Geehhoeemaá 13:14 - Biblía Axweesantá Hhohho' ar Mungú 2004

¹⁴ Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Ya/abtór hho' 1977

¹⁴ Nee inós múk baraá yaamuú wa hoót gun paslimís ar layuuwós kudá' i tlehhit dír geerá makito'oodár geerá wa ale. Inós mukdá' gawaá yaamuú wa hoót gun babeer gídaabá, “Murslaaqat tleehhaak oo slaqsoó makito'oodá' taa inkahháy i qaás ar paánga, nee iri male sláf.”

Geehhoeemaá 13:14 Iomraidhean Croise

2 WAAWITÁ 20:7

Isaya iri oó', «Mandasmoó taa tleéhh ar /aantsí oohare'. Ku qasá' didár umángw koom, daqaní inós i hunguu/.»

2 WAAWITÁ 22:20

Gawaá adoorihe, ga/aaweek kuúng a adór hhoóár gwá', turi qaas bihhaá baabi'iiwók ar wayda, ilaawók slasla/aruwí aníng ni huuw yaamuuká' i alé ngu ariaaká.› » Kaangwí kuri ooár áy dír waawutmo Yosia.

2 QOM'I 18:21

Qeeruú tlaákw iri oó', ‹Aníng an tláw aaruuseerós sleémeero ngiri lamuuse tleéhh.› AAKOÓ MUNGÚ guri báy, ‹Gimáy tláw, al/ayang, kuúng u aleesleér.› »

YOBU 12:16

Inós /uuru nee sagalooaro gi kón, al/aymuuse nee kudá' ta al/agina sleémeero a kós.

TI'INAANGW 7:11

Farao múk sageloén guri ateét, nee da/aluuse nee qwaslaareero, inooín adoodár kilá' ngina tleehhiyé' ar miislay'ín.

ISAYA 44:20

Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

ESEKIELI 14:9

«Nee barnaxes aarusmoosíng kwa al/aáy gaa gari oó', daqaní anuú AAKOÓ MUNGÚ ugwa al/aáy. Aníng dakw'eene aarusmoowí un hingeés dír muk'eé' oo Israeliwo.

ESEKIELI 16:17

Tlaa/eedá' hhohho' awa sahaábu nee awa peésa kudá' naa dirók i haniís, ina ar tleér kiri slaqsa'aá hhawaate tléhh as tawa fuqusa' nee inooín.

ESEKIELI 8:10

Naagáy aníng niwa dáh, koo/i ngiri ár, naxés kaa gooaaín slaqsa'aá dayshe nee awa makaá hatlá' awa slasla/aren, nee awa makaá sla/a awa i buhhtamisá', nee slaqsa'aá munguaá múk Israeli naa tleehhiyé' ar dabaaín, kaa tlehhahhiít, guruú do' ngway harweeriyé'.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:1

Aluuwo makiito'o ana ár i baraá tlawtá wa ti'imít. Xareemiwós a mibaangw nee sage ngi koon a faanqw. Nee gár gawaá xareemiwós a slam'i mibaangw. Nee gár gawaá sageerós a umér /ooslisliingw.

Geehhoeemaá 13:15

Makiito'oodár tsár aleesleemu guri malé sleér oo murslaaqatuudá' nguwa hiinsluú i qas, as murslaaqatuudá' iwa axweesi, nee mukdá' sleémeero inós gwa sii' i tumbarara'ataro, kuwa tsu/i.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 14:11

Quuír slahh'eemisuuín in tsa/aán gáwtí alé ay alhhe'eesay wasle. Mukdá' makiito'oodá' gaa i tumbarara'amiit, nee murslaaqatuuwose, nee umuúqo heewo oo umuú makiito'oodá' gwa slay tawa layaarós, mukwí amohhooár i slay i káhh tlaatla/aangw nee xweeraawo.»

Geehhoeemaá 14:9

Aluuwo malaykamoó hatlá', oo tám, niri aluudá' haár, iri tseé' ar afór ur iri oó', «Umuúqo heewo oo makiito'oorí ga i tumbarara'aát nee murslaaqatuuwós kudá', nee oo layár makiito'o gaa slay gawaá gitsee/awose laqaá gawaá dakós,

Geehhoeemaá 15:2

Aluuwo garka ngiri ár, a adór tlawtá gwa/aat adór looár wa ale, ar taa aleedoók nee asla. Mukdá' makiito'oodá' gara baa/, nee murslaaqatuuwós kudae, nee faarór umuuwós kudá', mukwí sleeme una ár. Inooín taa sihhiít gawaá tlawtadá' gwa/aat ar adór looár wa ale. Inooín ta marímbár Mungú kón.

Geehhoeemaá 16:13

Aluuwo qeeruú tám oo slasla/arén nguri ár, oo slaqás nee aamaxupa. Qeeruuwí amór i dahhi a baraá afkú dayshamoodá' úr, nee baraá afkú makiito'oodá' nee baraá afkú aarusmooduú lama.

Geehhoeemaá 16:2

Malaykamoó geera iri tláy, slooqomoowós guri ku'uús gawaá daanduú yaamu. Mukdá' layár makiito'oodá' ga koóm, nee oo murslaaqatuuwós kudá' gwa i tumbarara'amiit, mukwí kuri ohín nee um'aá tlakw, awa slahh'eemisá'.

Geehhoeemaá 18:23

Nee slám gwa/aateemaá tsaa'asi ki baloó ariiká baraawoge. Nee afór garmoó duuxuxuúm nee ar dasír ta duxuuti ka baloó axaasiiká baraawoge malé alé. Asma mukók kudá' halaanu'uumár tleéhh, inooín a múk aleesleemuú koóm baraá yaamuwo, nee xoordu sleémeero kina al/agín ar da/ariwók.»

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 20:10

Nee Neetlaangw, kudá' muu gu al/agagiím, inós kuri kwaáhh baraá tlawtadá' asltá kiberíti iwa ohahiin. Diirí an didá' makiito'oodá' nee aarusmooduú lama sleeme i dirii'iya'. Inooín kiri slahh'eemiis tlaatla/aangw nee xweeraawo ay alhhe'eesay wasle.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.