Geehhoeemaá 13:2 - Biblía Axweesantá Hhohho' ar Mungú 2004

² Makiito'oodá' naa ár slaqsaywós a adór du'uma. Ya'aawós a adór kudá' makiito'ór ta babay duúbu. Afkós a adór kuduú diraangw. Dayshamoodá' úr makiito'oorí gari /uurií haniís, nee kitaangós oo aleesleemuwo, nee gari aleesleemuú yaariír i haniís.

Ya/abtór hho' 1977

² Makito'oodá' naa ár slaqsaywós a adór du'uma. Ya'aawós a adór kudá' makito'ór ta babay duúbu. Afkós a adór afkwá diraangw. Dayshimoodá' úr makito'oorí gari /uuruú i haniís, nee kitaangós oo aleesleemu, nee gari aleesleemuú yaariír i haniís.

Geehhoeemaá 13:2 Iomraidhean Croise

2 WAAWITÁ 2:24

Elisha giri xuuxuú', giri lu'ús ar umuú AAKOÓ MUNGÚ, makaá tsár awa /ameena awa ta bay duúbu, niri ti'iitiyé' baraá sla/atá wa ale, daaqayduú mibeeri tsiyáhh nee tsár kuri karslamiís.

WARA'AMI 22:21

Afkú dirango aníng na ba/amisáng, nee dír xareemaá saree/aro.

AXWEESANOÓ SAGALOOA 17:12

Tsiní bár hee nee duúbuú /ameeni oo ta na/ii hayóh ta doogiyé', ta tiwa doogiia nee daktani baraá daktu'uumár i alé.

AXWEESANOÓ SAGALOOA 28:15

Geeraharusmoó tlaákw bar narkuute gaa geerahaár a adór dirángw /oroótl nee dubú giliím.

ISAYA 5:29

Slaqwaruuser'ín in /orótl adór diraangw, nin /orootliyá' adór na/aá diraangw, kudá' /orootlá' nee sluqor'ín ngi oohá' ngiri huwiyé' amór saaw dír heé ga tuú/ iwa kahhi.

YEREMIA 13:23

Xáy, heé boó/ kalaywós gu qo warqeési, laqaá du'uma biifayaarós gaqo warqeési? Bir ngi aleesláy, daqaní kuungá' sleeme tlehhma'aá hhohho' i aleesleerá', kuungaáká' muruú tlákw ugwa intsahhé' tlehhtuuwo.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

HOSEA 11:10

Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

AMOS 3:12

AAKOÓ MUNGÚ i kaahi, «Adoodá' de'eemusmo ya'aá tsár ngir afkú dirángw wa tu/i, laqaá iiár bee/i ngiwa tu/i, an adoodá' múk niiná oo Samaria ir kotsqoti, kudá' hamí guá' baraá qateenaá hhohhó' wa alé, nee inqwaruú hhohhó' ngwa hhafine'.»

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.

HABAKUKI 1:8

«Farsuín ku isláhh ta dueemiwo, i xaraasliyá' ta tawerú qwariita, nee slaqwaruusér faras gwa i tsa/aan amór i dahhiya' ka saaw, ki islahh adór gwareesír aa gaanslár tleer amór gár /ayma.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

Geehhoeemaá 12:13

Dayshamoodá' ngiwa ár adór kura kwaáhh baraá yaamií alé, /ameenidá' na/oó garma gwa xwayluur gari gusiisín.

Geehhoeemaá 12:15

Dayshamoodá' ma'aá adór yaae giri baraá afkós wa waá/ alaá /ameenidá' wa ale, as yaaeedá' /ameeni ngiwa hayot.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:12

Makiito'oorí aleesleemuudá' sleémeero oo makiito'oodár geera gun ar gadiyús dír geeraá makiito'oodár geeraá wa ale. Makiito'oorí yaamu gina harakeemís, nee múk baraá yaamuú wa hoót sleémeero, as makiito'oodár geera kawa i tumbarara'ati. Tidá' tliqsantá gwa'ara gaa sleer, iri hungú/.

Geehhoeemaá 13:4

Dayshamoodá' úr kuri sluufmiís asma adoodá' makiito'oodá' ngiwa aleesleemuú i haniís. Makiito'oodá' sleeme kari sluufmiís, tari káh, «Heé slaqás nee makiito'oorí a heemá? Nee slám heé makiito'oorí ga aleesláw slaqwaraaro a heemá?»

Geehhoeemaá 16:10

Malaykamoó kooán slooqomoowós guri ku'uús gawaá daanduú kitangwduú aleesleemu oo makiito'oodá'. Waawuti'iimarós kari giwtír i kwaáhh. Muu tsifreeri'ín giri kikiíhh as slahh'amu,

Geehhoeemaá 17:12

«Xareemidá' mibaangw awa taa aán a waawituú mibaangw. Inooín waawuti'iima kaa slayká. Ala inooín waawuti'iima ka sláy tawa adór waawitá ar har qoomár looár wák dinkwa nee makiito'oodá'.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 20:2

Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,