Geehhoeemaá 14:12 - Biblía Axweesantá Hhohho' ar Mungú 2004

¹² Baraá kaangwihe múk hhohhó' oo Mungú, kudá' hara'ayár Mungú gaa oh nee oo aa kumiit Yesu haratlintaaooro, inooín gár kiwa hariím a qitla.

Ya/abtór hho' 1977

¹² Baraá kaangwihe múk hhohhó' oo Mungú, kudá' hara'ayár Mungú gaa oh nee oo aa kumiit Yesu haratlintaaooro, inooín gár ta slai a qitla.

Geehhoeemaá 14:12 Iomraidhean Croise

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.

1 Yohana 2:3

Hara'ayaarós bara oohaán, daqaní aga tsaahhaán adór kura xuaán.

Geehhoeemaá 12:17

Dayshamoodá' /ameenidá' gari i buúhh, iri slaqwarár áy dír xwaylár /ameenidá', tidá' aa met. Inooín a mukdá' hara'ayár Mungú gaa oh, nee a mukduú lamabu'úngw Yesu gu koóm.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

Geehhoeemaá 3:8

Aníng kángw tlehhemi'iiwók u xuú'. Qaytsiít, aníng afkú do' oo taa gweér ngwa qaás dír geeraawók i alé, ala heé tseegamooro gu aleesláw i kaahh. Aníng a xuú' kuúng /uuruú niiná u koón, nee slám kuúng axweesante'eé' aga ót, nee aníng iga si'iká.