Geehhoeemaá 11:8 - Biblía Axweesantá Hhohho' ar Mungú 2004

⁸ Nee tu'uuín kiri geexáy baraá loohidár gixsár ur. Gixsadá' baraá qeeruuwo umuuwós ta babay Sodoma nee Misri. Nee slám gixsarí an tidá' Aakooín kwi kikií' gawaá msalaába.

Ya/abtór hho' 1977

⁸ Nee tu'uín kiri geexáy baraá loohidár gixsár ur. Gixsadá' baraá qeeruuwo umuuwós ta babay Sodoma nee Misri. Nee slám gixsarí an tidá' Aakooín kwa i kikií' gawaá msalaábár i alé.

Geehhoeemaá 11:8 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

IIMU/UUNGW 19:24

AAKOÓ MUNGÚ asltá kibiriíti ngiri gawaá doorí wa kwaáhh daanduú Sodoma nee Gomora.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 26:23

Inooín Uria nguna ar ki/iyé' baraá yaamaá Misrír wa alé, nguri huwiyé' ay dír waawutmo Yehoyakimu. Waawutmo heedaádá' guri gaás ar paánga nee tuuaarós kari foól dír /antaá geeraharuuserooká.

ESEKIELI 16:46

«Hho'oorók ar ur a Samaria, tidár bihhaá /iya, dinkwa nee hhaeewók. Hho'oorók ar niina a Sodoma, tidá' bihhaá basa, dinkwa nee dasuwós.

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

ESEKIELI 23:19

Tam adoorihe ina ak búhh fuqto adoodár kilá' tawa /amaatliito'o ira fuqús baraá yaamaá Misrír wa alé.

ESEKIELI 23:27

Tsaatu'uumarók tidá' ta tlehhaahhit iimír baraá yaamaá Misrír wa alé a suqúw. Daanduú slaqsa'aá munguaá hatlá' i baloó insleeraaká malé alé, laqaá yaamaá Misri i malé insleeraaká.›

ESEKIELI 23:3

Qoomár inooín tawa dasuú /amaatliite tawa yaamaá Misrír hooti, inooín tana fquús, asma tana ya/án iseemaaín kiwa kwatmiiti nee daaqaay, nee kiwa harneeti inooín niri sli'imuuse tleehhitiyé'.

ESEKIELI 23:8

Inós ina kumít tsaatu'uuma tlehhtuuwo, tidá' aa iimu/uún iimír qoomár iwa baraá yaamaá Misri, qoomaadá' tawa dasír /amaatliito'o, nee hhawaate nina alqaatiyé', slaqooín ngiri tsaeemisiyé' dirós wa ale.

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

AMOS 4:11

«Muu bahh'alé baraá tla/angwhunge una hhaamiís, adoodá' múk Sodoma nee Gomora ngura hhaamiís. Panaydá' aa meet baraá tla/angwhunge tay adór xwatsaatsír asla aa meetís. Ala tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

Matayo 10:15

Án a kah, deelór alhhe'eesoó yaamuwo a tsiní gixsár Sodoma nee Gomora sakwasleemar'ín ngiwa ilií oohiya', ta gixsadae.»

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

Ebrania 13:12

Gaarí an gár Yesu kusa gaás dír tsee/aá afkú gixsár i alé, as kahhó' muu nguwa hhoohhooeesi ar tseereerós ar kilá'.

Ebrania 6:6

Aluuwo baraá haratlintaaor'ine tari alií kií/. I ya/aandaaká múk adoosíng kuwa ki/isi baraá hhu'u'úngw i alé, asma inooín Garmoó Mungú ku malé kiki'ín gawaá msalaába ar fahhari, nee ku geeraá múk wa mureekeemiis.

2 Petro 2:6

Nee slám Mungú gixsár Sodoma nee Gomora gari sakwasleemuút, gari daá/ ar asla, gari slaqsaay tleéhh oo dae tlaáq dír múk tlakwe, oo aluuká' wa i tláw.

