Geehhoeemaá 1:11 - Biblía Axweesantá Hhohho' ar Mungú 2004

¹¹ Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Ya/abtór hho' 1977

¹¹ Afoorí ina beér, “Gár kuúng ta aan gooiimeek baraá kitaábuú i alé, nee daqaní kay ya/áp amór múk Kríshaanáy oo baraá gixsadaá faanqw, gídaabá amór kuduú Efeso, nee Smirna, nee Pergamo, nee Tiatira, nee Sardi, nee Filadelfia, nee Laodikia.”

Geehhoeemaá 1:11 Iomraidhean Croise

ISAYA 30:8

Mungú aníng iri báy, «Tláw /aymi'iiká' gooimeek gawaá peehhi, dír geeraaín tiwa gooiin baraá kitaábu ti dahas, as kahhó' iwa lamabu'uungw tleehhitiyá' de'emaá hi'iita'a ay alhhe'eesay wasle.

YEREMIA 30:2

«Anuú AAKOÓ MUNGÚ, Munguú Israeli a kah, axweesantí sleémeero ugwa báw gooimeek baraá kitaábu.

HABAKUKI 2:2

AAKOÓ MUNGÚ aníng iri báy, «Iigu'utuuwí gooiimeek gawaá peehhi, geehhooeeseek as kahhó' umuúqo heé didár waaraahha kangwsíng ngu soomuusi ar adór inslaahh.

Tlehhema'aá ya/Abuuse 16:14

/Ameenirka ta bay Lidia didae i deer. Inós inqwaruú sirda/atén gun weermaamís. Inós ar baraá yaamaá Tiatira. Inós i Munguú ilaiwaawá/. Atén tiri iiárií qás, nee Aako muunaáwós guri gweér, axweesantadá' Paulo aa axweés gari ót.

Tlehhema'aá ya/Abuuse 18:24

Heeko wák oo Yahudi, umuuwós ku bay Apolo, nina hardáh ay Efeso. Inós a heé ta Aleksandriár wa laqwaál. Slám a heé sagalooár koóm baraá axweesanto, nee Gooír axweesantá Mungú ga ló'wa xuu'.

Tlehhema'aá ya/Abuuse 20:17

Dír Miletoro Paulo muu guri ya/aáw ay Efeso as geeraharuusér kríshaanáy kawa ateeti.

1 Korinto 15:32

Baraá gixsár Efesowo ana slaáqw nee makaá xaraaslá'. Ala qoomaadae bar ana slaáqw as heeuumar'eé', gár geeraawo ni slaw a milá? Barnaxes múk aa qaatl i baloó waaslee/iiká, «Gimsé', an /ayiimaán nee an wahaamaán, asma matlo a qatlaán.»

1 Korinto 16:8

Ala aníng a meét baraá yaamaá Efeso ay qoomár Pentekoste.

Efeso 1:1

Anuú Paulo, Ya/abusmoó Yesu Kristo as sla'aarír Mungú, barwaárí ngina gooiím amór múk Mungú oo baraá Efeso, kudá' Yesu Kristo ngwa haratlinti'iye'.

DABE 31:19

«Gimáy daxta, daa'angwí gooimeek, nee múk Israeli ku intsaahhatís! Daa'angwí qaaseek gawaá afer'ín, daa'angwí i lamabu'uungw tleehhiti dír múk Israeliwo as daanduueé'.

Kolosai 2:1

Gár ni slaa' masók kuungá' an tsahhá' adór aníng nir daawiimiit as kuungá', nee as múk yaamaá Laodikia, nee as kudá' hatlá' sleémeero awa aníng iga ari'iiká.

1 Timoteo 1:3

Qoomár án niwa Makedoniár kaw, án kuúng una firiím tawa Efesór wa hot. Hám daxta un malé firiím, as mukko kuwa hara'ayiyiin as intsaahhasár hatlá' mingiwa huúw.

Geehhoeemaá 1:17

Aníng qoomár nguwa ár, niri huú' dír ya'aawós i alé adór heé aa gwaa'. Dakós oo doó /iyáy nguri qaás gawaaeé' alé, iri oó', «Ma da'ayuumitaar. Aníng a kuduú geera nee kuduú alhhe'eesaay,

Geehhoeemaá 1:19

Gawaá adoorihe, muruudá' kuúng taa aán gooiimeek, kudá' dáw nee tam kudá' sangw hardáh sleeme.

Geehhoeemaá 1:2

Nee Yohane muruudá' sleémeero aa ár guri alki/iít. Inós axweesantá Mungú gari lamabu'ún, nee lamabu'úngw Yesu Kristo sleeme.

