Geehhoeemaá 13:5 - Biblía Axweesantá Hhohho' ar Mungú 2004

⁵ Makiito'oodá' kari afkwí haniís oo /ayma'aá dara/aangw nee awa /ooslisliingw ngiwa axwes. Slám kari aleesleemií haniís oo gadiyeé ngiwa tlehh slahheeri mibeeri tsiyáhh nee tsár.

Ya/abtór hho' 1977

⁵ Makito'oodá' kari afkwá i haniís oo /ayma'aá uren awa /ooslisliingw ngiwa ar axwes. Slám aleesleemu guri sleér oo gadiyeét ngiwa tlehh slahheeri mibeeri tsiyáhh nee tsár.

Geehhoeemaá 13:5 Iomraidhean Croise

WARA'AMI 12:3

AAKOÓ MUNGÚ waaqoduuse ngi xasltisi, nee afér daar/uuse ngi tseegi,

ESEKIELI 35:13

Aníng aga axaás adór tir xirfayeemaamis nee muruú yaariír kur axweemaamis.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 12:12

Múk amohhoó' a kudá' aa qiitl ay deelór kumuú wák nee tsiire tám, nee mibeeri tám nee kooán i waarahh.

DANIELI 7:11

«Qoomaadár kilá' niwa xumiis as /aymi'iidaá daara/aangw awa xarmoodá' niina i kaahi, hamtidár kilá' makiito'oodár tsiyáhh kari gaás, kari hhitín, nee kari daá/ baraá asla.

DANIELI 7:20

Aníng sleeme ana slaá' kángw niiná kunguwa alki/iiti daanduú xareemidaá mibaango, daanduú xarmoó naa aluúwaá ti'iit, slám dír nira ti'iitiká xareemaá tám nina tu/umitiyé'. Xarmoodá' ilaá koóm nee afko, kuduú axweesanoó daara/aangw gwa axwees, nee handá' ku ak úr dír xareemaá hatlae.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

DANIELI 7:8

Qoomár niwa xareemiwós aldakuut, naxés xarmoó wák oo niiná i ti'imiit baraá tla/ángw xareemidá' mibángw wa alé. As xarmoodá' pa/aangw nguwa slay xareemidá' awa tám kina dee/aruuín altu/ún. Ilaá makiito'oodá' a adór kuqaá hee, nee afkose /ayma'aá taqanaa/i ginar axwés.»

DANIELI 8:14

Iri oó', ‹Ar har afiqoomár tsiindo nee matlaatlér kume tsár nee tsiire tám. Ala aluudae daqaní hotaaín Mungú gi adoodár aáng i ki/is.› »

2 Tesalonike 2:3

Umuúqo heewo munduwa al/aáy ar umuúqo loohiro. Asma deeloodá' i hardatká ay dír dee/aanuudá' Mungú kuwa si'i ii iimu/un, nee Heedá' Tlaákw, kudá' ta hhaamisi, ay dír i geehhoouy.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

Geehhoeemaá 11:7

Ala inooín lamabu'ungw'ín bar ngwa hhe'eesiyé', makiito'oodá' baraá bohóngw aa tsarere'eét daahh, iri sláqw nee inooín, nee inooín giri arbá/ giri tsú/.

Geehhoeemaá 12:14

Ala /ameenidá' kari hhampe'eeraá tsár i haniís awa gwareesidá' ur, as inós iwa /akut ay baraá xaanxaay, ay dirós tidá' inós kawa /aymaamisi qoomár kureeraá tám nee tlaqi. Didá' ka saaw dír dayshamoodae.

Geehhoeemaá 12:6

/Ameenidá' iri góp ay baraá xaanxaay. Amoodae dirós kaa amohhe'eés nee Mungú as kawa amoodá' wa /aymiisi deelo kumuú wák nee tsiire tsár nee mibeeri lahhoó'.

Geehhoeemaá 13:7

Slám kari ya/án as iwa slaqw nee múk hhohhó' oo Mungú nee nguwa ar ba/. Aleesleemu guri sleér gawaá umuúqo tlahhaywo nee umuúqo muko nee tsifriro nee umuúqo xoorooro.