Geehhoeemaá 14:14 - Biblía Axweesantá Hhohho' ar Mungú 2004

¹⁴ Aluuwo aníng niri qaytsiít, huunkír /awaak ngiri ár. Nee gawaá huunkirihe oo wák aa iwiít. Inós a adór Garmoó hee. Gawaá sagose gár i kon a slamángw sahaábu, nee baraá dakose gár i kon a tsatoó xaraásl oo tsaaráy.

Ya/abtór hho' 1977

¹⁴ Aníng niri qaytsiít, hunkír /awaak ngiri ár. Nee gawaá hunkirihe oo wák aa iwiít. Inós a adór Garmoó hee. Gawaá sagose gár i kon a slamángw miisli, nee baraá dakose gár i kon a tsatoó xaraásl.

Geehhoeemaá 14:14 Iomraidhean Croise

WARA'AMI 21:3

Una i hardát ar tsuuqaá hho', sagós ugwa slamángw sahaábuú hhoohhoó' i dahás.

WARA'AMI 97:2

Huunkoó bó/ oo qoomár ma/mi Aakoó Mungú gwaa harweér, hhooeema nee sakwasleemár ganaa' an iimu/úngw waawuti'iimarós.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ESEKIELI 1:26

Gawaá daanduú gaarihe gár adór slaqsoó kitángw waawuti'iima ana ár, kalaywós a adór kuduú yakútír sirboo/, slaqsoó adór hee aa gawaadá' i iwiít.

DANIELI 7:13

«Baraá iigu'utuú xweeraawo naxés, hee una ár oo slaqás adór garmoó Hee, naa hardáh ar gawaá huunkáy, iri hardáh dír aakoodá' daadáw kureerisleém, nguri dír geeraawós huwiyé'.

Matayo 13:30

Mawaagáy sleémeero ay dír i uraaraya' nee dír qoomár bu'uungw ni xeer. Daqaní qoomár bu'uungo aníng mukdá' bu'uúm un baw, «Sla/a ala tu/aak, daqaní ka dinkwárií tsegá', nee ka kwahhá' baraá asla. Daqaní angaáno ku baraá meewér'eéní burumbudá'.› »

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Marko 4:29

Balaangw iwa haamaár, tsataay guri óh, asma bu'uungw aa xáy.»

Luka 21:27

Aluuwo Garmoó Hee kuri ar niwa hardihi ar /uuruuwós nee xirfuú yaariír.

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.

Geehhoeemaá 1:13

Nee baraá tla/ángw kiteeridá' tsaa'asór kooma'a, heeko una ár oo adór slaqsoó garmoó hee. Hiyoó naa dahaás aa hardáh ay baraá ya'a', nee himuú sahaábu gwaa gawaá da/eewawósií tseék.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.

Geehhoeemaá 10:1

Malaykamoó hatlá' nguri ár oo aleesleemuú koóm, i awdiit gawaá doorí wa ale, kwaa tsiitiís ar huunkáy. Nee gár gawaá sagós i dirii' a ga/alér tluwaay. Slám gitsee/awós a adór tsee/amá. Nee ya'aawós a adór uheemaá asla.

Geehhoeemaá 11:17

tari oín, «Atén kuúng u sluufmiisaán, Aakoó Munguú Aleesleemusmoó mura' sleémeero. Kuúng a kudá' dáw nee kudá' qaroó daadáw iimír aange sleeme. Asma kuúng aleesleemuuwók kudá' úr ugwa ót nee aga waawuti'iín.

Geehhoeemaá 19:12

Ilaawós a adór tsángw asla, nee gár gawaá sagós a slam'aá yaariir. Inós kwaa umií gooín oo hee i xuiiká, aqo har inós kilós.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 6:2

Aníng niri qaytsiít, faraásír /awaak ana ár. Heé faraásidá' gaa i tsa/an i ga/alér kón. Nee inós kuri slamángw i haniís. Iri ti'iít ar baali, nee iri baalír áy.