Yuda 1:7

Múk gixsár Sodoma nee Gomora inslawaak sleeme, nee múk gixsadaá hatlá' awa bihheedií tsewen. Inooín sleeme adoodár malaykeedá' kana tleéhh, tsaatu'uuma kana eehár, ilatleerír tlakw baraá slaqooine ina baaliín, tam tsaatu'uumadár tlakw ar iringeé kana tlehhiít. Mukwí kwaa sakwasleemuút baraá aslá alhhe'eesoó koomaaká as tawa slaqsaay tleehhiti dír múk hatlae.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.

Geehhoeemaá 11:9

Afiqoomár deelór tám nee tlaqto, muu tu'uuká' kiri didá' wa ara'ar. Mukwí amór i dahhi a baraá umuúqo mar'afto nee tlahhaywo nee tsifriro nee xooro. Nee mukwí ta ya/anká tu'uuín kiwa fooli.

Geehhoeemaá 14:20

Mamaá sabiíbu kiri baraá bohongwdá' wa tsoo/iít, tsee/aá gixsa. Tseere niri baraá bohongwdá' wa wá/, iri hardát ay afi qoomár afér faras, tlenaango a adór kilomiíta tsiire tám.

Geehhoeemaá 14:8

Aluuwo malaykamoó hatlá', oo tsár, aluudá' ngiri haár, iri oó', «Gixsadá' ur ar Babuloni aa hú'. Gixsarí an tidá' xoordu sleémeero gaa oonitimis ar tsaatu'uumarós, tidá' xaraasl, adór difaáír aa hamat.»

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

Geehhoeemaá 17:1

Malaykamoó wák niri hardáh. Inós a malaykamoó wák baraá malaykeedá' faanqwe, tidá' slooqa'aá faanqw gi koom. Inós iri amor'eé' axweés iri báy, «Qwaláng amoorí. Aníng sakwasleemár tsaatuso'oodá' ur ngi dirógií laqaám. Inós a tidá' aa iwit gawaá ma'aá yaariir i alé.

Geehhoeemaá 17:18

«Nee /ameenidá' taa aán a gixsadá' ur, tidá' waawituú baraaká' yaamu gu sawaawuti'ii'iim.»

Geehhoeemaá 17:5

Nee baraá gitsee/awose umuú naaqo kwaa gooín, «Gixsár ur ar Babuloni, aayór tsaatuuse sleémeero nee aayór slasla/aru sleémeero oo baraá yaamu.»

Geehhoeemaá 18:10

Inooín tari amór saáw i sihhiit as tawa da'ayumiiti slahh'eemisuuwós kudae. Tari ooi, «Gixsadá' ur ar Babuloni, gixsadá' /uuruú koom, hhiintluuwók ku gawít, asma ar qoomár niinawe sakwasleemarók ina i hardát.»

Geehhoeemaá 18:18

Mukwí iri ló'wa /aa/amín qoomár quui kawa ár ar gixsár Babuloni asla ngiwa al ót. Tari oó', «Gixsár ur ar adór tí i deéro?»

Geehhoeemaá 18:2

Malaykamoowí iri tseé' ar afór ur iri oó', «Babulonidá' ur aa hú'. Inós aa hotángw neetlaamér tlakw tleehhít, nee slám a mar'ír neetlaameedá' slasla/aren, nee a mar'ír umuúqo tsir/ír tlaakw, tidá' ta ahhiiti.

Geehhoeemaá 18:21

Malaykamoó wák oo /uuruú koóm tlaa/ano guri taataáhh oo adór tlaa/ár xoosliingw. Tlaa/anoowí guri kwaáhh baraá tlawtí alé, iri oó', «Gixsár ur ar Babuloni, kiíng ti kwaahh ar /uuru adór tlaa/anoowí ar alé, nee slám ti ariiká baloó alé.

Geehhoeemaá 18:24

Baraá gixsarihe tseerér aaruuse kaa ár, nee ar múk hhohhó' oo Mungú, nee ar mukdá' sleémeero taa tsuú/ baraá yaamuwo.