Geehhoeemaá 11:18 - Biblía Axweesantá Hhohho' ar Mungú 2004

¹⁸ Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»

Ya/abtór hho' 1977

¹⁸ Múk xoordu ina buúhh. Ala xarasleemaawók naa hardahiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók kawa slaqwe'ín i haniisi, sagadiyuuseerók tidár aaruuse, nee mukók kudá' hhohhó', tam mukdá' sleémeero oo kuúng u ilaiwawaá/, barnaxes a múk ninákw laqaá barnaxes a múk urén. Nee slám qooma naa hardát ar mukdá' yaamu gi hhititiím kuwa hhitin.”

Geehhoeemaá 11:18 Iomraidhean Croise

WARA'AMI 103:11

Adoodá' doori yaamu ngira tuuntukiyé', an adoodá' sla'aarirós ar warqawaaká ka úr dír mukdaádá' gu ilaiwawa/a.

WARA'AMI 110:5

Aako hanoos, kuduú waawutmo, i bihhiwók awa doó /iyáy, bira buúhh, waawitá gu faak.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 2:5

AAKOÓ MUNGÚ giri naanaáq ar buhhta, giri dae tlaáq ar buhhtaawós awa xaraaslá', iwa kaahi,

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

DAHARUSMO 8:12

Tlakuuse tlakweema gin tlehhahhít ay sagaá wa tsiiru, tam adoorihe i qatliaaká. Ala aníng a xuú' mukdaádá' Mungú ilaiwawaá/ a múk amohhoó', asma inooín Mungú ngu da'ayumitiyá'.

DANIELI 11:44

Ala inós kángw da/aá daáhh nee oo /iko gu dae tsaat. Inós muuna guri gaas, múk yaariír guri slururu'uus.

DANIELI 7:26

Ala kwasleemár gawaá doori ka iwitiis, nee baalír waawutmoodá' kan hayoh as kawa fiitsi nee kawa tsumumu'uusi.

DANIELI 8:25

Asma inós tawa fuqurusmo baraá muruú tlakwe i ló'wa waaraahh nee tiri xirfayees. Múk yaariír gu naaqo tsuu/ nee sleeme inós nee geeraharusmoó geeraharuuse ti tlaampa'aasiyá', ala inós ku suqúy nee Mungú tam dákw hee gur gadiyusiiká.

Matayo 5:12

Qwalaala/é' nee baraa/é', asma bu'utuhúng ku úr gawaá dooriiwo. Asma adoosíng an adór aaruuseedár aáng kaa /imiís.»

Luka 1:50

Nee gurtleemuuwós i kumaamiit umuúqo qarto dír kudá' inós ngu ilaiwawa/a'a.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

Geehhoeemaá 10:7

Ala de'emaá malaykamooduú faanqw tarumbeétarós ngiwa ufahhan naaqór Mungú i bó/, tidá' taa alki/iít nee sagadiyuuseerós tidár aaruuse.»

Geehhoeemaá 11:2

Ala afeenidá' tsee/aá Doó Mungú i dirii' maweek, ma qoomeesaar. Asma afeenidá' kaa múk xoorduú i haniís. Nee inooín gixsár Mungú ka adarah ar ya'aaín slahheeri mibeeri tsiyáhh nee tsár.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.

Geehhoeemaá 13:16

Nee inós muu sleémeero guri harakeemís kuwa layár i qaasi baraá dákw doó /iyayhe, laqaá gawaá gitsee/a. Múk urén nee oo ninakwe guri harakeemís, nee daqaare nee narkuute, múk lawaale nee kudá' lawaaleerooká sleeme.

Geehhoeemaá 14:10

heé adoorí difaáidár buhhtaá Mungú ga wah, tidá' taa baraá xooslmoó buhhtaawós i tleéhh, slám kaa aleedoogiiká nee ma'aay. Nee slám heé adoorí ku slahh'eemiis ar asla nee ar asltadá' xaraasl ar kiberiíti dír geeraá malaykeedá' hhohhó' wa ale, nee dír geeraá Deelmoó bee/i.

Geehhoeemaá 15:1

Aluuwo layár hatlá' ana gawaá doorí ár. A layár ur nee ar waa/oo/amo. Layaarí a malayke faanqw ar muxtár faanqw ga koom. Muxtaarí faanqw a tidár alhhe'eesaay. Asma buhhtaá Mungú naa boo/iyé' ar muxtaarí.

Geehhoeemaá 15:7

Nee oo wák baraá muruudá' slaáf oo tsiyáhh slooqa'aá faanqw awa sahaábu giri hanmiís dír malaykeedá' faanqw. Slooqi'iiká' naa hatsiyé' buhhtá Munguhe. Munguúdá' slaáf ay alhhe'eesay wasle.

Geehhoeemaá 18:6

Kuungá' inós buaak ar adoodá' inós ira bu'uún. Ka sagaáwa tsár wa buá' ar tlehhemi'iiwós kudá'. Inós wahaasaak ar wahaangw oo adór kudá' inós muu ngura wahamís, ala dirose sagaáwa tsár wa doogaak.

Geehhoeemaá 19:15

Nee paángár xaraasl i baraá afkós wa ti'imít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú mamaá sabiíbu kiwa tsoo/iti gu kala/án, kuduú buhhtaá Munguú Aleesleemusmo.

Geehhoeemaá 19:18

Qwalaasé', fu'unaá waawitá /ayaak, nee fu'unaá geeraharuusér askaári, nee fu'unaá askaári, nee tam fu'unaá faras, nee awa mukdá' farsuú i tsa/a/ám, nee fu'unaá muu sleémeero, awa múk lawaale nee múk lawaaleerooká, awa múk ninákw nee múk urene.»

Geehhoeemaá 19:5

Afór baraá kitángw aleesleemuú daahh iri ó', «Munguúrén na diidi'iimisaak, kuungaásingá' sleémeero awa sagadiyuuseerós, kuungaásingá' Munguú ilaiwawa/á/, múk ninákw nee múk urene.»

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.

Geehhoeemaá 20:15

Nee umuúqo heewo oo umuuwós taa gooiniká baraá kitaábuuduú slafiingo, kuri kwaáhh baraá tlawtadá' asla iwa ohahiin.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.