Galatia 6:8 - Biblía Axweesantá Hhohho' ar Mungú 2004

⁸ Asma tlehhema'aá hee a adór dahaasiingw. Ala hee baraá slafiingose gár aa dahaasín bar tidá' slaqwa i sla', gár i bu'un a gwa'ara. Ala gár aa dahaasín bar tidá' Qeeru i slai, gár i bu'un a slafíngw alhhe'eesay wásl.

Ya/abtór hho' 1977

⁸ Asma tlehhema'aá hee a adór dahaasiingw. Ala hee baraá slafiingose gár aa dahaasín bar tidá' slaqwa i sla', gár i bu'un a gwa'ara. Ala gár aa dahaasín bar tidá' Qeeru i slai, gár i bu'un a slafíngw alhhe'eesay wásl.

Galatia 6:8 Iomraidhean Croise

YOBU 4:8

Adór aníng ngir xua, heé baraá slafiingose tlakweema nee muruú slasla/arén tleehhaahhiít, gár i slay baraá slafiingose aqo muruusuú kilá'.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

AXWEESANOÓ SAGALOOA 22:8

Heé tlakweemaá dahaasiím hhituru'uuma gan bu'ún, nee xarasleemaawós kin giqáy.

DAHARUSMO 11:6

Matlaatleero dahaasingók dahaaseek, tam tsiindoowo mu mawaar. Asma dahaasíngw ti'iít u xu'uká tam oo matlaatle laqaá oo tsiindo, laqaá sleémeero ni ti'iit.

ISAYA 32:20

Kuungá' a múk amohhoó' asma an dahasiindá' dír ma'aay i dirii'iya', hikwaahúng nee daqwayerhunge in hi'iimitiyá' ar adór ni slaiya'.

YEREMIA 12:13

Muk'eé' angaáno nguna dahaasiyé', ala gár naa buiyé' a slaamboqáy. Inooín ilakaaharu nguna mak tleehhiyé', ala aqo tawo. Asma buhhtaeé' kudá' xaraasla'a bu'úngw taa sláy a mure.»

HOSEA 10:13

Ala kuungá' tlakweema in ar hotatiindá', sakwasleemár ganaa' kari qwaaresé', lameemoohúng nuri saki/iyé', asma /uureemoohúng ina harahhifé' nee miguuserhúng tidá' yaariire.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

Matayo 19:29

Slám malé alé umuúqo heewo oo do'ós gwa geexay, laqaá qaymo, laqaá hhiya', laqaá hho'o, laqaá baabá, laqaá aayo, laqaá na/ii, as aníng, muruuwí sleémeero gu sagaáwa tsiiru wa ilaoh, nee slafíngw alhhe'eesay wásl guri aal.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Luka 18:30

inós muruú yaariír gun ak sláy hám baraá yaamuukae, nee baraá yaamaá hatlae slafíngw alhhe'eesay wásl gu sláy.»

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 4:36

Heé bu'úngw aa'áw bu'utu gu sláy, balaangw guri burumbuur. Bu'uungwí an mukdá' slafíngw alhhe'eesay wásl gu sláw. Gawaá adoorihe heé aa dahaasin nee oo aa bu'un ta al qwalalaa/.

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Rumi 8:11

Mungú Yesu guna waaslee/atís baraá múk aa qaátl wa ale ar Qeeruuwós. Nee Qeeruuwós bir baraahúng wa hoot, inós slaqoohúng sleeme, kudá' gwa'ara, gi waaslee/atis ar Qeeruudá' baraahúng wa hoót, ar adoodá' Kristo ngura waaslee/atís.

Rumi 8:13

Asma kuungá' barnaxes aga eehadé', kuungá' a qatlá'. Ala kuungá' barnaxes tlehhemi'iidá' tlakw awa slaqwa iga tsu/é' ar Qeeruú Mungú, daqaní kuungá' a slafá'.

Rumi 8:6

Asma muruudá' hee i slai baraá heeuumarose, gár ni huwi a gwa'ara. Ala muruudá' Qeeru i slai, gár ni huwi a slafiingw nee wayda.

1 Korinto 15:42

Waasle/uú múk aa qaatl sleeme an adoorí. Slaqwa kan baraá hhapérí fool adoodár ilmo kur dahaasi. Slaqwtadá' taa foól a slaqwtá hhitiruut, tidá' waaslee/ a slaqwtadá' hhitiruutaaká.

Galatia 6:7

Miti kiloohúng al/agiimara'. Mungú ku niqaaqinká. Umuúqo gár hee i dahaasin, an tidá' i bu'un.

1 Timoteo 1:16

Gawaá adoorihe gaarí an gár án gurtleemu ngusa sláw, as Yesu Kristo qiqtliingós nguwa laqán dir'eé' alé, aniíduú tlakusmoó úr, as aníng niwa slaqsaay tleehhiit dír mukduú hatlá' oo aluú wa haratlintiia, nee slafíngw alhhe'eesay wásl kuwa slay.

Tito 3:7

Tina gan'amií harafaár as gurtleemuuwós, nee atén tina aaluusér slafíngw alhhe'eesay wásl tleéhh, adoodár harahhifoorén i kat.

Yakobo 3:18

Mukduú loo/ír qamiím ar wayda, gadiyér'ín gár i huwahup a gan'amu.

2 Petro 2:12

Ala intsaahhatuuseerí muruú ta xuiiká kun /ooslislín. Inooín a adór makaá fuqurángw kooma'aaká, kudá' taa tleéhh as kiwa oohi nee kiwa qwaareesi. Inooín sleeme ki qwaarees adoorír aleeró, asma hhitiru'uumar'ín.

2 Petro 2:19

Inooín gár ta al'axweesi dír muko a kiwa gweeri baraá lawaali'iimaro. Ala laatí inooín awa kilá' a lawaalér tlehhema'aá hhitiru'uuma. Asma hee burkwa baál nee gaa, inós a lawaalmoó gadaádá'.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.

Geehhoeemaá 22:11

Heé /aytusmo i kumiiti baraá /aytaarose. Heé slasla/aruú tlehhaahhiít i kumiiti baraá slasla/aruwose. Heé hota ganaá' i kumiiti baraá gan'amuuwo, nee heé hhoohhoó' i kumiiti tiwa hhoohhoeemisi.»