Geehhoeemaá 13:8 - Biblía Axweesantá Hhohho' ar Mungú 2004

⁸ Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Ya/abtór hho' 1977

⁸ Muu sleémeero oo baraá yaamuú wa hoót makito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuuwo. Kitaábuuwí oo slafiingw a oo Deelmoó bee/i, kudá' taa gaás.

Geehhoeemaá 13:8 Iomraidhean Croise

IIMU/UUNGW 22:7

Isaka iri oó' dír baabuúwós i ale, «Baabá». Abrahamu iri oó', «Aníng a diirí, garmaaeé'.» Isaka iri oó', «Qaytsiít, migír nee aslto i koomaán, ala deelmoó bee/i oo ta gaasaan as ilahhooadá' ta da/i i amá?»

WARA'AMI 69:28

Xaa fiitseek baraá kitaábuú slafiingo, tam mikiwa gooín dinkwa nee múk hota ganaá'.

TI'INAANGW 32:32

Na'ás, tlakweemaaín gurtlaweek, ala barnaxes i gurtleeraaká, umuueé' fiitseek baraá kitaábuudá' umér mukók ki gooiindi.»

ISAYA 4:3

Slám panaydá' aa Siyónírí meet nee kudá' taa geexáy baraá Yerusalemu, kin bay, «Múk hhohhó' oo Mungú.» Kuká' an kudá' taa gooín baraá kitaábuuwós tawa múk baraá Yerusalemúr wa hoót.

DANIELI 12:1

«Qoomaarihe Mikaeli, malaykamoó úr kuduú xuumusmoó mukók ni hardah. Qoomaadae slahh'amuú ló'wa yaariír i iimu/ún baraá yaamuwo oo aa baloó deerutiiká iimír xoordu niwa iimu/uné'. Ala qoomaarihe baraá mukoge, mukdá' taa ume gooín baraá kitaábuú slafiingw ku ba/amis.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Luka 10:20

Ala ma qwalaala/aara' as adoodá' neetlaame nuwa ilaiwaawa/. Ala na qwalaala/é' as umerhúng kawa gooín gawaá dooriiwo.»

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Geehhoeemaá 12:15

Dayshamoodá' ma'aá adór yaae giri baraá afkós wa waá/ alaá /ameenidá' wa ale, as yaaeedá' /ameeni ngiwa hayot.

Geehhoeemaá 13:12

Makiito'oorí aleesleemuudá' sleémeero oo makiito'oodár geera gun ar gadiyús dír geeraá makiito'oodár geeraá wa ale. Makiito'oorí yaamu gina harakeemís, nee múk baraá yaamuú wa hoót sleémeero, as makiito'oodár geera kawa i tumbarara'ati. Tidá' tliqsantá gwa'ara gaa sleer, iri hungú/.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

Geehhoeemaá 3:20

Ga/aaweek, aníng a sihhimiít afkú dó' wa ale, a ateetiím. Hee barnaxes afor'eé' gaa axaás, nee afkú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.

Geehhoeemaá 5:12

Inooín tari daá' ar afór ur ta kaahi, «Deelmoó bee/i, kudá' taa gaás, inós i harín aleesleemu nguwa slay, nee daqaari'iima, nee sagalooa, nee /uuru, nee xirif, nee ilaiwa/ame nee tsuuqa.»

Geehhoeemaá 5:13

Aluuwo aníng afór mura' sleémeero kudá' taa tleéhh ana axaás, kuduú gawaá doori nee kuduú baraá yaamu, nee tam kuduú baraá guruú yaamu, nee kuduú baraá tlawi sleeme. Muruuwí sleémeero aníng una axamiís tawa daai, ta kaahi, «Kudá' aa iwiit gawaá kitangwduú aleesleemu, nee Deelmoó bee/i, inooín tsuuqa a kooín, nee xirif, nee ilaiwa/ame nee aleesleemu ay alhhe'eesay wasle.»

Geehhoeemaá 6:1

Aluudae Deelmoó bee/i nguri ár qoomár inós dugnooduú geera nguwa gweér baraá dugeenidá' faanqwe. Nee gár wák baraá muruudá' tsiyáhh oo slafa ana axaás i axwés ar afór adór kududuhaay, i kat, «Qwaláng.»