Geehhoeemaá 1:20

Lu/aaroó tsatse/uudá' faanqw, kudá' kuúng taa aán baraá dakw'eé' oo doó /iyáy, nee oo kiteeridá' faanqw awa sahaábu awa tsaa'asór koomá', gídaabárós a tí: Tsatse/uudá' faanqw a malaykér múk kríshaanáyduú baraá gixsadaá faanqw. Nee kiteeridá' faanqw awa tsaa'asór koomá' a múk kríshaanáyduú baraá gixsadaá faanqw.»

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.

Geehhoeemaá 10:4

Qoomár kududuhoó faanqw iwa hhe'eés kududuhaywo, aníng ana slaá' /aymi'iidá' ngiwa gooiim. Afór dooraá daahh ana axaás, i kat, «Aymi'iisíng taa axweés nee kududuhoó faanqw dugnií qaaseek ki lú/, mi gooiimaar.»

Geehhoeemaá 14:13

Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»

Geehhoeemaá 2:1

«Kaangwí gooiimeek amór malaykamooduú múk kríshaanáy oo baraá Efesór i dirií', «Axweesantí dír i dahh an dír kudá' tsatse/uú faanqw gwa oh ar dakós oo doó /iyáy, kudá' hi'iimiít baraá tla/ángw kiteeridá' faanqw awa sahaábu awa tsaa'asór koomá'.

Geehhoeemaá 2:12

«Kaangwí gooiimeek amór malaykamooduú múk kríshaanáy oo baraá Pergámó i dirií', «Axweesantí dír i dahh a dír kudá' paángadá' afa xaraasl badu tsaraawo ga koóm.

Geehhoeemaá 2:18

«Kaangwí gooiimeek amór malaykamooduú múk kríshaanáy oo baraá Tiatírár i dirií', «Axweesantí dír i dahh a dír Garmoó Mungú, kudá' ilaawós gwa/aatá' adór tsángw asla, nee ya'aawós a adór muqslír sirdaa/aat ar taa ló'wa hhohhoeés ar asla.

Geehhoeemaá 2:24

«Ala kuungaásingá' aga mete' dír Tiatira, kuungá' intsaahhatimisuuwí tlákw ugwa eehadi'iiká. Kuungá' muruudá' ugwa xui'iiká, kudá' inooín tawa kaahi a lu/aaroó muruú Neetlaangw. Án kuungá' nu baw, án huwár hatlá' ngi qaasaaká daandeemoohúng i aleeró.

Geehhoeemaá 2:8

«Kaangwí gooiimeek amór malaykamooduú múk kríshaanáy oo baraá Smirnár i dirií', «Axweesantí dír i dahh a dír kuduú geera nee oo alhhe'eesaay. Inós geeraawo ina gwaá' ala iri slaáf.

Geehhoeemaá 21:5

Kudá' aa iwiit gawaá kitangwduú aleesleemu iri oó', «Ga/aaweek, aníng mura' sleémeero u /abeemií ki/ís.» Nee iri malé báy, «Gooimeek. Asma /aymi'iiká' a /ayma'aá ló' nee awa hariimá' haratlintaaooro.»

Geehhoeemaá 22:10

Inós aníng iri báy, «Axweesanoó aaru'uuma oo kitaábuuwí mu dugnií qaasaar, asma qooma aa naká/.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»

Geehhoeemaá 3:1

«Kaangwí gooiimeek amór malaykamooduú múk kríshaanáy oo baraá Sardér i dirií', «Axweesantí dír i dahh a dír kudá' qeereemoodá' faanqw awa Mungú gi koóm, nee tsatse/uudá' faanqw. Aníng kángw tlehhemi'iiwók u xuú'. Kuúng tuwa xui a sláf, ala laatí kuúng aga gwá'.

Geehhoeemaá 3:14

«Kaangwí gooiimeek amór malaykamooduú múk kríshaanáy oo baraá Laodikeár i dirií', «Axweesantí dír i dahh a dír kudá' ta bay Amin. Inós an lamabu'usmoodá' inkihhím nee oo looeemaá axweés. Inós an iimu/úngw muruudá' sleémeero Mungú aa tleéhh.

Geehhoeemaá 3:4

Ala kuúng múk niiná u koón baraá Sardero, oo tlabaaín gaa slasla/areemisiiká. Inooín ta al hi'iimiit nee aníng, tlabaaín awa /awak kaa dahaás, asma inooín i hariná'.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.