Galatia 6:7 - Biblía Axweesantá Hhohho' ar Mungú 2004

⁷ Miti kiloohúng al/agiimara'. Mungú ku niqaaqinká. Umuúqo gár hee i dahaasin, an tidá' i bu'un.

Ya/abtór hho' 1977

⁷ Miti kiloohúng al/agiimara'. Mungú ku al/agaaginká. Umuúqo gár hee i dahaasin, an tidá' i bu'un.

Galatia 6:7 Iomraidhean Croise

YOBU 15:31

A tsiní birta kilós máy al/agooro nee muruú daktu'uuma harahhifooro. Asma daktu'uuma an slasláwaarós.

YOBU 4:8

Adór aníng ngir xua, heé baraá slafiingose tlakweema nee muruú slasla/arén tleehhaahhiít, gár i slay baraá slafiingose aqo muruusuú kilá'.

AXWEESANOÓ SAGALOOA 1:31

As adoorí mamaá gadiyérhúng i /agá', gur'erhúng iri tlaanduumít as al/aymarhúng.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

AXWEESANOÓ SAGALOOA 6:14

Gár baraá muunaáwós a tlakweema, slám gin aldakuut umuú daqto. Nee tlaahhi gan qamín.

AXWEESANOÓ SAGALOOA 6:19

Lamabu'usmoó lama, oo lama iwa tawó tluwit, nee heé múk harauhmís.

YEREMIA 37:9

Anuú AAKOÓ MUNGÚ a kah, miti kiloohúng al/agiimara' tawa kata', ‹Slaqwaruuseedár Kaldayo aa tleér.› Asma i baloó tleeraaká.

ESEKIELI 14:5

Aníng múk Israeli u mune kwatiít as aníng iwa i ki/iya', asma inooín taa saweés dir'eene as slaqsi'iidá' mungui ngiwa sluufmisuú ayé'.

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

HOSEA 10:13

Ala kuungá' tlakweema in ar hotatiindá', sakwasleemár ganaa' kari qwaaresé', lameemoohúng nuri saki/iyé', asma /uureemoohúng ina harahhifé' nee miguuserhúng tidá' yaariire.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

OBADIA 1:3

Daara/ángw muunaáwók ina al/agín. Kiíngadá' hotaatiim baraá mar'ór tlaa/é wa alé, kiíngadá' do'ók ugwa tlehh gawaá tlooma, hanoosáy a baraá muunaáwók i kat, «Heé aníng aweeriisaro i asláw a heemá?»

Luka 16:25

«Abrahamu iri oó', ‹Garmaaeé', inslaweek adór kuúng muruú hhó' baraá yaamuwo kura sleér oo slafíngw baraá yaamu, ala Lasaro gár aa sláy a liitlakwe. Daxta inós hamí i diirí, ku gurkwa/amis, kuúng tu slahh'emiis.

Luka 21:8

Iri oó', «Ti haramagahhe', mutunduwa al/aáy. Asma múk yaariír ni hardah tiwa umuueénár ateetin, tawa kaahi, ‹Aníng a Kristo›, nee tawa kaahi, ‹Qooma naa tseewuúr›. Ala mi eehaarara'.

1 Korinto 15:33

Kuungá' miti kiloohúng al/agiimaara', «Asma mulqér tlakw i tlehhema'aá hhó' hhitiín.»

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

2 korinto 9:6

Kuungá' adoorí inslawaak, «Heé dahaasíngw niiná qamiím, inós bu'úngw i slay sleeme ku niiná. Nee heé dahaasíngw yaariír qamiím, inós bu'úngw i slay sleeme ku úr.»

Galatia 6:3

Hee bir baraá muunaáwós i kaahi, «Aníng a heé kilá',» ala laatí inós a heé kilaeeká, heé adoorí tin kilós al/agín.

Efeso 5:6

Hee munduwa al/aáy ar /ayma'aá tawo. Asma múk muruuwí tlehhiít xarasleemaá Mungú ngun i hardihiyá' asma tawa iialooeemisiiká.

2 Tesalonike 2:3

Umuúqo heewo munduwa al/aáy ar umuúqo loohiro. Asma deeloodá' i hardatká ay dír dee/aanuudá' Mungú kuwa si'i ii iimu/un, nee Heedá' Tlaákw, kudá' ta hhaamisi, ay dír i geehhoouy.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.

Yakobo 1:26

Hee bir kaahi, «Aníng a diínír koóm,» ala inós tsifraangós gu il/anká, heewí a muunaáwós kilós gun al/agín. Diínír heé adoorí i hariindaaká.

1 Yohana 1:8

Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'.

1 Yohana 3:7

Laqwalór ninakw, hee munduwa al/aáy. Heé gan'amuú tlehhaahhiít, an heé ganaá' adoodá' Yesu ir ganaai.

Yuda 1:18

Inooín tana oó', «Qoomár alhhe'eesaywo waniquuse i ti'ít ar ilatleerir'ín tidár qwanaay ga eeharahar.»