Geehhoeemaá 11:17 - Biblía Axweesantá Hhohho' ar Mungú 2004

¹⁷ tari oín, «Atén kuúng u sluufmiisaán, Aakoó Munguú Aleesleemusmoó mura' sleémeero. Kuúng a kudá' dáw nee kudá' qaroó daadáw iimír aange sleeme. Asma kuúng aleesleemuuwók kudá' úr ugwa ót nee aga waawuti'iín.

Ya/abtór hho' 1977

¹⁷ tari ooín, “Atén kuúng u sluufimiisaán, Aakoó Mungú Alesleemusmoó mura' sleémeero. Kuúng a kudá' dáw nee kudá' daadáw iimír aange sleeme. Asma kuúng aleesleemuuwók kudá' úr ugwa ót nee aga waawuti'iín.

Geehhoeemaá 11:17 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

WARA'AMI 21:13

AAKOÓ MUNGÚ, atén kuúng u xirfayeemisaán as /uuruuwók. Atén a daa'aán nee /uuruuwók u xirfayeemisaán.

WARA'AMI 57:11

Mungú, kuúng xirfuút gawaá dooriwo, nee daanduú yaamu sleémeero xirfuuwók i geehhouy.

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

DANIELI 2:23

Aá Munguú baabi'iieé', án kuúng un xirfayeemiís nee un diidi'iimiís, kuúngudá' án iga sagalooár i hanis nee aleesleemu. Nee hamí gadaádá' uwa yaahasaán ngaa dir'eénií xu'utís, asma gadaádár waawutmo ngaa aténí xu'utís.»

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Luka 10:21

Hamtidár kilae Yesu kuri qwal/aás nee Qeeruú hhoohhoó' oo Mungú, iri oó', «Án kuúng un sluufiís, Baabá, Aakoó doori nee yaamu, asma muruuwí ugwa laqaandiiká dír múk dahareemaá koóm nee fuquraangw, ala una laqaán dír na/aá ninakw. Eeít, Baabá, asma an adoodá' kuúng kara slá'.»

Yohana 11:41

Tlaa/adá' kari hingeés. Yesu iri gáwtí qaytsiít, iri oó', «Baabá, án kuúng un sluufiís, asma án kuúng iga iiárií qás.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

2 korinto 9:15

Masók Mungú un sluufmiisaán as tsuuqaawós kuká' ló'wa ur tam alki/it ngu ya/aama'aaká.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 16:14

Qeeruuwí a qeeruú neetlaame, kudá' layár tlehhiít. Inooín tan tlatláy amór waawitá sleémeero oo baraá yaamu, as nguwa dinkwár i haragaasi as slaqwara. Slaqwararí i tleehharut a baalaadá' ur ar Munguú Aleesleemusmoó mura' sleémeero.

Geehhoeemaá 16:5

Aníng malaykamooduú aleesleemuú koóm daanduú ma'aaywo nguri axaás i kaahi, «Kuúsíng hhoohhoó', kuúng a kudá' dáw nee a kudá' qaroó daadáw. Kuúng a gan'amuú koón asma kuúng muruuwí kuwa sakwasleemút.

Geehhoeemaá 16:7

Aluuwo afo ngiri axaás ar baraá kitángw ilahhooár daahh, i kat, «Aakoó Mungú, Aleesleemusmoó mura' sleémeero, sakwasleemarók ar ló' nee i ganá'.»

Geehhoeemaá 18:8

Ala as inós iwa adoorí kat, muxtaarós i baraá looár wák i hardát, pu/i nee gurhaami nee giyeé. Inós kari xaawúy kángw kilá' wa aleeró ar asla. Asma Aakoó Mungú kudá' inós gaa sakwasleemuut, inós i /uuruú kón.»

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.