Geehhoeemaá 10:4 - Biblía Axweesantá Hhohho' ar Mungú 2004

⁴ Qoomár kududuhoó faanqw iwa hhe'eés kududuhaywo, aníng ana slaá' /aymi'iidá' ngiwa gooiim. Afór dooraá daahh ana axaás, i kat, «Aymi'iisíng taa axweés nee kududuhoó faanqw dugnií qaaseek ki lú/, mi gooiimaar.»

Ya/abtór hho' 1977

⁴ Qoomár kududuhoó faanqw iwa hhe'eés axweesanto, aníng ana slaá' /aymi'iidá' ngiwa gooiim. Afoo niri hardát ar gawaá dooraá daahh, iri beér, “Aymi'iisíng taa axweés nee kududuhoó faanqw kufúlír tseegeek ki lú/, mi gooiimaar.”

Geehhoeemaá 10:4 Iomraidhean Croise

ISAYA 29:11

Iigu'utuú muruuwí sleémeero birna dirhúngí hardáh, tari adór axweesanoó taa baraá kitaábií gooín oo taa tuuntuúk kuri dugnií qaás. Kitaábuudá' bura húp dír heé soómár xuú', kuri beér, «Gám kitaábuuwí soomusang.» Inós in ooi, «Anuú aslawká asma kwa dugnií qaás.»

ISAYA 8:1

AAKOÓ MUNGÚ aníng iri báy, «Peehhír yangaariir taatahheek, /aymi'iiká' gawaadá' i gooiimeek ar kalaámu, ar adór soómaro kiwa inslaáhh, ta o', «Maher-shalal-hash-basi.» (Gídaabaárós a gaanslár hayoheek, adaá ar tlaweek.)

ISAYA 8:16

Lamabu'uungwí tseegeek, harmagahheek, daqaní tari dabér hota dír eeharuuser'eene.

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

DANIELI 12:9

«Iri mu/aywaáts, ‹Daniéli, hám daxta tláw, asma axweesantí a naaqo nee slám kaa tseék kay dugunó i qaás ay qoomár alhhe'eesaay.

DANIELI 8:26

Iigu'utudú ilahhooár tsiindo nee matlaatle tinda kuúngií oó' oo ló'. Hamí ala maweek baraá naaqórí ale, asma hardahamuuwós ku baloó tseeweeká oo iwa boo/i.

DABE 29:29

«Muruú naaqo oo AAKOÓ MUNGÚ, Munguúrén, ala muruudá' taa geehhooatís a koorén nee na/iirén ay alhhe'eesay wasle, as axweesanoó dabeerí kuwa harmagahhaan.»

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 1:19

Gawaá adoorihe, muruudá' kuúng taa aán gooiimeek, kudá' dáw nee tam kudá' sangw hardáh sleeme.

Geehhoeemaá 10:8

Afoodá' aníng naa axaás gawaá doorí wa ale, iri amor'eé' axwés malé alé iri beér, «Tláw, kitaábuudá' niiná oo taa gweér taataahheek kudá' gawaá dákw malaykamoó i dirií', kudá' aa sihhiit gawaá daanduú tlawi nee gawaá yaamaá kaahaará'.»

Geehhoeemaá 22:10

Inós aníng iri báy, «Axweesanoó aaru'uuma oo kitaábuuwí mu dugnií qaasaar, asma qooma aa naká/.