Geehhoeemaá 14:13 - Biblía Axweesantá Hhohho' ar Mungú 2004

¹³ Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»

Ya/abtór hho' 1977

¹³ Aluuwo afór gawaá dooraá daahh ngiri axaás i kat, “Gooiimeek, ‘Múk amohhoó' a kudá' qaátl baraá Aakoó i alé iimír hamí.’” Qeeru iri oó', “A ló', asma inooín ta hunguu/ alaá daawitimer'ine. Asma mamaá tlehhemi'ii'ín ti alkoná' nee inooín.”

Geehhoeemaá 14:13 Iomraidhean Croise

WARA'AMI 19:11

Aníng sagadiyusmoowók ti intsaahhatimis nee dabér AAKOÓ MUNGÚ, dabeerós bara iialooeés, qeemuú úr u sláw.

WARA'AMI 85:13

Gan'amu geeraá Mungú gi haar, nee loohír waarahhamuuwós gari amohhe'ees.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

DANIELI 12:13

«Ala kuúng, aá Danieli, tláw, hoót ay dír tay gwa', ta hungu/ús baraá /aanta, nee qoomaadá' birna xeér, tu waslee/atis, nee turi aalirók i haniis.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Luka 16:25

«Abrahamu iri oó', ‹Garmaaeé', inslaweek adór kuúng muruú hhó' baraá yaamuwo kura sleér oo slafíngw baraá yaamu, ala Lasaro gár aa sláy a liitlakwe. Daxta inós hamí i diirí, ku gurkwa/amis, kuúng tu slahh'emiis.

Luka 16:9

«Án a kah, daqaari'iimár baraá yaamu ar gadiyuusaak as mulqe kawa sleera'. Daqaari'iima bira fák, mulqeedá' daqaní nu ilaót baraá hotaá kureerisleeme.

Rumi 14:8

Asma atén bar hootaán, an hootaán as Aako, nee bar qatlaán, an qatlaán as Aako. Gawaá adoorihe atén bar hootaán laqaá bara qatlaán, atén a múk Aako.

1 Korinto 15:18

Nee barnaxes a adoorí, mukdaádá' aa qaatl oo Kristo gwa haratlintii', inooín daqaní taa hhán.

1 Korinto 15:20

Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

2 korinto 5:8

Atén haraxu'uti a ló'wa koomaán, nee gár ta sla'aan ló'wa ale a masók hotaangwí oo slaqoorén kuwa mawaan, tari hootaá awaán dír Aako.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

1 Tesalonike 4:14

Asma atén aga haratlintiaán adór Yesu ira gwaá', niri waasleé/. Gawaá adoorihe tí sleeme a haratlintatiaán adór mukdá' aa qaatl oo Yesu gwa haratlintii', Mungú ngur huúw dinkwa nee Yesu.

1 Tesalonike 4:16

Asma Aako inósuú kilá' i aweer gawaá doorí wa ale, afór ur ar hara'aya kari axaas, nee afór malaykamoó úr, nee afór tarumbeétár Mungú kari axaas. Mukdá' Kristo gwa haratlintii', kudá' aa qaatl kuri geerií waaslee/atis.

1 Tesalonike 5:10

Inós atén tina sa gwaá', as atén tawa hootaan dinkwa nee inós, barnaxes a slafaán laqaá barnaxes aga qatlaán.

1 Timoteo 5:24

Tlakweemaá muu bahh'alé ki gehho', nee tlakweemaaín naa geerií hardihiyé' dír kwasleema ta inooine. Bahh'alé tlakweemaaín ki getlakw, ala i aluú wa geehhoouyá'.

1 Timoteo 5:25

Gawaá adoorihe tlehhema'aá hho' sleeme ki gehho'. Ala tam kudá' gehhoeká ki aleeslayká lu/uto.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 10:4

Qoomár kududuhoó faanqw iwa hhe'eés kududuhaywo, aníng ana slaá' /aymi'iidá' ngiwa gooiim. Afór dooraá daahh ana axaás, i kat, «Aymi'iisíng taa axweés nee kududuhoó faanqw dugnií qaaseek ki lú/, mi gooiimaar.»

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

Geehhoeemaá 16:17

Malaykamoó faanqw slooqomoowós guri gáwtí tsifaaqaás. Afór ur niri baraá Doó Mungú dáhh baraá kitangwduú aleesleemu. Afoorí iri ó', «Aa tleehharút.»

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»

Geehhoeemaá 2:1

«Kaangwí gooiimeek amór malaykamooduú múk kríshaanáy oo baraá Efesór i dirií', «Axweesantí dír i dahh an dír kudá' tsatse/uú faanqw gwa oh ar dakós oo doó /iyáy, kudá' hi'iimiít baraá tla/ángw kiteeridá' faanqw awa sahaábu awa tsaa'asór koomá'.

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 20:6

Heé amohhoó' nee heé hhoohhoó' a kudá' dáw baraá waasle/uú geeraawo. Gawaá mukwihe gwa'arár tsár i /uuruú koondaaká. Ala inooín tari kaahamuusér Mungú nee ar Kristo. Nee slám inooín tari waawuti'ii'ín dinkwa nee inós kureeraá kumuú wake.

Geehhoeemaá 21:5

Kudá' aa iwiit gawaá kitangwduú aleesleemu iri oó', «Ga/aaweek, aníng mura' sleémeero u /abeemií ki/ís.» Nee iri malé báy, «Gooimeek. Asma /aymi'iiká' a /ayma'aá ló' nee awa hariimá' haratlintaaooro.»

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.

Geehhoeemaá 6:11

Umuúqo heewo baraaine kuri hiyoó tleér i haniís oo /awaák. Kiri báy, «Kuungá' iwiiwité', deelór niiná kilós i káhh, ay dír faarór sagadiyuusér adór kuungá' nee ar hhaeehúng i bo/, kudá' ta tsu/i adoodá' kuungá' tundura tsuú/.»