Geehhoeemaá 11:2 - Biblía Axweesantá Hhohho' ar Mungú 2004

² Ala afeenidá' tsee/aá Doó Mungú i dirii' maweek, ma qoomeesaar. Asma afeenidá' kaa múk xoorduú i haniís. Nee inooín gixsár Mungú ka adarah ar ya'aaín slahheeri mibeeri tsiyáhh nee tsár.

Ya/abtór hho' 1977

² Ala afeenidá' tsee/aá Doó Mungú i dirii' maweek, ma qoomeesaar. Asma afeenidá' kaa múk xoorduú i haniís. Nee inooín gixsár Mungú ka adarah ar ya'aaín slahheeri mibeeri tsiyáhh nee tsár.

Geehhoeemaá 11:2 Iomraidhean Croise

WARA'AMI 79:1

Aá Mungú, múk kuúng u xuaaká yaamuuwók gaa i haratláy. Do'ók oo hhoohhoó' ngwa tligár ayé', nee gixsár Yerusalemu ngiri sluhhuyé'.

ISAYA 48:2

Kuungaádá' ti ateetimá' ar umuú gixsár hhoohhoo', handá' a kata', Munguú Israeli un harahhifaán, umuuwós an AAKOÓ MUNGÚ Aleesleemusmo.

ISAYA 5:5

«Hám daxta adór qaymoorí ngi laaq ngi oó'. Yawtós an feé/, kari hhitín, koo/irós an feé/, kari yaamií kal/án.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

WA/AA/I 1:10

Wakuuse daber'ín gaa looloqós, gawaá muruudá' sleémeero tlaxo gawdén. Inós xoordu gaa aán niwa daraahiya' didá' hhoohhoo', mukdá' kuúng taa sí' niwa dahiya' baraá alqaatír mukók.

ESEKIELI 4:6

Deeloorí bara hhe'és faakaro, daqaní ta qát ar bihhaá doó /iyáy, nee diirihe a tlakweemaá múk Yuda in loohís har afiqoomoó deelo mibeeri tsiyáhh. Baalár wák i qoná' nee kurkú wák.

ESEKIELI 42:20

Gawaá adoorihe inós bihhe sleémeero gari qoomeés, naxés badu sleémeerowo gár aa sláy a miíta tsiire tsár nee mibeeri kooán. Koo/idá' an tidá' didá hhoohhoo' gaa paratl didá' nee didá' muu i burumburimaamiti.

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 7:19

«Aluuwo aníng ana ló'wa slaá' daanduú makiito'oodár tsiyáhh nguwa axaás, tidár hatlá' dír makaá hatlae, tidár waa/oo/amo nee dae tlaaq, tidá' sihhnaawós handá' a muqsla nee fuqeeniwós a muqslír sirdaa/aat. Sihhnaaká' ginar /ayiín nee ginar feehhamís, muruudá' aa meetís gun yaamií kal/aán ar tsa/aá ya'aawós.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

DANIELI 8:10

Xarmoowí ina ló'wa uráy tam iri hardáh ay tla/ángw múk Mungú tam slaqwaruusér tsatse/ bahh alé gari yaamií daraáhh nee gari yaamií kala/án.

DANIELI 8:13

«Aluuwo malaykamoó wák una axaás iwa axweesi, malaykamoó hatlá' kudá' axweés guri yaahaás, ‹Xáy, muruuwí ta ooiin nee iigu'utuwí i kumaamitiya' ay xaylá? Xáy ilahhooár da/a ar umuú deelo tidá' taa hhitín waaqa'a'ati ay xaylá? Xáy, hhitiru'umarí ar umuú gaa kawa hhaamimiisi i kumaamit ay xaylá, nee didá' hhoohhoo' dinkwa nee múk Mungú kuwa yaamaá hara'adararahi ay xaylá?›

DANIELI 8:14

Iri oó', ‹Ar har afiqoomár tsiindo nee matlaatlér kume tsár nee tsiire tám. Ala aluudae daqaní hotaaín Mungú gi adoodár aáng i ki/is.› »

FAARO 14:34

Kuungá' slahh'amu nu sláy as daanduú tlakweemaahúng kureeri mibeeri tsiyáhh adoodár kilá' deelór mibeeri tsiyahhe yaamu kiwa tsawtsawusé', kurkú wák a adór baalár wák, kuungá' daqaní a tsahhá' adór aníng muuna ira gaás.

Matayo 27:53

baraá /aantu ngay geexáy. Nee alaá Yesu niwa waasleé/ niri dahiyé' baraá Gixsadá' Hhoohhoo' nee múk yaariír giri araa'ár.

Matayo 4:5

Yesu kuri huúw nee Neetlaangw ay baraá Gixsár Hhoohhoo' ar Yerusalemu, guri qaás gawaá tsintá Doó Mungú.

Matayo 5:13

«Kuungá' a diwtá yaamu. Ala diwi bira hhiturút, gár ki qaasi a milá as iwa malé maamahh? I sangw gaa bu'uká, aqo kan kwaahh tsee/ií alé, kari adarah nee muu.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

Geehhoeemaá 11:11

Deeloorí tám nee tlaqi iwa waaráhh, qeeruú slafíngw koóm oo amór Mungú daáhh tu'udá' giri i dáh. Inooín tari sihhiít ar ya'aaín. Nee mukdá' xumiís tari ló'wa da'ayuut.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

Geehhoeemaá 12:6

/Ameenidá' iri góp ay baraá xaanxaay. Amoodae dirós kaa amohhe'eés nee Mungú as kawa amoodá' wa /aymiisi deelo kumuú wák nee tsiire tsár nee mibeeri lahhoó'.

Geehhoeemaá 21:10

Inós aníng iri ar tláy ar baraá Qeeru ay gawaá tloomár ur ar tleerantleer. Gixsár Yerusalemu ngiri laqán, gixsadá' hhoohhoo', i awdít gawaá doorí wa ale amór Mungú.

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.

Geehhoeemaá 22:19

Nee hee barnaxes garka gaa /aareés dír axweesanoó kitaábuuwí oo aaru'uumaro, daqaní Mungú hariímár heedá' ga hingees baraá xa'anoó slafiingo nee baraá gixsadá' hhoohhooe. Hariímarós ar ta hingeesi an tidá' kangós taa gooín baraá kitaábuwí i alé.