Geehhoeemaá 11:12 - Biblía Axweesantá Hhohho' ar Mungú 2004

¹² Aluuwo aaruuseedá' tsár afór ur kari axaás ar gawaá dooraá daahh, giri beér, «Tsa/amaré' ay amoorí.» Tari tsa/án gawaá doori ar baraá huunkáy, qoomár wakuuser'ín iwa amor'íní xumis.

Ya/abtór hho' 1977

¹² Aluuwo aaruuseedá' tsár afór ur kari axaás ar gawaá dooraá daahh, giri beér, “Tsa/amaré' ay amoorí.” Tari tsa/án gawaá doorí aleeró baraá hunkáy. Nee wakuuser'ín tidá' giri ga/eér.

Geehhoeemaá 11:12 Iomraidhean Croise

2 WAAWITÁ 2:1

Qoomaadá' iwa xeér ar AAKOÓ MUNGÚ Eliya nguwa ar tleemuú wa slai gawaá doori ar fur'ár bambaao, Eliya nee Elisha ta baraá loohírí dirii', ta Gilgalír daahh.

2 WAAWITÁ 2:11

Qoomár tawa hi'iimiti nee tawa axweesi ila nee tí gaárír asla nee faraásír asla Eliya nee Elisha giri parátl, Eliya kuri ar tláy gawaá doori ar fur'ár bambaao.

2 WAAWITÁ 2:5

Eeharuusér aaruuse ar amoodár Yeriko Elisha guri i daqeér, guri beér, «Xáy, kuúng hamí laarí a xúa AAKOÓ MUNGÚ aakoowók nguwa ar tlay?» Elisha iri oó', «Eeít a xuú', kuungá' xasliité'.»

2 WAAWITÁ 2:7

Eeharuusér aaruse ar mibeeri kooán iri eehariín aluudá' wa alé, ay yaaér Yordani. Eliya nee Elisha tari sihhiít dír afaá yaaér Yordani, nee eeharuuseedár aaruuse tari adooqá' i sihhiít.

WARA'AMI 112:10

Múk tlákw kaangwí bur ngwa ár tan buuhh. Inooín ngun /atlií /ayiyá' asma adoodá' kawa sií' ala nari ilaá wá qwaariyá'. Harahhifór heé tlaákw i payshút.

WARA'AMI 15:1

AAKOÓ MUNGÚ, heé hotángw dír do'ók gu aleesláw a heemá? Nee hotángw gawaá tloomarók tidá' hhoohhoo' heé gu aleesláw a heemá?

WARA'AMI 24:3

«A heemá oo tsa/ám gawaá tloomár AAKOÓ MUNGÚ? A heemá oo sihhiít dirós tidá' hhoohhoo'?»

WARA'AMI 86:17

Aníng layár hhooeemaawógií laqaamáng, kudá' aníng i ahhiitá' layaarí ngi ariye' nee ki mureekeesi. Asma AAKOÓ MUNGÚ, aníng kuúng iga alee/ís nee iga gurkwa/ás.

TI'INAANGW 14:25

Ya'aá gaarduuín giri hhitín, gaardu nari hi'iimitiyé' ar tseegamis, múk Misri iri oó', «Gusé', a guwaán geeraá múk Israeli wa ale, asma AAKOÓ MUNGÚ i barti'ín wa slaaqw amoorén i ale.»

ISAYA 14:13

Kiíng ana baraá muunaáwógi ó', ‹Aníng an tsa/ám ay gawaá doori, dír tsatse/uú Munguhe gawa, kitangw'eé' dir'ine nguri gáwtí qaás. Aníng niri iwiít gawaá tloomadár mungui tay dogiitiya', tidár amorqár /iíkwií saaw.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 60:8

Muruuwí aa /akumiit adór huunkáy a milá? Adór hhookár harakikii/ amór maray'ín.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

Luka 16:23

Iwa slahhahhai didár múk aa qaátl wa ale, ina gáwtí qaytsiít, Abrahamu gway amorqá' saáw i ár, Lasaro i geeraawós i dirii'.

Tlehhema'aá ya/Abuuse 1:9

Axweesanaywí ooaro nguwa hhe'eés, qoomár inooín kuwa ga/ay, inós kurir gáwtí tláy, huunki guri ilaaót dír ilaaín wa ale.

1 Tesalonike 4:17

Aluuwo ateédá' slafá', aga meetaan tiri xaampooiis dinkwa nee inooín ar baraá huunkáy, as Aako kuwa al'awaan gáwtí alé. Gawaá adoorihe atén nee Aako a dinkwa ay alhhe'eesay wasle.

Geehhoeemaá 12:5

/Ameenidá' na/oó garma guri xwayluúr. Na/aywí an kudá' xoordu sleémeero gi de'eém ar hhartá muqsli. Na/aywós kurir tláy hamtidár kilae ay amór Mungú, ay amór kitaangós kuduú aleesleemu.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 4:1

Alaá muruuwí sleémeerowo aníng niri malé qaytsiít, nee ga/aaweek, afkú doó taa gweér una ár gawaá dooriiwo. Nee afoodá' aa axwes nee aníng qoomaadár geeraawo, tidár adór tarumbeéta, aníng iri beér, «Amoorí tsa/amang, nee muruudá' aluú wa hardáh, aníng ngu dirógií laqaám.»