Geehhoeemaá 10:5 - Biblía Axweesantá Hhohho' ar Mungú 2004

⁵ Aluuwo malaykamoodá' naa ár, kudá' aa sihhiit gawaá daanduú tlawi, nee gawaá yaamaá kaahaará', inós dakós oo doó /iyáy guri gawaá doorí tleés.

Ya/abtór hho' 1977

⁵ Malaykamoodá' naa ár, kudá' aa sihhimiit daanduú tlawtá wa ale, nee daanduú yaamu, inós dakós oo doó /iyáy guri gawtí tleés gawaá doori.

Geehhoeemaá 10:5 Iomraidhean Croise

IIMU/UUNGW 14:22

Abramu waawutmoó Sodoma guri báy, «Dakw'eé' ugwa tleés amór AAKOÓ MUNGÚ, Munguú Gáwtí dirií', tleehharusmoó doori nee yaamu,

NEHEMIA 9:6

Esra iri adoorír firín, «Kuúng kilók an AAKOÓ MUNGÚ an kudá' doori iga tlehh nee muruudá' sleémeero baraadá' hoota, yaamu nee umuúqo gár baraaká' hoota, tlawi nee muruú baraadae, kuúng an kudá' gi amohhe'eemiís as iwa kumiitiya' hotaango, nee daqtá gawaá doori sleémeero kuúng un sluufmís.

WARA'AMI 146:5

Heé amohhoó' a kudá' alee/isaay gu harahhiíf dír Munguú Yakobo, nee harahhifoorós i dír AAKOÓ Munguúwós.

TI'INAANGW 20:11

Asma AAKOÓ MUNGÚ ina gadiyuús deelo lahhoó', yaamu nee doori gina tleéhh nee tlabeemo nee umuúqo gár dawa, ala bál faanqwe iri hungu/uús. Gawaá adoorihe AAKOÓ MUNGÚ baalár Sabaáto gari tsuúq, gari hhoohhooeés.

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

ESEKIELI 20:15

Tam adoorihe aníng lo'o ana huúw baraá xaanxáy wa ale niwa káh, ‹I dahiaaká baraá yaamuudá' naa inooín i haniís, yaamaá dane nee ilwa, yaamaá ló'wa hhoohhoo' ta yaamu sleémeerowo.›

ESEKIELI 20:23

Tam adoorihe lo'o ana huúw baraadaá xaanxáy wa alé niwa kah, alók geeraawo ina huúw ay yaamaá saaw, tawa hotaá ay tla/ángw xoordaá inooín ni xuiaaká.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 20:42

Kuungá' aníng daqaní i tsahhá' adór tar AAKOÓ MUNGÚ, qoomár burna huúw ay baraá yaamaá múk Israeli, yaamaá naa qaroó lo'ór wa /aáy ngiwa haniis dír baabi'iihúng.

ESEKIELI 20:5

Ki beer, anuú Aakoó MUNGÚ a kah, ‹Baldá' múk Israeli nguwa tsawaár, xwaylár Yakobo ana lo'ór wa /aáy. Tina geehhooatís dir'ín i aleeró qoomár tawa baraá yaamaá Misri, lo'o ana /aáy, ana oó', Aníng a AAKOÓ MUNGÚ, Munguúhúng.›

ESEKIELI 36:7

Looeemaawo anuú Aakoó MUNGÚ a kah, ‹Múk xoordaá hatlá' kudaá awa inslaawayhúng, inooíná kilá' kin /oosliislín.

ESEKIELI 47:14

Yaamu sleémeero qasisaro alqoomesaak, aníng aga tsabiím yaamuuká' ngiwa xwaylarhúng i haniis as tawa aalirhúng.

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

Tlehhema'aá ya/Abuuse 14:15

«Múlqe, kuungá' gár adoorí kas tlehhita' a milá? Atén a múk adór kuungá'. Atén kuungá' nuna Ya/abtór hhó' ií huwaán, as kuungá' tawa warqeera' baraá muruuwí tlakwe, Munguúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadií diriia sleémeero.

Tlehhema'aá ya/Abuuse 17:23

Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

Rumi 1:20

Aleesleemuú Mungú oo alhhe'eesay wásl, nee munguiimarós, muruuwí hee gu ariiká ilaawo. Ala tam adoorihe muruuwí aa geehhooúy iimír Mungú yaamu ngiwa tleéhh. Asma tlehhemi'iiwós kudá' aa tleéhh muruuwí ngwa laqaaqané'. Gawaá adoorihe gár tar tlaanki i káhh.

DABE 32:40

Aníng dakwe'eé' un gawaá doori tleés nee lo'o ngiri /aáy ar umuueé'.

Ebrania 6:13

Qoomár Mungú al'axweesani ngiwa oó' dír Abrahamu, lo'o gari /aáy adór tidá' aa oó' ir tleehharút. Lo'oodá' gari /aay ar umuuwós inósuú kilá', asma oo úr oo inós gu baá/ i kaahh, oo lo'o ngir huwi.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 10:2

Baraá dakose gár i kon a kitaábuú niiná oo taa gweér. Yaaeerós ar doó /iyáy gari qaás daanduú tlawi. Nee yaaér doó basáy gari qaás gawaá yaamaá kaahaará'.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 16:17

Malaykamoó faanqw slooqomoowós guri gáwtí tsifaaqaás. Afór ur niri baraá Doó Mungú dáhh baraá kitangwduú aleesleemu. Afoorí iri ó', «Aa tleehharút.»

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»

Geehhoeemaá 4:9

Muruuwí slaáf xirif nee ilaiwa/ame nee sluufaay kun hanmiis dír kudá' gawaá kitángw aleesleemuú i dirií', kudá' slaáf ay alhhe'eesay wasle.