaykamoowí sleeme i tsatoó xaraásl kón oo tsaaráy.

Geehhoeemaá 14:18

Aluuwo malaykamoó hatlá' niri baraá kitángw ilahhooár wa ti'iít. Malaykamoowí a kudá' aleesleemuú asltá koóm. Kwí iri tseé' ar afór ur amór kudá' tsatoó xaraásl koóm, iri oó', «Tsataywók kudá' xaraásl taataahheek, /ar'aá mamaá xa'anooduú sabiíbu oo baraá yaamu bu'uumeek, asma mamaá sabiíbu naa ló'wa hamaariyé'.»

Geehhoeemaá 15:6

Malaykeedá' faanqw, tidá' muxtaadá' faánqw koom, niri ti'ít baraá Doó Mungú wa ale. Inooín kaa tsiitimiís ar inqwaruú /awák oo taa tleéhh ar kitaánír hhohho'. Nee slám him'ér sahaábu ngaa da/eewer'ínií tsegiitiyé'.

Geehhoeemaá 16:17

Malaykamoó faanqw slooqomoowós guri gáwtí tsifaaqaás. Afór ur niri baraá Doó Mungú dáhh baraá kitangwduú aleesleemu. Afoorí iri ó', «Aa tleehharút.»

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»