Galatia 6:9 - Biblía Axweesantá Hhohho' ar Mungú 2004

⁹ Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Ya/abtór hho' 1977

⁹ Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Galatia 6:9 Iomraidhean Croise

IIMU/UUNGW 29:7

Yakobo giri báy, «Iimi i tlaatla/ángwí káhh, slám qoomár tlahhasa aa xeeriiká. Ala bee/aangw wahaasaak, ku de'éngw eerá'.»

WARA'AMI 104:27

Kuká' sleémeero kuúng u harahhifá', muruú /aymar'ín nguwa slaya' ar qoomár hariim.

WARA'AMI 126:5

Múk aa dahaasíngw ay ar hhirhheeri, ngu bu'uná' ar bara/.

WARA'AMI 145:15

Muruú slaáf sleémeero kuúng un ga/áy ar harahhifo. Nee kuúng un muruú /aymár i hanmís qoomár hariima.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

DAHARUSMO 11:1

Kuúng masók tu gurhhoó', asma alaá deelór niinawe tu buu'.

YEREMIA 45:3

‹Kuúng a kat, tsaxwaaeé', asma AAKOÓ MUNGÚ gurhaami ngaa doók gawaá daanduú slahh'amuueé'. Aníng gurhaami iga slaaqatís tam dír amohhoo' a slaslawaaká'.›

TLAHHOÓ LAÁWI 26:4

aníng nun tluwáy haniís ar qoomoó hariím, yaamu nay bu'úngw yaariír i laqwaaliyá', xaa'aá baraá qamuuhúng na/ii ngiri laqwaaliyá' sleeme.

SEFANIA 3:16

Baalaadae gixsár Yerusalemu kan bay «Aá gixsár Siyoni ma da'ayumitaar, dabaawók mindiwa tsatiitiyé'.»

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

Matayo 10:22

Kuungá' muu sleémeero nu aahh as aníng. Ala heedaádá' aa qiitl ay alhhe'eesaay, an kudá' ba/ám.

Matayo 24:13

Ala heé ba/ám a kudá' aa qiitl ay alhhe'eesaay.

Matayo 25:17

Tam kudaáduú talaántár tsár gaa slay, inós sleeme gari ar halaanuús, talaántár hatlá' tsár gari sláy.

Matayo 9:19

Yesu nee eeharuuseerose tari tláy, heedaádá' kuri eehár.

Marko 3:3

Yesu heedaádá' dakós aa sol'oot guri báy, «Baraá tla/aangw i sihhiiteek.»

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

2 korinto 4:1

Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

2 korinto 4:16

Gawaá adoorihe atén a mune siaanaaká. Asma slaqoorén i hhitirumitiyá', ala tam adoorihe atén ti /abeemií ki/imis baraá muneerene umuúqo deelooro.

2 korinto 9:6

Kuungá' adoorí inslawaak, «Heé dahaasíngw niiná qamiím, inós bu'úngw i slay sleeme ku niiná. Nee heé dahaasíngw yaariír qamiím, inós bu'úngw i slay sleeme ku úr.»

Efeso 3:13

Ala án kuungá' nu firiím ma mune siaara' as adoorí án tiwa slahh'eemisi as kuungá'. Asma slahh'amaayeerí a xirif dír kuungae.

DABE 11:14

Kuungá' bar adoorí aga tlehhé', daqaní inós tluwaay ngu haniis baraá yaamuuhúng qoomaadá' hariima, tluwoó saxi, nee tluwoó buhaare, kuungá' balangwhúng kuri bu'uundá', nee difaái nee di/tahunge.

2 Tesalonike 3:13

Ala kuungá' hháe, ma baloó slaaqataara' tidá' ganaa' kawa tlehha'.

Ebrania 12:3

Kuungá' inós inslawaak, adór inós tlaampa'amisuú xaraásl oo múk tlakuuse ngura sa qiqtlín. Gawaá adoorihe kuungá' ma slaaqataara' nee ma mune siaara'.

Ebrania 12:5

Ahaá, axweesantadár Mungú ar gurkwa/amisuú koom, kuungá' aga gunqaresí'i, tidá' tinda amorhúng i gooín as kuungá' tawa na/iiwós, axweesantadá' kah, «Garmaaeé', muxtár Aako ma waaqa'aar, nee slám ma mune siaar burtu iigahhamiit nee inós.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Yakobo 5:7

Gawaá adoorihe, hhaee'eé', qiqtliimé' ay dír hardahamuú Aako. Qaytsiité', dooslusmo adór ir qiqtlaatlin qoomár bu'uungós oo afhhamít nguwa daamaaran baraá qaymoorós. In qiqtlaatlín iimír tluwoó saxi ay tluwoó buhaare.

1 Petro 2:15

Asma gár Mungú i slai a tí, kuungá' bar hhooeema iga tlehhé', daqaní múk axweesantá dakti'iimár axweés u xasltisá'.

1 Petro 3:17

Asma a tsiní burtu slahh'eemiis as tlehhema'aá hhohho', barnaxes a sla'aarír Mungú, ta tuwa slahh'eemisi as tlehhema'aá tlakw.

1 Petro 4:19

Gawaá adoorihe mukdaádá' ta slahh'eemisi ar adoodá' Mungú i slai, muner'ín ngi dabaá Mungú i qaasiye', asma inós a tleehharusmooín oo inkihhimuú koóm, nee inooín tawa qiqtlin baraá tlehhema'aá hhó' wa ale.

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 2:3

Slám kuúng ana qiqtliín nee slahha'amaayér yaariir ana slaasleér as aníng, slám aga slaaqatká.

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»