Galatia 6:2 - Biblía Axweesantá Hhohho' ar Mungú 2004

² Ti alee/iimise' umuúqo heewo huwár heewós ngi gagaari. Ala adoorí bara tlehhé', daqaní hara'ayár Kristo aga boo/esé'.

Ya/abtór hho' 1977

² Ti alee/iimise' umuúqo heewo huuwár heewós ngi gagaari. Ala adoorí bara tlehhé', daqaní hara'ayaarí ar Kristo aga boo/esé'.

Galatia 6:2 Iomraidhean Croise

1 QOM'I 19:12

Yoabu Abishai guri báy, «Gám bara aán múk Aramu i baliit, gám hardaháng alee/iisáng, nee múk Amoni kuúng bur ar ba/abaa/, aníng ni hardáh kuúng uwa alee/iis.

TI'INAANGW 23:5

Bar daqoó wakusmoowók ugwa aán aa huú' nee huwaaro, kuúng ma tawó tlawaar, aqo un alee/ís huwaarós kawa gwet, as daqwaay iwa sihhiiti.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

Matayo 8:17

Asma /aymuudá' aarusmo Isaya aa oó' iwa boo/i, kudá' iwa káh, «Inósuú kilá' slaqwaatlakweerén gana óh, nee tiqtirén gari gagaár.»

Luka 11:46

Yesu iri oó', «Tam kuungá' intsaahhatuusér hara'ayár Mose sleeme, a tsaxwaahúng. Asma muu un huuwaá iló í tsa/amisá', ala kuungá' kilá' huwadá' i kwatimita'aaká ditsaahunge.

Yohana 13:34

Hara'ayár /aben ngi oó', ‹Ti sla'aaslae'. Adoodá' án kuungá' nura slaá', kuungá' sleeme ti adoodár sla'aaslae'.

Yohana 15:12

Hara'ayar'eé' a tí, ‹Ti sla'aaslae' adoodá' án kuungá' nura slaá'.›

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

1 Korinto 9:21

Aníng a hootaaká dír hara'ayár Mungú iwa kahh, asma aníng taa tseék nee hara'ayár Kristo. Ala dír mukdá' hara'ayár Mungú koomakahe, aníng tina adór inooín laqaá as mukdá' hara'ayár Mungú koomaaká nguwa slaw.

Galatia 6:5

Asma umuúqo heewo gár kuwa hariím aqo huwaarós gan kilós gagaar.

DABE 1:12

Xáy, ala adór aníng kilooeé' gilaahúng har'ohiingo ngir aleeslaw a adoomá?

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

Yakobo 1:25

Ala heé hara'ayár ganaa' gaa i qaytsiit, tidár muu gu gweer baraá lawaali'iimaaro, nee iri baraadá' wa hoot, heedaádá' tidá' aa axaás ga gunqareesiiká, ala a gan tlehhiit. Heewí daqaní a heé amohhoó' baraá tidá' sleémeero i tlehhiiti.

Yakobo 2:12

Axweesanayhúng nee tlehhemi'iihúng masók a adór kudaá mukdá' ta sakwasleemuuti ar dabeedár muu gu gweer baraá lawaali'iimaro.

Yakobo 2:8

Ala bar kuungá' dabeedár waawuti'iima aga boo/esé', tidá' kah, «Inslaawmoowók slaeek, adoodár kuúng tir kilók sla',» daqaní kuungá' adór hhoo' aga tlehhé'.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

2 Petro 2:21

Geeraawo a tsiní dir'ine barnaxes loohidá' ganaa' kaa baloó xuiiká, ta kawa xui, aluuwo hara'ayaadá' hhoohhoo' tidá' taa dir'ín i haniís kari máy.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

1 Yohana 4:21

Inós tina adoorír hara'ayín iwa kaahi, «Heé Mungú gu slaá', gár kuwa hariím a hhiyaawós gun slaa' sleeme.»