Geehhoeemaá 13:16 - Biblía Axweesantá Hhohho' ar Mungú 2004

¹⁶ Nee inós muu sleémeero guri harakeemís kuwa layár i qaasi baraá dákw doó /iyayhe, laqaá gawaá gitsee/a. Múk urén nee oo ninakwe guri harakeemís, nee daqaare nee narkuute, múk lawaale nee kudá' lawaaleerooká sleeme.

Ya/abtór hho' 1977

¹⁶ Nee inós muu sleémeero guri hara'ayiyiín gídaabá kuwa layár i qaasi baraá dákw doó /iyáy i alé, laqaá gawaá gitsee/a. Múk aa hara'ayiín a múk ninákw nee oo urén, daqaare nee narkuute, múk lawaale nee kudá' lawaaleerooká sleeme.

Geehhoeemaá 13:16 Iomraidhean Croise

2 QOM'I 15:13

Ala umuúqo heewo oo AAKOÓ MUNGÚ, Munguú Israeli, gu leelehhiitaaká, ta masoomo laqaá ta heé aa urayi, laqaá ta hhawaata laqaá ta /ameeni, gár kus hariím aqo gaasa.

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

WARA'AMI 115:13

Kudá' inós ngu ilaiwawaa/á' gin tsuuq, múk urén nee na/iiwo gin tsuuq.

WARA'AMI 49:2

Múk urén nee múk ninakwe sleémeero, daqaare nee narkuuteero.

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

ESEKIELI 9:4

guri báy, «Waaraáhh ar baraá tla/ángw gixsár Yerusalemu, laya qaaseek gawaá gitsee/ér mukdá' gurhamuút nee oo /aa/amiím as muruudá' slasla/arén sleémeero ta tlehhiiti baraá gixsarihe.»

SEKARIA 13:6

Barnaxes kwaa báy, ‹Xáy inkahhi'iisingaá gawaá dabaawók awa milá?› Inós iri ooi, ‹A inkahha'aá naa dír doó mulqumooeé' wa sláw.› »

Tlehhema'aá ya/Abuuse 26:22

Ala án Mungú ina alee/iís ay laarí. An gár nis sihhimiit diirí wa aleeró, múk urén nee oo ninakwe nguwa i lamabu'uum. Nee aníng /aymuú hatlá' oo ni oo' i kaahh, aqo har kudá' aaruuse nee Mosewo taa káh as iwa tleehharuuti.

1 Korinto 12:13

Asma atén bahh'alé a múk Yahudi, bahh'alé a múk Yunani, kookaari a lawaale, nee kookaari a lawaaleerooká. Ala atén sleémeero tina baatimiís ar Qeeruudá' wák as tawa slaqwtá wák tleehhitaan. Nee slám atén sleémeero tina wahaás ar Qeeruudá' wák.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 6:17

Iimír hamí aníng hee miwa sangw daawiitiís, asma aníng a mulkoó Yesú koóm gawaá slaqwte'eene.

Efeso 6:8

Inslawaak adór umuúqo heewo oo hhooeema gaa tleehh, slasláwarós ngir sláy dír Aakoowo, barnaxes a lawaalmo, laqaá tam lawaalmoowooká.

DABE 11:18

«Axweesantí baraá munerhúng ti qase', nee baraá qeereemoohúng. /Aymi'iiká' tseegaak gawaá dabaahúng i ale, adór laya, nee ki dahasá' gawaá gitsee/erhúng, as tawa gár kuungá' nu inslawtamis.

DABE 6:8

Axweesantí ka tsék gawaá dabaawók nee dahás gawaá gitsee/aawók adór slamángw wa ale.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

2 Timoteo 3:8

Adoodár aáng Yane nee Yambre tira tlaampa'aamisiyé' nee Mose, adoorí an adór hhawaateeká' sleeme tir tlaampa'aamisiya' nee looeema. Mukwí a múk aa fuqureemo hhitiruumiit, slám haratlintaaor'ín i qoondaaká.

Geehhoeemaá 11:18

Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»

Geehhoeemaá 15:2

Aluuwo garka ngiri ár, a adór tlawtá gwa/aat adór looár wa ale, ar taa aleedoók nee asla. Mukdá' makiito'oodá' gara baa/, nee murslaaqatuuwós kudae, nee faarór umuuwós kudá', mukwí sleeme una ár. Inooín taa sihhiít gawaá tlawtadá' gwa/aat ar adór looár wa ale. Inooín ta marímbár Mungú kón.

Geehhoeemaá 19:18

Qwalaasé', fu'unaá waawitá /ayaak, nee fu'unaá geeraharuusér askaári, nee fu'unaá askaári, nee tam fu'unaá faras, nee awa mukdá' farsuú i tsa/a/ám, nee fu'unaá muu sleémeero, awa múk lawaale nee múk lawaaleerooká, awa múk ninákw nee múk urene.»

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 19:5

Afór baraá kitángw aleesleemuú daahh iri ó', «Munguúrén na diidi'iimisaak, kuungaásingá' sleémeero awa sagadiyuuseerós, kuungaásingá' Munguú ilaiwawa/á/, múk ninákw nee múk urene.»

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.

Geehhoeemaá 6:15

Qoomaadae waawitú baraaká' yaamu nee múk urén, nee geeraharuusér slaqwara, nee múk daqaare, nee múk aleesleemuú koóm, nee umuúqo heewo, oo lawaalmo nee oo lawaalmoowooká, sleémeero tari nahhaát baraá mar'o, nee baraá gur'ér tla/u ar baraá tlom'í dirii'.

Geehhoeemaá 7:3

Malaykamoodá' iri oó', «Yaamu mi kwatiitara', laqaá tlawi, laqaá tam xaai, ay dír laya ngay hhe'eesaan qaasaro gawaá gitsee/ér sagadiyuusér Munguúrén.»