Geehhoeemaá 13:4 - Biblía Axweesantá Hhohho' ar Mungú 2004

⁴ Dayshamoodá' úr kuri sluufmiís asma adoodá' makiito'oodá' ngiwa aleesleemuú i haniís. Makiito'oodá' sleeme kari sluufmiís, tari káh, «Heé slaqás nee makiito'oorí a heemá? Nee slám heé makiito'oorí ga aleesláw slaqwaraaro a heemá?»

Ya/abtór hho' 1977

⁴ Dayshimoodá' úr kuri xirfayeemiís asma adoodá' makito'oodá' ngiwa aleesleemuú i haniís. Makito'oodá' sleeme kari xirfayeemiís, tari káh, “Heé slaqás nee makito'oorí a heemá? Nee slám heé makito'oorí ga aleesláw slaqwaraaro a heemá?”

Geehhoeemaá 13:4 Iomraidhean Croise

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

ISAYA 46:5

Kuungá' aníng heé ir slaqmisa' a heemá tari slaqmís nee inós. Nee heé ir alqoomesa' a heemá tari slaqmís nee inós.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

DABE 9:2

Múk baraá yaamuudá' hoót ku ló'wa tlét, nee i ló'wa /uureemaá koná'. A xwaylár Anaki, kudá' kuungá' ta xua' nee kangw'ín taa axasé', ‹Xáy, heé nee mukduú Anaki ti tlampa'aasá' a heemá?›

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

Geehhoeemaá 12:3

Layár hatlá' iri geehhouúr gawaá doorí wa ale. Layaarí a dayshamoó yangaariír oo daa/aát. Dayshamoowí sage ngi kon a faanqw nee xareemi a mibaangw. Nee gawaá sageerose gár i kon a slam'aá faanqw.

Geehhoeemaá 12:4

Hhaysaá dayshamoowí tsatse/uú gawaá doori nguna duuruxuné' nguri kwakwaahhiyé' baraá yaamu. Tsatse/uú taa duuruxún a bartá wák baraá baduudá' tám awa tsatse/uú doori sleémeerowo. Dayshamoodá' iri sihhiít dír geeraá /ameenidá' xwaylár slaa', as na/aywós nguwa gu/i qoomár inós bar na/aay ngwa sangw xwayluúr.

Geehhoeemaá 13:11

Aluuwo makiito'ór hatlá' ngiri ár. Makiito'oorí i ti'imít yaamuú wa ale. Makiito'oorí xareemiwós a tsár, a adór xareemaá deelmoó bee/i. Makiito'oorí bir axwés afoorós a adór tidár dayshamoó úr.

Geehhoeemaá 13:15

Makiito'oodár tsár aleesleemu guri malé sleér oo murslaaqatuudá' nguwa hiinsluú i qas, as murslaaqatuudá' iwa axweesi, nee mukdá' sleémeero inós gwa sii' i tumbarara'ataro, kuwa tsu/i.

Geehhoeemaá 13:2

Makiito'oodá' naa ár slaqsaywós a adór du'uma. Ya'aawós a adór kudá' makiito'ór ta babay duúbu. Afkós a adór kuduú diraangw. Dayshamoodá' úr makiito'oorí gari /uurií haniís, nee kitaangós oo aleesleemuwo, nee gari aleesleemuú yaariír i haniís.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 18:18

Mukwí iri ló'wa /aa/amín qoomár quui kawa ár ar gixsár Babuloni asla ngiwa al ót. Tari oó', «Gixsár ur ar adór tí i deéro?»

Geehhoeemaá 9:20

Nee múk aa meet, oo taa tsu/iiká ar muxtaarí, gadiyeédár dabaaín kaa hhu'u'unká, neetlaame kaa mayká sluufmisuuwo, nee munguaá muqslaaqatuuwo, kudá' taa tleéhh ar sahaábu nee ar peésa nee ar muqsla nee ar tlaa/e nee xaai. Munguiiká' i xumisiiaaká nee i axamisiiaaká, slám i hi'iimitiiaaká.

1 SAMUELI 17:24

Slaqwaruusér Israeli sleémeero Goliati kuwa ár tari goów, asma kuna kángw kilá' wa da'ayuút.