Geehhoeemaá 11:9 - Biblía Axweesantá Hhohho' ar Mungú 2004

⁹ Afiqoomár deelór tám nee tlaqto, muu tu'uuká' kiri didá' wa ara'ar. Mukwí amór i dahhi a baraá umuúqo mar'afto nee tlahhaywo nee tsifriro nee xooro. Nee mukwí ta ya/anká tu'uuín kiwa fooli.

Ya/abtór hho' 1977

⁹ Gawaá deelór tám nee tlaqto muu tu'uká' kiri didá' wa ara'ar. Mukwí amór i dahhi a baraá umuúqo mar'afto nee tlahhaywo nee tsifriro nee xooro. Nee mukwí ta ya/anká tu'uín kiwa fooli.

Geehhoeemaá 11:9 Iomraidhean Croise

1 WAAWITÁ 13:22

Ala kuúng nina amoorí kí/, muruú /ayma kway /ák, nee ma'aá diirí kiri wát.› Aáng tuna báy, ‹Ma /ayiimaar, laqaá ma'aay mi wahaar.› Gawaá adoorihe, slaqwtók ka fooliká baraá /antaá baabi'iiwók.»

DAHARUSMO 6:3

Barnaxes hee na/aá tsiiru gaa laqwaál, nee iri hoót kureeraá yaariire, iri hoót deelór yaariire, ala inós amohhooár hotaangw gaa slayká, nee iwa gwaá' kwaa fooliiká, aníng a kah, gurkwahhama a tsiní ta heewihe.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

YEREMIA 7:33

Tuaá mukwí tari muruú /aymár gwares nee oo makaá sla/a, heé makayká' gi dae tsaát tumu wák i kaahh.

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

Geehhoeemaá 10:11

Aluudae aníng tiri báy, «Gár kuúng tuwa hariím an malé aariín daanduú múk yaariire, nee daanduú xoordaá yaariire nee slám daanduú tsifrír yaariire nee waawitú yaariire.»

Geehhoeemaá 11:11

Deeloorí tám nee tlaqi iwa waaráhh, qeeruú slafíngw koóm oo amór Mungú daáhh tu'udá' giri i dáh. Inooín tari sihhiít ar ya'aaín. Nee mukdá' xumiís tari ló'wa da'ayuut.

Geehhoeemaá 13:7

Slám kari ya/án as iwa slaqw nee múk hhohhó' oo Mungú nee nguwa ar ba/. Aleesleemu guri sleér gawaá umuúqo tlahhaywo nee umuúqo muko nee tsifriro nee umuúqo xoorooro.

Geehhoeemaá 17:15

Aluuwo malaykamoodá' iri báy, «Ma'aydá' taa aán, kudá' /ameenidár tsaatuso'o aa al iwít, a muu nee boo/aay nee xoordu nee tsifri.

Geehhoeemaá 5:8

Qoomár kitaábuudá' nguwa taataáhh, muruudá' tsiyáhh oo slaáf nee bariiseedá' mibeeri tsár nee tsiyáhh tari tumbarara'aát dír geeraá Deelmoó bee/i. Umuúqo heewo baraine i marímbár úr kón, nee slooqa'aá sahaábu awa muruú mooyángw tsuú' koomá' oo ta da/a/an ilahhooár wa ale. Muruuwí mooyángw tsuú' koóm an firór múk hhohhó' oo Mungú.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.