Geehhoeemaá 14:1 - Biblía Axweesantá Hhohho' ar Mungú 2004

¹ Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.

Ya/abtór hho' 1977

¹ Aníng niri qaytsiít, Deelmoó bee/i nguri ár aa sihhiít gawaá tloomár Sayuni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.

Geehhoeemaá 14:1 Iomraidhean Croise

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

ISAYA 49:14

Ala múk Siyoni ta kaahi, «AAKOÓ MUNGÚ taa geexáy, Aakoorén atén taa gunqaareés.»

YEREMIA 1:11

Axweesantá AAKOÓ MUNGÚ ana axaás i kat, «Yeremía, gár taa aán?» Aníng niri oó', «Halmír naa harma/ ar xa'anoó ta bay mloósi ana ár.»

ESEKIELI 1:4

Qoomár niwa qaytsiít, bambaaór tluwoó koom ar /iikú daahh ana ár. Huunkír ur kaa harweér nee mankarór wer'eliim, nee ar asltá bir'eeliim qooma sleémeerowo ana ár. Baraá tla/ángw asltadae naxés gár qwiirii/ adór muqslír sirdaa/aat i baraadií dirí'.

ESEKIELI 10:1

Aluuwo niwa gawaá doorií qaytsiít, gawaá sagér hhampe'eeraá keruúbi, gár sir/awaak ar slaqmís tlehhemko nee kitángw waawuti'iima ana ár.

ESEKIELI 10:9

Ana qaytsiít, /angeegéuú tsiyáhh nguri ár, /angegeeamoó wák i bihhaá keruúbi. /Angeegéuuwí i ló'wa qwiirii/ adór tlaa/anoó miislír /awaak.

ESEKIELI 2:9

Qoomár niwa qaytsiít, naxés dawa kunga amor'eé' i looloqoós, nee laatí i kitaábuú taa gooín kón.

ESEKIELI 44:4

Aníng iri huúw dír geeraá Doó Mungú ar loohír bihhaá /iya. Niwa qaytsiít xirfuú AAKOÓ MUNGÚ una ár, Doó AAKOÓ MUNGÚ gwaa hatsiís. Aníng niri tumbarara'aát, giti ngiri yaamúr óh.

ESEKIELI 8:7

Aluuwo iri ar tláy ay dír afkú afeeni. Niwa qaytsiít fooxa ngiri baraá koo/írií ár.

ESEKIELI 9:4

guri báy, «Waaraáhh ar baraá tla/ángw gixsár Yerusalemu, laya qaaseek gawaá gitsee/ér mukdá' gurhamuút nee oo /aa/amiím as muruudá' slasla/arén sleémeero ta tlehhiiti baraá gixsarihe.»

DANIELI 12:5

«Aluuwo anuú Danieli ana qaytsiít, múk tsár aa sihhiít dír gangeefír yaae, oo wák i bartí nee oo tsár i gayuuqá' i dirii'.

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

AMOS 8:2

AAKO aníng iri báy, «Ámos, gár taa aán?» Aníng niri oó', «Gár naa ár a lakwaantír mamaá naa hamaariye' gi koom.» AAKOÓ MUNGÚ iri báy, «Alhhe'eesoó muk'eé' oo Israeli naa hardáh, aníng tlakweemaaín i malé gurtlawaaká.

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

SEKARIA 4:2

Aníng iri yaahaás, iri báy, «Gár ta ara'aan a milá?» Án niri oó', «Gár naa ár a kitángw tsaa'asi kay qamin oo taa tleéhh ar sahaábu, gawaawose i búklír kón, nee tsaa'asór faanqw gawaawose taámboó faanqw i deer oo di/tá huwahuúw amór tsaa'asoodá'.

Luka 12:8

«Án a kah, heé aníng iga lamabu'un dír geeraá muko, inós ku ya/án nee Garmoó Hee dír geeraá malaykér Munguhe.

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

Geehhoeemaá 14:14

Aluuwo aníng niri qaytsiít, huunkír /awaak ngiri ár. Nee gawaá huunkirihe oo wák aa iwiít. Inós a adór Garmoó hee. Gawaá sagose gár i kon a slamángw sahaábu, nee baraá dakose gár i kon a tsatoó xaraásl oo tsaaráy.

Geehhoeemaá 14:3

Inooín daa'ángw /abén kuna daá' dír geeraá kitangwduú aleesleemuú wa ale, nee dír geeraá muruudá' slaáf oo tsiyáhh, nee dír geeraá bariiseedá'. Ala heé daa'angwdá' intsaahharo gwa aleeslay i kaahh, aqo har mukduú kume tsiiruú wák nee mibeeri tsiyáhh nee tsiyáhh, kudá' taa tlaáxw baraá yaamuú wa ale.

Geehhoeemaá 15:5

Alaá muruuwihe niri qaytsiít, Doó Mungú nguri ár, kuwa gweér. Do'wí a heémadár lamabu'uungw, tidár gawaá doorií dirii'.

Geehhoeemaá 22:4

Inooín gitsee/awós ngi ga/ayá', nee umuuwós kwaa gawaá gitsee/er'ín i gooín.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

Geehhoeemaá 4:1

Alaá muruuwí sleémeerowo aníng niri malé qaytsiít, nee ga/aaweek, afkú doó taa gweér una ár gawaá dooriiwo. Nee afoodá' aa axwes nee aníng qoomaadár geeraawo, tidár adór tarumbeéta, aníng iri beér, «Amoorí tsa/amang, nee muruudá' aluú wa hardáh, aníng ngu dirógií laqaám.»

Geehhoeemaá 6:8

Aníng niri qaytsiít, faraásír hatlá' ngiri ár ar baabahay. Heé faraásirí gaa i tsa/an umuuwós a Gwa'ara, gi'i nee inós tina al koomakoné'. Inooín kiri aleesleemuú i haniís baraá yaamuwo daanduú barakár wák baraá baduudá' tsiyahhawo, as muu kuwa tsu/i ar paánga, nee ar giyeé nee ar pu/i, nee ar makaá xaraaslá' awa baraaká' yaamu.